Facebook
ဇွန် ၂၂၊ ၂၀၁၇
M-Media
– အခုတစ်ပတ်အဆုံးမှာ ကျရောက်တော့မယ့် အစ္စလာမ်ဘာသာဝင်တွေရဲ့ ၀ါကျွတ်အီးဒ်နေ့ကို ဂုဏ်ပြုတဲ့အနေနဲ့ စင်ကာပူက ရထားတွေမှာ အီးဒ်န့အထိမ်းအမှတ် ပုံရိပ်တွေ၊ ဆုတောင်းစာတွေကို ဖော်ကြူထားပေးထားပါတယ်။
ရမ်ဇာန်ဥပုသ်လမှာ တစ်လတာ ဥပုသ်သီလ စောင့်တည်ပြီးတဲ့နောက် အစ္စလာမ်ဘာသာဝင်တွေဟာ အီဒွလ်ဖိသိရ် ၀ါကျွတ်အီးဒ်ပွဲတော်ကို ဆင်နွှဲကြမှာဖြစ်ပြီး ဒီပွဲတော်ကို မလေးလူမျိုးတွေရဲ့ ဘဟာဆာ ဘာသာစကားနဲ့ ‘ဟာရီရာယာ’ လို့ ခေါ်ပါတယ်။
အီးဒ်နေ့မှာ မွတ်စလင်တွေဟာ ၀တ်ပြုဆုတောင်းတာ၊ မုန့်တွေလုပ်ပြီး ပတ်ဝန်းကျင်ကို ဝေငှတာ၊ ဆွေမျိုးတွေနဲ့ သက်ကြီးရွယ်အိုတွေဆီ သွားရောက်ပြီး စလာမ်မေတ္တာပို့သတာတွေ လုပ်ဆောင်ကြတာဖြစ်ပါတယ်။
စင်ကာပူက ရထားလိုင်းတွေမှာ ဒီလို အီးဒ်နေ့အထိမ်းအမှတ်ပုံရိပ်တွေ၊ ဆုတောင်းတွေ ဆင်ယင်ချယ်သထားတာကို စင်ကာပူအစိုးရရဲ့ ကုန်းလမ်းပို့ဆောင်ရေး ၀န်ကြီးဌာနက စီစဉ်ဆောင်ရွက်တာဖြစ်ပြီး ဒီကနေ့နေ ဇူလိုင်လ ၁၉ ရက်နေ့အထိ ထားရှိသွားမှာ ဖြစ်ပါတယ်။
စင်ကာပူ ဆက်သွယ်ရေးနှင့် သတင်းအချက်အလက်ဝန်ကြီးဖြစ်ပြီး မွတ်စလင်ရေးရာဝန်ကြီးလည်းဖြစ်သူ ဒေါက်တာ ယာကွဘ် အီဗရာဟင်က ဒီဆင်ယင်ချယ်သထားမှုတွေကို ကြည့်ရှုကာ ပြည်သူတွေနဲ့အတူ ရထားစီးခဲ့ပါတယ်။
Ref: Facebook page of Singapore’s Land Transport Authority
M-Media on Twitter
M-Media Tube
Comments