လန်ဒန်တွင် ဗလီမှထွက်လာသော မွတ်စလင်များကို ပစ်မှတ်ထားကာ ဗန်ကားတစ်စီးက ၀င်တိုက်

ဇွန် ၁၉၊ ၂၀၁၇
M-Media

– လန်ဒန်မြောက်ပိုင်းရှိ ဗလီဝတ်ကျောင်းတော် ၂ လုံးအနီးတွင် ဗန်ကားတစ်စီးကာ လမ်းသွားလမ်းလာများကို ၀င်တိုက်မှုကြောင့် အများအပြား ထိခိုက်ဒဏ်ရာရရှိခဲ့သည်ဟု ယူကေ ရဲတပ်ဖွဲ့က ပြောကြားလိုက်သည်။

ယမန်နေ့ည သန်းခေါင်ကျော်တွင် ဖင်စ်ဘူရီပါ့ခ်ရှိ ဗလီဝတ်ကျောင်းတော်မှ ၀တ်ပြုပြီး ထွက်လာသည့် မွတ်စလင်များကို ဦးတည်ကာ ၀င်တိုက်ခဲ့ခြင်းဖြစ်သည်ဟု မျက်မြင်သက်သေများ၏ ပြောကြားမှုကို ကိုးကား၍ Independent သတင်းစာက ဖော်ပြခဲ့သည်။

အတိုက်အခံ လေဘာပါတီခေါင်းဆောင် ဂျယ်ရီမီ ကောရ်ဘန်က ထိုအဖြစ်အပျက်အတွက် အလွန်အမင်း တုန်လှုပ်ရသည်ဟု ပြောကြားခဲ့သည်။

ရဲတပ်ဖွဲ့က လူတစ်ဦးကို ဖမ်းဆီးထားပြီး အရေးပေါ် ကယ်ဆယ်ရေးဝန်ဆောင်မှုများလည်း ရောက်ရှိနေသည်ဟု သတင်းထုတ်ပြန်ခဲ့သည်။

“ကားတစ်စီးဟာ လမ်းသွားလမ်းလာတွေကို ၀င်တိုက်တယ်ဆိုပြီး မနက် ၁၂ နာရီ ၂၀ လောက်မှာ ရဲတပ်ဖွဲ့က သတင်းရပါတယ်။ ထိခိုက်ဒဏ်ရာရသူ တော်တော်များများပြီး အခင်းဖြစ်တဲ့နေရာမှာ ဆောင်ရွက်နေပါတယ်” ဟု ရဲတပ်ဖွဲ့က ထုတ်ပြန်သော ကြေငြာချက်တွင် ဖော်ပြထားသည်။

ဗြိတိန်မွတ်စလင်ကောင်စီ (MCB) က ဖင်စ်ဘူရီပါ့ခ်ရှိ ဗလီမှ ထွက်လာသော မွတ်စလင်များကို ဗန်ကားတစ်စီးက ဖြတ်တိုက်ခဲ့သည်ဟု သတင်းရထားကြောင်း Twitter စာမျက်နှာတွင် ရေးသားခဲ့သည်။

MCB ၏ အထွေထွေအတွင်းရေမှူး ဟာရွန်ခန်းက ၀တ်ပြုအပြီး ထွက်လာသူများကို ယခုကဲ့သို့ ရည်ရွယ်ချက်ရှိရှိ ၀င်တိုက်မှုအတွက် တုန်လှုပ်မိသည်ဟု ပြောကြားခဲ့သည်။

ဖင်စ်ဘူရီပါ့ခ် ဗလီဝတ်ကျောင်းတော်မှ ဥက္ကဌဖြစ်သူ မိုဟာမက် ကော့ဇ်ဘားရ်က ထိုလုပ်ရပ်မှာ ဆိုးရွားသည့် လုပ်ရပ်ဖြစ်ပြီး အကြမ်းဖက်တိုက်ခိုက်မှုဖြစ်နိုင်သည်ဟု ဆိုသည်။

လက်ရှိတွင် တိုက်ခိုက်မှုပြုလုပ်သည့် နောက်ကွယ်မှ လှုံ့ဆော်မှုကို မသိရှိရသေးပေ။

Ref: Aljazeera