အုန်းသီးမှရရှိသည့် ဆီကလည်း ကျန်းမာရေးအတွက် အန္တရာယ်ဖြစ်နိုင်

ဇွန် ၁၈၊ ၂၀၁၇
M-Media

– အုန်းသီးကနေရရှိတဲ့အဆီဟာ အသားကနေ ရရှိတဲ့အဆီနဲ့ ထောပတ်တွေလို ကျန်းမာရေးနဲ့ သင့်လျော်မှု မရှိဘူးလို့ အမေရိကန်နှလုံးဆိုင်ရာအသင်း AHA က ကျွမ်းကျင်သူတွေက ပြောကြားလိုက်ပါတယ်။

အုန်းဆီတွေကို ကျန်းမာရေးနဲ့ ညီညွတ်တယ် အခြားသော ပြည့်ဝဆီတွထက် ပိုကောင်းတယ်ဆိုပြီး ရောင်းချလေ့ရှိပါတယ်။ ဒါပေမယ့် အမေရိကန် ပညာရှင်တွေကတော့ အုန်းဆီမှာ မကောင်းတဲ့ ကိုလက်စထရောတွေကို မြင့်တက်စေတဲ့ ပြည့်ဝအဆီတွေ ပါဝင်တယ်လို့ ဆိုပါတယ်။

ဝက်ဆီလို တိရစ္ဆာန်အဆီမျိုးဟာ ကျန်းမာရေးကို ထိခိုက်စေနိုင်ပြီး၊ သံလွင်ဆီနဲ့ နေကြာဆီတို့က ကျန်းမာရေးအတွက် ပိုကောင်းတယ်လို့ ယေဘူယျအားဖြင့် သတ်မှတ်ထားကြတာပါ။

ဒီလိုသတ်မှတ်မှုဟာ ဆီမှာ ပြည့်ဝအဆီ ဘယ်လောက်ပါဝင်လဲဆိုတာနဲ့ တိုင်းတာပါတယ်။ ပြည့်ဝဆီတွေကို အစားများရင် သွေးထဲမှာ မကောင်းတဲ့ ကိုလက်စထရောတွေ မြင့်တက်ပြီး သွေးလွှတ်ကြောတွေကို ပိတ်ဆို့ကာ နှလုံးနဲ့ လေဖြတ်တာတွေလို ရောဂါမျိုး ဖြစ်ပွားနိုင်ပါတယ်။

AHA ကတော့ အုန်းသီးကနေရရှိတဲ့အဆီရဲ့ ၈၂ ရာခိုင်နှုန်းက ပြည့်ဝအဆီတွေ ပါဝင်ပြီး ထောပတ်မှာပါဝင်တဲ့ ၆၃ ရာခိုင်နှုန်း၊ အသားရဲ့ အဆီမှာ ပါဝင်တဲ့ ၅၀ ရာခိုင်နှုန်း၊ ၀က်ဆီမှာပါဝင်တဲ့ ၃၉ ရာခိုင်နှုန်းထက် ပိုများနေတာပါ။ နောက်ပြီး အုန်းဆီဟာ အခြားသော ပြည့်ဝဆီတွေလိုဘဲ မကောင်းတဲ့ ကိုလက်စထရောကို မြင့်တက်စေကြောင်း လေ့လာမှုမှာ တွေ့ရှိတယ်လို့ ဆိုပါတယ်။

ဒါ့ကြောင့် လူသားတွေအနေနဲ့ စားသုံးနေတဲ့ ပြည့်ဝအဆီတွေကို လျှော့ချကာ သံလွင်ဆီနဲ့ နေကြာဆီတို့လို ဟင်းရွက်ဆီတွေကို ပိုမိုစားသုံးသင့်တယ်လို့ AHA က အကြံပြုခဲ့ပါတယ်။

Ref: BBC