အိုက်ဗရီကို့စ် လက်ရွေးစင်ဘောလုံးသမား တီယိုတီ၏ ဈာပနအခမ်းအနား ကျင်းပပြီးစီး

ဇွန် ၁၉၊ ၂၀၁၇
M-Media

– ယခုလအစောပိုင်းက တရုတ်ကလပ်အသင်း Beijing Enterprises နှင့် လေ့ကျင့်ခန်းဆင်းနေစဉ် လဲကျသေဆုံးခဲ့သည့် အိုက်ဗရီကို့စ် လက်ရွေးစင်ဘောလုံးသမား ချီအစ် တီယိုတီ၏ ဈာပနအခမ်းအနားကို ယမန်နေ့တွင် ကျင်းပခဲ့သည်ဟု သိရသည်။

အသက် ၃၀ နှစ်အရွယ် နယူးကာဆယ်ကစားသမားဟောင်း တီယိုတီ၏ ရုပ်ကလပ်ကို တရုတ်နိုင်ငံမှ အိုက်ဗရီကို့စ်သို့ သယ်ဆောင်လာခဲ့ပြီး စီးပွားရေးမြို့တော် အဘစ်ဂျန်တွင် စစ်အခမ်းအနားဖြင့် မြေမြှုပ်သဂြိုဟ်ခဲ့သည်။

ဈာပနအခမ်းအနားသို့ အိုက်ဗရီကို့စ်လက်ရွေးစင် နည်းပြဟောင်း ဟာဗီး ရီနာ့ဒ်၊ ဆော်လမွန်ကာလူး၊ အိုက်ဗရီကို့စ်ဝန်ကြီးချုပ် အမာဒူ ဂွန် ကူလီဘလီ၊ အားကစားဝန်ကြီး၊ အိုက်ဗရီကို့စ် ဘောလုံးအဖွဲ့ချုပ်ဥက္ကဌတို့အပါအ၀င် အသင်းဖော်ဟောင်းများ၊ အိုက်ဗရီကို့စ်အသင်းသားများ၊ ဂုဏ်သရေရှိပုဂ္ဂိုလ်များ ရာနှင့်ချီ တက်ရောက်ခဲ့ကြသည်။

“သူဟာ လူသားတစ်ယောက်အနေနဲ့ရော ကစားသမားတစ်ယောက်အနေနဲ့ပါ ကျွန်တော် လေးစားရသူတစ်ယောက်ပါ။ လက်ရွေးစင်အသင်းမှာ ကျွန်တော် သူနဲ့ ၆ နှစ်ကစားဖူးပါတယ်။ သူ နယူးကာဆယ်မှာရှိတုန်းက ကျွန်တော်က ချယ်ဆီးကနေ သူ့ကို ရင်ဆိုင်ကစားဖူးပါတယ်။ ကျွန်တော်တို့မှာ ကောင်းမွန်တဲ့ဆက်ဆံရေး ရှိပါတယ်။ ဘယ်အရာအတွက်နဲ့မှ သူ့ဈာပနကို လွဲချော်လို့ မရါဘူး” ဟု ဂျာမနီတွင် ကစားနေသည့် ကာလူးက ပြောကြားခဲ့သည်။

တီယိုတီမှာ လက်ရွေးစင်အသင်းအတွက် ပွဲပေါင်း ၅၀ ကျော် ကစားခဲ့ပြီး ၂၀၁၅ ခုနှစ် အာဖရိကနိုင်ငံများဖလား ဆွတ်ခူးခဲ့သည်။

Ref : BBC