ရီးယဲလ်ကွင်းလယ်လူဟောင်း ဒီမာရီယာ စပိန်တွင် အခွန်ရှောင်မှုဖြင့် ယူရို ၂ သန်း ဒဏ်ရိုက်ခံရ

ဇွန် ၂၂၊ ၂၀၁၇
M-Media

– ရီးယဲလ်မက်ဒရစ်တွင် ကစားခဲ့သည့်အချိန်က ပုံရိပ်အသုံးပြုခွင့်နှင့်ပတ်သက်၍ အခွန်ရှောင်ခဲ့သောကြောင့်ဒဏ်ငွေ ယူရို ၂ သန်းပေးရန် အိန်ဂျယ် ဒီမာရီယာက သဘောတူညီခဲ့သည်ဟု စပိန် အာဏာပိုင်များက ပြောကြားလိုက်သည်။

လက်ရှိတွင် ပီအက်စ်ဂျီအသင်း၌ ကစားနေသည့် အသက် ၂၉ နှစ်အရွယ် ဒီမာရီယာမှာ စွဲချက်နှစ်ခုအတွက် အပြစ်ရှိကြောင်း ၀န်ခံရန် ရှိနေသည်။

၎င်းမှာ အခွန်ကိစ္စ စုံစမ်းစစ်ဆေးခံရသည့် ထိပ်တန်း ကစားသမားများနှင့် နည်းပြများထဲတွင် တစ်ဦးအပါအ၀င် ဖြစ်ခဲ့ပြီး မန်ယူနည်းပြ မော်ရင်ဟိုနှင့် ရီးယဲလ်တိုက်စစ်မှူး ရော်နယ်ဒိုတို့က စွဲချက်များကို ငြင်းဆိုခဲ့သည်။

ဒီမာရီယာမှာ ၂၀၁၂-၂၀၁၃ ခုနှစ်တွင် ၎င်း၏ ပုံရိပ်အသုံးပြုခွင့်ဆိုင်ရာအတွက် စပိန်တာဝန်ရှိသူများကို ယူရို ၁.၃ သန်းပေးရန် ပျက်ကွက်ခဲ့သည်။ ၎င်းအား စွဲဆိုထားသော စွဲချက် ၂ ခုအတွက် ၈ လစီ ထောင်ဒဏ် ချမှတ်ခံရမည်ဖြစ်သော်လည်း စပိန်ဥပဒေအရ ပထမဆုံး ကျူးလွန်သူများအနေဖြင့် ၂ နှစ်အောက် ထောင်ဒဏ်ကို ကျခံရန် မလိုအပ်ပေ။

မော်ရင်ဟိုမှာ ၂၀၁၁ ခုနှစ်မှ ၂၀၁၂ ခုနှစ်အတွင်း ရီးယဲလ်၌ နည်းပြလုပ်နေစဉ် ယူရို ၃.၃ သန်း အခွန်ရှောင်သည်ဟု စွပ်စွဲခံထားရပြီး ရော်နယ်ဒိုမှာ ၂၀၁၁ မှ ၂၀၁၄ ခုနှစ်အတွင်း ယူရို ၁၄.၇ သန်း အခွန်ရှောင်သည်ဟု စွပ်စွဲခံရထားရသည်။

၂၀၁၆ ခုနှစ်တွင် ဘာစီလိုနာနောက်ခံလူ ဂျာဗီယာ မာရှေရာနိုမှာ အခွန်ရှောင်မှုအတွက် ဆိုင်းငံ့ထောင်ဒဏ် ၁ နှစ် ပြစ်ဒဏ်ချမှတ်ခြင်းခံရပြီး ဘာစီလိုနာ တိုက်စစ်မှူးများဖြစ်သော မက်ဆီနှင့် နေးမာတို့မှာလည်း အခွန်ရှောင်မှုအတွက် တရားစွဲဆို ခံထားရသည်။

Ref: BBC