ဖမ်းထားသည့် ရိုဟင်ဂျာကလေးငယ်များကို လူသားဆန်စွာဆက်ဆံရန် မြန်မာအစိုးရကို ယန်းဟီးလီ တိုက်တွန်း

ဇွန် ၁၅၊ ၂၀၁၇
M-Media

– ရခိုင်ပြည်နယ်မြောက်ပိုင်းတွင် အောက်တိုဘာလကတည်းက ပြုလုပ်ခဲ့သည့် အစိုးရစစ်တပ်၏ စစ်ဆင်ရေးအတွင်း ဖမ်းဆီးထားသူများထဲမှ ကလေးငယ်များ၏ အခွင့်အရေးများ၊ ဆေးဝါးကုသခွင့်တို့ကို အာမခံပေးရန် မြန်မာနိုင်ငံ လူ့အခွင့်ရေးဆိုင်ရာ အထူးကိုယ်စားလှယ် ယန်းဟီလီက ယနေ့တွင် ပြောကြားလိုက်သည်။

ရိုဟင်ဂျာအုပ်စုတစ်ခုက နယ်ခြားစောင့်စခန်းများကို စီးနင်းတိုက်ခိုက်ခဲ့သည့် အောက်တိုဘာ ၉ ရက်နေ့နောက်ပိုင်း အစိုးရတပ်မှ ပြုလုပ်သော စစ်ဆင်ရေးအတွင်း ရိုဟင်ဂျာ သူပုန်များနှင့် ပူးပေါင်းသည်ဟုဆိုကာ ရိုဟင်ဂျာ အမျိုးသား ၄၀၀ ကျော်ကို ဖမ်းဆီးခဲ့ပြီး ထိုအထဲတွင် အသက် ၁၀ နှစ်အရွယ်ခန့် အပါအ၀င် အရွယ်မရောက်သေးသော ကလေးငယ် ၁၃ ဦး ပါဝင်သည်ဟု မတ်လ ၇ ရက်နေ့ ရက်စွဲဖြင့် ရဲတပ်ဖွဲ့၏ အထောက်အထားစာရွက်တွင် ဖော်ပြထားသည်။

ဂျီနီဗာရှိ လူ့အခွင့်အရေးကောင်စီတွင် ယနေ့ပြောကြားသည့် မိန့်ခွန်း၌ ယန်းဟီလီက ကလေးငယ်များ၏ လွတ်လပ်မှုကို စိတ်ထင်တိုင်း မချုပ်ချယ်သင့်ကြောင်း၊ အစိုးရအနေဖြင့် အခြေအနေ၊ အချိန်အခါနှင့် လျော်ညီစွာ ကလေးငယ်များ၏ အခွင့်အရေးကို အာမခံပေးသင့်ကြောင်း ပြောကြားခဲ့သည်။

“ကလေးတွေကို မဖမ်းမဖြစ် အခြေအနေရောက်မှသာ အတိုတောင်းဆုံး အချိန်ကာလတစ်ခုအထိ ထိန်းသိမ်းဖို့၊ လူသားဆန်စွာ ဆက်ဆံပြီး၊ သူတို့ရဲ့အသက်အရွယ်ကို ထောက်ထားတဲ့ ပုံစံမျိုးနဲ့ အလေးထား ကိုင်တွယ်ဖို့ မြန်မာအစိုးရကို ကျွန်မ သတိထောက်ချင်ပါတယ်” ဟု ယန်ဟီးလီက ပြောကြားခဲ့သည်။

ထို့ပြင် ဖမ်းခံထားရသည့် ကလေးငယ်တစ်ဦး သေဆုံးမှုအတွက် စုံစမ်းစစ်ဆေးမှု ဆောင်ရွက်ရန်လည်း အစိုးရကို ယန်းဟီးလီက တိုက်တွန်းခဲ့သည်။ မြန်မာအစိုးရက အဆိုပါကလေးငယ်မှာ ကျန်းမာရေးမကောင်းမှုကြောင့် ဖေဖော်ဝါရီလက သေဆုံးခဲ့ကြောင်း ပြောကြားခဲ့ပြီး ထိုသတင်းကို ပြီးခဲ့သည့်တစ်ပတ်ကမှ ထုတ်ပြန်ခဲ့သည်ဟု ယန်ဟီးလီက ထောက်ပြခဲ့သည်။

ပြီးခဲ့သည့် ဧပြီလက ယူနီဆက်ဖ် လက်ထောက် အမှုဆောင်ဒါရိုက်တာ ဂျက်စတင် ဖော်ဆစ် မြန်မာနိုင်ငံသို့ လာရောက်သည့်အချိန်တွင်လည်း ကလေးများ ဖမ်းဆီးထားမှုကို လွှတ်ပေးရန် တောင်းဆိုခဲ့သည်။

အောက်တိုဘာလမှ စတင်ခဲ့သည့် အစိုးရစစ်တပ်၏ စစ်ဆင်ရေးတွင် အစုလိုက်အပြုံလိုက် သတ်ဖြတ်မှု၊ အုပ်စုဖွဲ့ အဓမ္မပြုကျင့်မှုများ ရှိသည်ဟု ဘင်္ဂလားဒေ့ရ်ှကို ထွက်ပြေးခဲ့ရသည့် ရိုဟင်ဂျာများ၏ ပြောကြားမှုကို ကိုးကား၍ ကုလက အစီရင်ခံစာတစ်စောင်ကို ထုတ်ပြန်ခဲ့ပြီး အဆိုပါကျူးလွန်မှုမှာ လူသားထုအပေါ် ကျူးလွန်သည့် ရာဇ၀တ်မှုပင် မြောက်နေသည်ဟု ဆိုသည်။

မြန်မာစစ်တပ်ကမူ ထိုစွပ်စွဲမှုများကို ငြင်းဆိုခဲ့ပြီး မိမိတို့အနေအဖြင့် ဥပဒေဘောင်အတွင်းက နယ်မြေရှင်းလင်းရေးလုပ်ငန်းကို လုပ်ဆောင်ခြင်းဖြစ်သည်ဟု တုန့်ပြန်ခဲ့သည်။

ယန်ဟီးလီက မြန်မာအစိုးရအနေဖြင့် မကြာသေးမီက ကုလမှ ဖွဲ့စည်းလိုက်သည့် အချက်အလက်ရှာဖွေရေးအဖွဲ့နှင့် အပြည့်အ၀ ပူးပေါင်းဆောင်ရွက်ရန်လည်း တိုက်တွန်းခဲ့သည်။

ဒေါ်အောင်ဆန်းစုကြည်ကမူ ထိုအဖွဲ့ကို လက်မခံဘဲ မတူညီသော လူ့အဖွဲ့အစည်းများကြားတွင် ပိုမို ရန်လိုမှုကိုသာ ဖြစ်စေမည်ဟု ယခုသီတင်းပတ်အတွင်း ပြောကြားခဲ့သည်။

Ref: Reuters