မြန်မာနိုင်ငံရှိ လူ့အခွင့်အရေးချိုးဖောက်မှုများကို တုန့်ပြန်ရန် သြစတေးလျကို လူ့အခွင့်အရေးအဖွဲ့ ဖိအားပေး

ဇွန် ၁၄၊ ၂၀၁၇
M-Media

၂၀၁၆ ခုနှစ် ဒီဇင်ဘာတွင် မြန်မာစစ်တပ်၏ လေကြောင်းတိုက်ခိုက်မှုကြောင့် ပျက်ဆီးခဲ့ရသည့် မုံးကိုးမြို့မှ ခရစ်ယာန်ဘုရားကျောင်း

– မြန်မာနိုင်ငံတွင် ဖြစ်ပွားနေသည့် စစ်ရာဇ၀တ်မှုများ၊ လူ့အခွင့်အရေးချိုးဖောက်မှုများအတွက် သြစတေးလျနိုင်ငံက တုန့်ပြန်ဆောင်ရွက်ပေးရန် နိုင်ငံတာ လူ့အခွင့်အရေးအဖွဲ့ Amnesty International က ၎င်းတို့၏ အစီရင်ခံစာသစ်တွင် တိုက်တွန်းပြောကြားလိုက်သည်။

“မြန်မာနိုင်ငံ ရခိုင်ပြည်နယ်က ရိုဟင်ဂျာလူ့အဖွဲ့အစည်း ခံစားနေရတဲ့ တုန်လှုပ်စရာ ညှင်းပမ်းမှုတွေကို နိုင်ငံတကာ အသိုင်းအ၀ိုင်းက သိနေမြင်နေပါတယ်။ ဒါပေမယ့် ကချင်ပြည်နယ်နဲ့ ရှမ်းပြည်နယ်မြောက်ပိုင်းမှာ စစ်တပ်က အခြားသော တိုင်းရင်းသားလူနည်းစုတွေကို ပစ်မှတ်ထားမှုအတွင်း ဒီလို တုန်လှုပ်စရာ အဖြစ်မျိုး ဖြစ်နေတယ်ဆိုတာကို ကျွန်တော်တို့ တွေ့ရပါတယ်” ဟု Amnesty International အဖွဲ့မှ ပြောရေးဆိုခွင့်ရှိသူ မက်သယူး ၀ဲလ်စ်က ပြောကြားခဲ့သည်။

Amnesty International က ယနေ့တွင် ထုတ်ပြန်သည့် အစီရင်ခံစာတွင် မြန်မာအစိုးရနှင့် တိုင်းရင်းသား လက်နက်ကိုင်များအကြား ကာလရှည် ဖြစ်ပွားနေသည့် တိုက်ခိုက်မှုများကြောင့် အရပ်သား ၁ သိန်းခန့် အိုးအိမ်စွန့်ခွာ ထွက်ပြေးရကြောင်း၊ ညှင်းပမ်းမှု၊ တရားလက်လွတ် သတ်ဖြတ်မှု၊ အရပ်သားများနေထိုင်ရာနေရာသို့ ဗုံးကြဲမှုများ ပြုလုပ်သည့်ဆိုသည့် အထောက်ထားများ ကျယ်ကျယ်ပြန့်ပြန့်ရှိနေပြီး လူသားချင်းစာနာထောက်ထားမှု အကူအညီများ ၀င်ရောက်ခွင့်ကို မြန်မာစစ်တပ်က ကန့်သတ်ထားကြောင်း ဖော်ပြထားသည်။

ထို့ပြင် တိုင်းရင်းသား လက်နက်ကိုင်များကလည်း အရပ်သားများကို ပြန်ပေးဆွဲခြင်း၊ အမျိုးသားများ၊ အမျိုးသမီးများနှင့် ကလေးငယ်များကို အတင်းအဓမ္မ လူသစ်စုဆောင်းခြင်း၊ ဆင်းရဲနွမ်းပါးသည့် ပြည်သူများအပေါ် အခွန်ကောက်ခြင်း စသည့် အထောက်အထားများလည်း ရှိသည်ဟု ဆိုသည်။

Amnesty International က ပဋိပက္ခဖြစ်ပွားရာ ဒေသများ၌ လူ့အခွင့်အရေးချိုးဖောက်မှုများကို စုံစမ်းရန်အတွက် ကုလ၏ အချက်အလက်ရှာဖွေရေးအဖွဲ့ သွားရောက်နိုင်ရေး ထောက်ခံရန်လည်း သြစတေးလျအစိုးရကို ဆော်သြခဲ့သည်။

သြစေတးလျ အတိုက်အခံပါတီ နိုင်ငံတကာ ဖွံ့ဖြိုးတိုးတက်ရေးအဖွဲ့မှ ပြောရေးဆိုခွင့်ရှိသူ အမျိုးသမီး မူရီက လူ့အခွင့်အရေးချိုးဖောက်မှုများနှင့် ပတ်သက်၍ သြစတေးလျမှာ ယခင်ကတည်းက ထုတ်ဖော်ပြောဆိုလေ့ ရှိကြောင်း ပြောကြားခဲ့သည်။

“လူ့အခွင့်အရေးဆိုတာ နိုင်ငံတိုင်းက အလေးထားရမယ့် ကိစ္စပါ”

မကြာသေးခင်က ထိုင်း-မြန်မာနယ်စပ်သို့ သွားရောက်ခဲ့သည့် အစိုးရ၀န်ကြီး ဇဒ် ဆီဆဲလ်ဂျာကလည်း သြစတေးလျမှာ ဒုက္ခသည်များ ပြန်လည်နေရာချထားရေးအပါအ၀င် လူ့အခွင့်အရေးမြှင့်တင်ပေးရန် မိမိတို့၏ အနေအထားကို အမြဲတမ်း အသုံးချခဲ့သည်ဟု ပြောကြားခဲ့သည်။

Ref: News.com.au