ကွန်မြူတီဒိုင်းမှရသည့် ၀င်ငွေများကို လန်ဒန်မီးဘေးသင့်ပြည်သူများအတွက် လှူဒါန်းမည်

ဇွန် ၂၄၊ ၂၀၁၇
M-Media

– ၂၀၁၇-၁၈ ဘောလုံးရာသီအကြို သြဂုတ်လ ၆ ရက်နေ့တွင် ၀င်ဘလေကွင်း၌ ကစားမည့် ကွန်မြူနတီဒိုင်းလုပွဲမှ ရရှိသည့် ငွေကြေးများအားလုံးကို Grenfel Tower မီးလောင်မှုအတွက် ထိခိုက်ခံစားရသူများကို လှူဒါန်းသွားမည်ဟု အင်္ဂလန်ဘောလုံးအဖွဲ့ချုပ် FA က ပြောကြားလိုက်သည်။

ပရီးမီးယားလိဂ်ချန်ပီယံ ချယ်ဆီးနှင့် FA ဖလားချန်ပီယံ အာဆင်နယ်အသင်းတို့ ကစားမည့် အဆိုပါပွဲတွင် စတာလင်ပေါင် ၁.၂၅ သန်း ရရှိမည်ဟု ခန့်မှန်းထားသည်။

“ကွန်မြူနတီဒိုင်းကနေ နည်းနည်းပါးပါးလောက် ကူညီနိုင်မယ်လို့ ကျွန်တော်တို့ မျှော်လင့်ထားပါတယ်။ ဘောလုံးဟာ လူတိုင်းအတွက်ပါ။ အလိုအပ်ဆုံးသူတွေကို ကူညီဖို့မှာ ဘောလုံးအားကစားနည်းကလည်း သူ့နည်းသူ့ဟန်နဲ့ ပါဝင်ဖို့ မျှော်လင့်ပါတယ်” ဟု FA အကြီးအကဲ ဂါ့ဂ်ျ ကလာကီက ပြောကြားခဲ့သည်။

EFL အဖွဲ့က မီးဘေးသင့်ပြည်သူများအတွက် ပေါင် ၁၇၅၀၀၀ လှူဒါန်းမည်ဟု ပြောကြားခဲ့ပြီး အဖွဲ့ဝင်အသင်းများက ပြိုင်ပွဲမှ မျှဝေရရှိသည့် ၀င်ငွေများကို လှူဒါန်းသွားမည်ဟု ဆိုသည်။ ပရီးမီးယားအသင်းများကလည်း ပေါင် ၂ သိန်းခွဲ လှူဒါန်းရန် သဘောတူထားကြသည်။

ဇွန်လ ၁၄ ရက်နေ့က လန်ဒန်အနောက်ပိုင်း ကန်ဆင်တန်ရပ်ကွက်တွင် ဖြစ်ပွားခဲ့သည့် အဆိုပါမီးလောင်မှုကြောင့် ၇၉ ဦး သေဆုံးသည်ဟု ယူဆရပြီး ထောင်နှင့်ချီ အိုးမဲ့အိမ်မဲ့ ဖြစ်ခဲ့ရသည်။

Ref: BBC