အာရပ်လေး ၄ နိုင်ငံက ကာတာကို တောင်းဆိုချက် ၁၃ ခုနှင့် ၁၀ ရက်ရာဇသံပေးထား

ဇွန် ၂၃၊ ၂၀၁၇
M-Media

– လက်ရှိ ပြုလုပ်ထားတဲ့ သံတမန်ရေးဆိုင်ရာ၊ ကုန်သွယ်ရေး၊ ခရီးသွားလာရေးဆိုင်ရာ ဖြတ်တောက်မှုတွေကို အဆုံးသတ်စေချင်ရင် အချက် ၁၃ ချက်ကို လိုက်နာရမယ်လို့ ဆော်ဒီနဲ့ အခြားအာရပ်နိုင်ငံတွေက ဒီနေ့မှာ ကာတာကို တောင်းဆိုလိုက်ပါတယ်။

ကာတာဟာ အကြမ်းဖက်ဝါဒကို ပံ့ပိုးပေးတယ်ဆိုတဲ့ စွဲချက်တွေနဲ့ ဆော်ဒီ၊ အီဂျစ်၊ ယူအေအီးနဲ့ ဘာရိန်းတို့က ကာတာကို ဇွန်လ ၅ ရက်နေ့မှာ သံတမန်အဆက်အသွယ် ဖြတ်တောက်ခဲ့တာဖြစ်ပြီး ကာတာကတော့ ဒီစွပ်စွဲချက်တွေကို ငြင်းဆိုခဲ့ပါတယ်။

ဒီနေ့ ထုတ်ပြန်လိုက်တဲ့ တောင်းဆိုမှုတွေထဲမှာ မွတ်စလင်ညီအစ်ကိုတော်များအဖွဲ့၊ ဟစ်ဇ်ဘိုလာ၊ အလ်ကိုင်းဒါးနဲ့ IS တို့အပါအ၀င် အခြားသော အဖွဲ့တွေနဲ့ အဆက်အသွယ် ဖြတ်တောက်ရမယ်ဆိုတဲ့ အချက်လည်း ပါဝင်ပါတယ်။

နောက်ပြီး ဒိုဟာအခြေစိုက် အလ်-ဂျာဇီးရားသတင်းဌာနကို ပိတ်သိမ်းဖို့၊ တူရကီစစ်အခြေစိုက်စခန်းအတွက် နေရာပေးထားတာကို ဖယ်ပေးဖို့၊ သူတို့လေးနိုင်ငံက လူတွေကို နိုင်ငံသားပေးထားတာ ရုပ်သိမ်းဖို့၊ သူတို့လေးနိုင်ငံရဲ့ နိုင်ငံရေးကိစ္စတွေမှာ ၀င်မစွက်ဖို့၊ အီရန်နဲ့ သံတမန်အဆက်အသွယ်ဖြတ်ဖို့၊ ကာတာအနေနဲ့ နစ်နာကြေးပေးဖို့တွေလည်း တောင်းဆိုချက်ထဲမှာ ပါဝင်ပါတယ်။

ဒီအတွက် ဆော်ဒီဦးဆောင်တဲ့ ၄ နိုင်ငံက ကာတာကို ၁၀ ရက် အချိန်ပေးထားပါတယ်။

တကယ်လို့ ကာတာက ဒီတောင်းဆိုချက်တွေကို လိုက်နာမယ်ဆိုရင် ပထမဆုံးနှစ်အတွင်း တစ်လတစ်ခါ သုံးသပ်သွားမှာဖြစ်ပြီ၊ ဒုတိယနှစ်မှာ ၃ လတစ်ခါ သုံးသပ်သွားမှာဖြစ်ပါတယ်။ နောက်ထပ် ၁၀ နှစ်မှာတော့ ကာတာဟာ ဒီ တောင်းဆိုချက်တွေကို လိုက်နာလား၊ မလိုက်နာဘူးလားဆိုတာကို နှစ်စဉ် စောင့်ကြည့်သွားမယ်လို့ ဆိုပါတယ်။

ဆော်ဒီဦးဆောင်တဲ့ နိုင်ငံတွေဘက်က တောင်းဆိုမှုတွေရှိလာရင် အခုလုပ်ထားတဲ့ ပိတ်ဆို့မှုတွေအားလုံး ဖယ်ရှားပေးမှသာ စဉ်းစားမယ်လို့ ကာတာက စောစောပိုင်းမှာ ပြောကြားထားပါတယ်။

လက်ရှိ တောင်းဆိုမှုတွေဟာ ကာတာရဲ့ အချုပ်အခြာအာဏာကို ထိပါးသလိုဖြစ်နေတာကြောင့် ကာတာဖက်က သဘောတူမယ့်အလားအလာမျိုး မရှိပါဘူး။

Ref: Aljazeera