ထိုင်းနိုင်ငံ ဘန်ကောက်မြို့တွင် မွတ်စလင်တို့၏ ရမ်ဇာန်ဥပုသ်လကို ဖြတ်သန်းခြင်း

ဇွန် ၁၄၊ ၂၀၁၇

M-Media

ဘန်ကောက်မြို့ရှိ Alistikhomah ဗလီဝတ်ကျောင်းတော်တွင် သောကြာနေ့ မွတ်စလင်များ ၀တ်ပြုနေပုံ

– ထိုင်းနိုင်ငံ ဘန်ကောက်မြို့က အစ္စလာမ့်စင်တာတစ်ခုမှာ ပြည်တွင်းနဲ့ နိုင်ငံရပ်ခြားက ဂုဏ်သရေရှိ ပုဂ္ဂိုလ်တွေဟာ မွတ်စလင်တွေရဲ့ ရမ်ဇာန်ဥပုသ်လ အစ်ဖ်သာရ်ဝါဖြေပွဲမှာ ပါဝင်ခဲ့ကြပါတယ်။ အစ္စလာမ့်စင်တာကို တည်ထောင်သူတွေနဲ့ ထိုင်းနိုင်ငံခြားရေးဝန်ကြီးဌာန ပူးပေါင်းကာ နှစ်စဉ်ပြုလုပ်တဲ့ ဒီအခမ်းအနားဟာ ဘန်ကောက်မြို့ Suan Luang ဒေသမှာ နေထိုင်ကြသူတွေအတွက် ရမ်ဇာဉ်ဥပုသ်လ အမှတ်ရစရာလည်း ဖြစ်ပါတယ်။

အဲဒီအစ္စလာမ့်စင်တာဟာ  Suan Luang ဒေသနဲ့ ဘန်ကောက်မြို့အနီးအနားမှာရှိတဲ့ အစ္စလာမ်ဘာသာဝင်တွေ စုပေါင်းဝတ်ပြုတဲ့နေရာ၊ ရမ်ဇာန်လမှာ နေ့စဉ် စုပေါင်း ၀ါဖြေကြတဲ့နေရာပါ။ ရမ်ဇာန်ဥပုသ်လဟာ ဘာသာရေးအရ အရေးပါတဲ့ လမျိုးသာမကဘဲ မိမိတို့ တတ်နိုင်သမျှကို ပတ်ဝန်းကျင်နဲ့အတူ မျှဝေခံစားတဲ့ လ,လည်းဖြစ်ပါတယ်။ Suan Luang ဒေသက မွတ်စလင်လူ့အဖွဲ့အစည်းအတွက် ဒီလို မျှဝေမှုတွေထဲက နည်းလမ်းတစ်ခုဟာ သူတို့ရဲ့ အစ်ဖ်သာရ်ဝါဖြေပွဲမှာ အခြားသော ဘာသာဝင်တွေကို မကြာခဏ ပါဝင်စေတာပါ။

Suan Luang ဒေသဟာ ၁၈ ရာစုနှစ်ကတည်းက ဘာသာစုံလူမျိုးစုံရှိတဲ့ ဒေသတစ်ခုဖြစ်ပြီး မလေး၊ လာအို၊ ခမာ၊ မွန် စသဖြင့် မတူကွဲပြားတဲ့ လူမျိုးတွေ စုပေါင်း နေထိုင်ကြပါတယ်။ ဒီနေ့မှာတော့ ဒီဒေသက ဗုဒ္ဓဘာသာဝင်တွေနဲ့ မွတ်စလင်တွေဟာ ငြိမ်းချမ်းစွာ အတူယှဉ်တွဲ နေထိုင်ကြပါတယ်။

WAT PAK BO ဘုန်းတော်ကြီးသင် စာသင်ကျောင်း

WAT PAK BO စာသင်ကျောင်းတွင် ကျောင်းသားများက အလှူငွေ ထည့်ဝင်နေပုံ

ဖရာခနောင်တူးမြောင်းရဲ့ ကမ်းနဖူးပေါ်မှာ တည်ရှိတဲ့ WAT PAK BO စာသင်ကျောင်းဟာ ငြိမ်းချမ်းစွာ အတူယှဉ်တွဲနေထိုင်မှုရဲ့ ပြယုဂ်တစ်ခု ဖြစ်ပါတယ်။
Pak Bo ဘုန်းကြီးကျောင်းက ကြီးမှူးဖွင့်လှစ်တဲ့ ဒီစာသင်ကျောင်းရဲ့ လူ့အဖွဲ့အစည်းအပေါ် အလုပ်ကျွေးပြုတဲ့သက်တမ်းဟာ တော်တော်လေး ကြာမြင့်နေပြီဖြစ်ပြီး ဗုဒ္ဓဘာသာနဲ့ မွတ်စလင်မခွဲခြားဘဲ အားလုံးအတွက် တံခါးဖွင့်ထားတဲ့ကျောင်းလည်း ဖြစ်ပါတယ်။ ကျောင်းသားအရေအတွက်မှာ မွတ်စလင်က နည်းနည်းလောက်သာ ရှိပေမယ့် စာသင်ကျောင်းက ဘုန်းတော်ကြီးတွေ၊ ဆရာ၊ ဆရာမတွေဟာ ကျောင်းသားအားလုံးကို သာတူညီမျှ ဆက်ဆံပါတယ်။

ဒီကျောင်းရဲ့ ထူးခြားချက်တစ်ခုက ကျောင်းသားအားလုံးအတွက် ဟာလာလ် အစားအသောက်ကို ပြင်ဆင်ချက်ပြုတ်ပေးတာဖြစ်ပြီး၊ ဘယ်ဘာသာပဲဖြစ်ဖြစ် ကျောင်းသားအားလုံးဟာ တူညီတဲ့နေ့လယ်စာကို စားသောက်ကြရပါတယ်။

“အရေအကြီးဆုံးအရာတစ်ခုက ဘုန်းကြီးတို့ဟာ တစ်ယောက်ရဲ့ အခွင့်အရေး၊ ဂုဏ်သိက္ခာကို တစ်ယောက်က အလေးထားတာဖြစ်ပါတယ်။ ဘုန်းကြီးတို့ဟာ တစ်ယောက်နဲ့တစ်ယောက် ကူညီဖေးမကြပါတယ်။ ဒါဟာ ဘုန်းကြီးတို့ အတူတကွ ယှဉ်တွဲနေထိုင်နိုင်တဲ့ အခြေခံအချက်ပါပဲ” လို့ Wat Pak Bo ဘုန်းကြီးကျောင်းက ကျောင်းထိုင်ဆရာတော် Prah Kru Worakitjatorn က ပြောကြားခဲ့ ပါတယ်။

ထိုင်းနိုင်ငံမှာ အစ္စလာမ်ဘာသာဝင်တွေဟာ လူနည်းစုဖြစ်ပြီး၊ ဘန်ကောက်က မွတ်စလင်တွေဟာလည်း ရာစုနှစ်နဲ့ချီပြီး ငြိမ်းချမ်းစွာ အတူယှဉ်တွဲ နေထိုင်ခဲ့ကြပါတယ်။

“ညီရင်းအစ်ကို မောင်ရင်းနှမလို နေထိုင်လာတဲ့ကာလ ရှည်ကြာတာကြောင့် ဗုဒ္ဓဘာသာဝင်တွေနဲ့ မွတ်စလင်တွေကြားမှာ ပြဿနာ မရှိပါဘူး။ ကျွန်တော်တို့အားလုံးဟာ တစ်ယောက်နဲ့တစ်ယောက် ကူညီဖေးမကြပါတယ်” လို့ Suan Luang ခရိုင်မှာ ကြီးပြင်းလာတဲ့ အပီဆက်က ပြောကြားခဲ့ပါတယ်။

Suan Luang မှာ အရင်နေထိုင်ခဲ့သူ အက်စမတ်က “ထိုင်းနိုင်ငံမှာ ဘုန်းကြီးကျောင်းတွေနဲ့ ဗလီတွေ ဘေးချင်းကပ်ရှိနေတာ မြင်ရမယ်။ နေရာတော်တော်များမှာ ဒီလိုပါပဲ။ ကိုယ့်ဘာသာရေးအလုပ် ကိုယ်လုပ်ပြီး တစ်ယောက်နဲ့တစ်ယောက် လေးစားကြတာကြောင့် ကျွန်တော်တို့မှာ ဘာပြဿနာမှ မရှိပါဘူး” လို့ ပြောကြားခဲ့ပါတယ်။

အဲဒီဒေသမှာပဲ နေထိုင်ကြီးပြင်းခဲ့သူ မာနတ်ချိုင်ကလည်း  ထိုင်းနိုင်ငံမှာ ဘယ်လို ဘာသာရေးပြဿနာမှ မရှိဘူးလို့ ဆိုပါတယ်။

WAT PAK BO စာသင်ကျောင်းတွင် ဟာလာလ်အစားသောက် ချက်ပြုပေးသည့် မီးဖိုဆောင်

“ထိုင်းမှာ ဘာသာရေးပြဿနာဆိုတာ မရှိသလောက်ပါပဲ။ ဘာ့ကြောင့်လည်းဆိုတော့ ကျွန်တော်တို့ဟာ အတူနေထိုင်လာခဲ့ကြတာ ကြာပြီလေ။ ဘုန်းတော်ကြီးသင် စာသင်ကျောင်းတွေမှာ ကျောင်းတက်ရင်း ကြီးပြင်းလာကြတဲ့ မွတ်စလင်ကလေးတွေ ရှိသလို မွတ်စလင်ကျောင်းတွေမှာ သွားတက်တဲ့ ဗုဒ္ဓဘာသာကလေးတွေလည်း ရှိပါတယ်”

ဘာသာပေါင်းစုံညီညွတ်ရေး ပိုလုပ်ရမယ်

ပြည်တွင်းနှင့် နိုင်ငံခြားမှ ဂုဏ်သရေရှိပုဂ္ဂိုလ်များ အမှတ်တရ

ထိုင်းနိုင်ငံမှာ မွတ်စလင်တွေဟာ သူတို့ရဲ့ ဘာသာတရားကို လွတ်လပ်စွာ ကျင့်သုံးခွင့်ရခဲ့ပြီး အခြားသော ဘာသာတရားတွေနဲ့ ပြဿနာမရှိသလောက် ဖြစ်ပေမယ့် နိုင်ငံရဲ့ အချို့ဒေသတွေမှာတော့ အစ္စလာမ်ဆန့်ကျင်ရေး သဘောထားတွေက မြင့်တက်လာနေပါတယ်။

ကမ္ဘာတစ်ဝှမ်း ဘာသာရေးတင်းမာမှုတွေနဲ့ နိုင်ငံအတွင်း အစ္စလာမ်ကြောက်ရောဂါ မြင့်တက်လာတာကို သတိထားမိလာတဲ့ ထိုင်းမွတ်စလင်တွေဟာ သဟဇာတဖြစ်မှု၊ တစ်ဦးနဲ့တစ်ဦး နားလည်မှုကို ဆက်လက်ထိန်းသိမ်းသွားဖို့၊ မတူညီတဲ့ လူ့အဖွဲ့အစည်းတွေ၊ ဘာသာတရားတွေနဲ့ ညီညွတ်ရေး ပိုမိုဆောင်ရွက်ဖို့ စိုင်းပြင်းလာကြပါတယ်။

“မွတ်စလင်လူ့အဖွဲ့အစည်းနဲ့ မတူညီတဲ့ဘာသာတရားတွေကြားထဲမှာ ညီညွတ်ရေးဆောင်ရွက်မှု အမြဲတမ်းရှိခဲ့ပါတယ်။ ဒါကို ပိုပြီး ကျယ်ကျယ်ပြန့်ပြန့်ဆောင်ရွက်ဖို့ လိုပါတယ်။ ယဉ်ကျေးမှု ဓလေ့ထုံးတမ်း ကွဲပြားနေပေမယ့် ထိုင်းနိုင်ငံသားဖြစ်တယ်ဆိုတဲ့ ခံယူချက်နဲ့ အတူတကွယှဉ်တွဲနေထိုင်မှု တန်ဖိုးတွေ၊ ကျွန်တ်ာတို့အားလုံးရဲ့အမှတ်သညာတွေကို တစ်ချိန်တည်းမှာ ဆက်လက်ထိန်းသိမ်းသွားရပါမယ်” လို အနုပညာနှင့် ယဉ်ကျေးမှုဆိုင်ရာ ထိုင်းမွတ်စလင်ဖိုရမ် (Muslim Siam Forum for Art and Culture) ရဲ့ အကြီးအကဲ ဆွတ်ခရီ ဆာရင်က ပြောကြားခဲ့ပါတယ်။

Ref: CNA