“ဘယ်လိုပဲဖြစ်စေ ငြင်းလို့မရတဲ့ ဂုဏ်ယူစရာပါ'”

ရန်ကုန်မြို့ ရှိ အဝတ်အထည်ရောင်းသည့် Store ဆိုင် တဆိုင်မှ အီးဒ်ပွဲတော် ကာလ ဆိုင်းဘုတ်ချိတ် ရောင်းချနေပုံ

လူတိုင်းသည် မိမိတို့စားဝတ်နေရေး အတွက်လည်းကောင်း ကြီးပွါးရေးအတွက် စီးပွါး ရှာရာတွင် လည်းကောင်း အလုပ် လုပ်ကြရသည်မှာ ဓမ္မတာပင်တည်း။ထိုသို့ နေ့တဓူဝ စားဝတ်နေရေးအတွက် ငွေအရင်းအနှီးမြှုပ်နှံ၍ သမာအာဇီဝကျကျ ရောင်းဝယ်ဖောက်ကား စီးပွါးရှာကြသူတွေရှိသလို အချို့လည်း မိမိတတ်သည့် အတတ်ပညာဖြင့် အစိုးရဝန်ထမ်းလုပ်ကြသူများ။ ကာယအား ဥာဏအားများသုံးကာ အသက်မွေးဝမ်းကြောင်းနေကြသူများမှာလည်း မြန်မာပြည်အနှံ့ ဒုနဲ့ဒေး ဖြစ်ကြပါသည်။

မြန်မာပြည်ရှိ နှစ်စဉ် ဘာသာရေး ပွဲတော်ကျရောက်တိုင်း သက်ဆိုင်ရာ ဘာသာဝင်များသည် အခါကြီး နေ့ကြီးများတွင် မိမိတို့နှင့်မိမိတို့ မိသားစုအတွက်လည်းကောင်း မရှိဆင်းရဲသားများနှင့် ကျေးဇူးတင်ထိုက်သူများ အတွက်လည်းကောင်း အမှတ်တရအနေဖြင့် အဝတ်အစားနှင့်စားစရာ တို့ကို လက်ဆောင်ပေးခြင်း စသည့် ကောင်းသည့်အမွေကို ပြုလုပ်လာခြင်းဓလေ့သည် မနေ့တနေ့က မဟုတ်။နှစ်ပရိစေဒ ကြာညောင်းခဲ့ပြီ ဖြစ်သည်။

ထိုမတူကွဲပြားဘာသာဝင်များ၏ ဘာသာရေးပွဲတော်များအနက် ရောင်းသူ ဝယ်သူ ပျော်ရွှင်ကြည်နူးပီတိဝေဖြာသည့် ပွဲတော်တစ်ခုရှိပါသည်။ ထိုပွဲတော်မှာ အစ္စလမ်ဘာသာဝင်တို့၏ ရမသွာန် ဥပုတ်လ ဝါကျွတ်အီးဒ်ပွဲတော်တစ်ခု ဖြစ်ပါသည်။အများစုက ဝါကျွတ်အီးဒ်ပွဲတော်ဟု ခေါ်ဝေါ်ကြသော်လည်း အမှန်တကယ်မှာ အခြားဘာသာရေးပွဲတော်များနှင့် အစစအရာရာ မတူကွဲပြားကြပါသည်။အတီးအမှုတ် အက အခုန် အသောက်အစား များကို ဦးစားပေးကျင်းပသည့် ပွဲတော်ကား လုံးဝ မဟုတ်ပါ။

နှလုံးသားကြည်နူးမှု့နှင့်ချစ်ကြည်မှု့ကို အခြေခံသည့် တစ်လတာ ဥပုသ်စောင့်ထိန်းသူတို့အတွက် အနှစ်သာရရှိသည့် ပွဲတော်ဖြစ်ပါသည်။”ပွဲတော်” ဟူ၍သာ မြန်မာစကားလုံးတို့ကို ချေးငှါးခေါ်ဝေါ်သုံးစွဲလိုက်ရခြင်း ဖြစ်ပါသည်။မြန်မာနိုင်ငံ၏ မြို့ကြီးပြကြီးများတွင် ထို အီးဒ်ပွဲတော်နီးလာပြီဆိုလျှင် အစ္စလမ်ဘာသာဝင် ဆင်းရဲချမ်းသာမရွေး မွတ်စလင်များသည် မိမိတို့နေထိုင်ရာ မြို့အသီးသီးရှိ ဈေးများတွင် အဝတ်အစားသစ်များကို ဝယ်ယူကြသည်။

လက်တွေ့သာဓက တစ်ရပ်အနေနဲ့တင်ပြရလျှင်

ရန်ကုန်တိုင်းဒေသကြီးရှိ သိမ်ကြီးဈေး B ရုံ C ရုံ D ရှိ အထည်အလိပ်မျိုးစုံ ။အစားအသောက်မျိုးစုံ ရောင်းချသောဆိုင်များ မင်္ဂလာတောင်ညွှန့်မြို့နယ်ရှိ ယခင်မီးလောင် မင်္ဂလာဈေးအနီးရှိ အထည်အလိပ်မျိုးစုံ အစားအသောက်မျိုးစုံရောင်ချသောဆိုင်များနှင့် ယုဇန ပလာဇာရှိ ဈေး ဆိုင်ပိုင်ရှင်များ၏ ပြောဆိုတင်ပြချက်အရ မြန်မာပြည်ရှိ ဘာသာကြီး ၄ ခု၏ ဘာသာရေးပွဲတော်များနီးလျှင် အဝတ်အစားများအပါဝင် စားစရာသောက်စရာ အသုံးအဆောင်များကို အနည်းနှင့် အများ ရောင်းရသည်မှာ နှစ်စဉ်လိုလိုပင် ဖြစ်သည်။

ဒါပေမယ့် အဲဒိပွဲတော်တွေအနက် မြန်မာပြည်ရှိ လူအများစုကိုးကွယ်တဲ့ ဗုဒ္ဓဘာသာဝင်တို့ရဲ့ သီတင်းကျွတ်ပွဲတော် တန်ဆောင်တိုင်ပွဲတော် ။ခရစ်ယာန်ဘာသာဝင်တို့ရဲ့ Christmas ပွဲတော် ။ ဟိန္ဒူဘာသာဝင်တို့၏ ဒေပါပလီ ပွဲတော် နှင့်အစ္စလမ် ဘာသာဝင်တို့၏ အီးဒ် ပွဲတော်များ အနက်အစ္စလမ်ဘာသာဝင်တွေရဲ့ ဝါကျွတ်အီးဒ် ပွဲတော်နီးလာပြီဆိုလျှင် အဝတ်အထည်အသစ်အဆန်းတွေ ပိတ်တွေကိုပွဲတော်အမှီ ကြိုပြီး မှာယူထားရတယ်။ ဗုဒ္ဓဘာသာဝင်များရဲ့ သီတင်းကျွတ်ပွဲတော်မှာ အဝတ်အစား အထည်အလိပ်တွေကို ရောင်းချရတဲ့ ပမာဏနှင့် အစ္စလမ်ဘာသာဝင်များ၏ ဝါကျွတ်အီးဒ်ပွဲတော်မှာ ဝယ်ယူအားပေးသည့် ဝယ်အားပမာဏကို နှိုင်းယှဉ်လျှင် အီးဒ်ပွဲတော်အတွက် ရောင်းအားက ပိုသာကြောင်း။ အီးဒ် ပွဲတော်အတွက် ဝယ်ယူကြသည့် သူများသည် အများစုဖြစ်ကြောင်း မိမိတို့ဈေးရောင်းသည့် သက်တမ်းတစ်လျောက်အတွေ့အကြုံအရ ပြောခြင့်းဖြစ်ကြောင်း။ ထိုပွဲတော်ကို မိမိတို့ကြိုပြီး မျှော်နေမိကြောင်း။ ရောင်းအားကောင်း၍ မိမိတို့ဈေးသည်များ အလွန်အဆင်ပြေကြောင်း။ စသည်တို့ကို Yuzana Plaza အထည်ဆိုင်မှ စာရေးသူ၏ မိတ်ဆွေ ဘွဲ့ရပညာတတ် ဦးနေလင်း ဆိုသူက ပြောပြခဲ့ပါသည် ။

စာရေးသူအနေဖြင့်သုံးသပ်တင်ပြလိုသည်မှာ အစ္စလမ်ဘာသာဝင်များသည် ဘာသာရေးခုတုံးလုပ် နိုင်ငံရေးအမြတ်ထုတ်လိုကြသည့် စစ်အာဏာရှစ်စနစ်ကို လက်ယပ်ခေါ်လိုသည့် အခွင့်ထူးခံ လူအုပ်စုတစ်စု၏ အဆိပ်မှိုင်းများမိထားသည့် ဗုဒ္ဓဘာသာအစွန်းရောက် ဦးမျိုးချစ် ကိုမျိုးချစ် ဒေါ်မျိုးချစ် မမျိုးချစ်များ ထင်သလို မိမိတို့အီးဒ်ပွဲတော်အတွက် ဆင်မြန်းရန် အဝတ်အစားများ ဖိနပ်များ စားသောက်ဖွယ်ရာအဖြာဖြာတို့ကို မိမိတို့နှင့်ဘာသာတူသည့်ဆိုင်ဖြစ်စေ မတူကွဲပြားသည့်ဆိုင်ဖြစ်စေ မခွဲခြားဘဲ မတူကွဲပြားဘာသာဝင်များထံတွင် ဝယ်ယူအားပေးနေခြင်းသည် လူမျိုးရေး ဘာသာရေး အစွန်းမရောက်ကြောင်း သက်သေသာဓကတစ်ရပ်ပင် ဖြစ်ပေသည်။

ဂျက်ဖရီတင်အုန်း(ရန်ကုန်စက်မှု့တက္ကသိုလ်)