အစ္စလာမ်ကြောက်ရောဂါကို အနုပညာနဲ့ တိုက်ဖျက်မယ့် နယူးယောက်က အနုပညာပြခန်း

ဇွန် ၂၈၊ ၂၀၁၇
M-Media

– အစ္စလာမ်ဘာသာ၊ မွတ်စလင်တွေနဲ့ပတ်သက်လို့ အထင်မှားအမြင်မှား ဖြစ်နေမှုကို ချေဖျက်ဖို့အတွက် နယူးယောက်မြို့မှာ အာရပ်နဲ့ အစ္စလာမ့်အနုပညာလက်ရာတွေကို ပြသမယ့် အနုပညာပြခန်းတစ်ခု ပေါ်ထွက်လာခဲ့ပြီလို့ သိရပါတယ်။

Institute of Arab and Islamic Art လို့ အမည်ပေးထားတယ့် အဲဒီ အနုပညာ ပြခန်းဟာ အနုပညာရှင်တွေနဲ့ အခြား ပညာရှင်တွေအကြား အယူအဆတွေ ဖလှယ်ဖို့၊ အမေရိကန်နဲ့ အစ္စလာမ့်နိုင်ငံတွေအကြား ယဉ်ကျေးမှုဆိုင်ရာ နှီးနှောမှုတွေပြုလုပ်ဖို့ ရည်ရွယ်တာဖြစ်ပါတယ်။

ပြခန်းကိုတည်ထောင်သူ ကာတာအနုပညာရှင် မိုဟာမက် ရာရှစ် အလ်-သာနီက အစ္စလာမ်ကြောက်ရောဂါ မြင့်တက်လာတဲ့ အခုလိုအချိန်မှာ အရှေ့နဲ့ အနောက်အကြား ပိုမိုကောင်းမွန်တဲ့ နားလည်မှုတွေ ရရှိရေး ကူညီပေးချင်တယ်လို့ ဆိုပါတယ်။

“ကံမကောင်းတာက အာရပ်နဲ့ အစ္စလာမ့်ဒေသတွေကို ကိုယ်စားပြုပြီး၊ ဒီဒေသတွေက အနုပညာလက်ရာတွေကို ပြသမယ့် အနုပညာပြခန်း ဒါမှမဟုတ် ယဉ်ကျေးမှုစင်တာတစ်ခု အခုအချိန်အထိ ကျွန်တော်တို့မှာ မရှိတာပါ။ မွတ်စလင်တွေနဲ့ အာရပ်တွေအပေါ်မှာ သမရိုးကျအမြင်တွေ ရှိနေပြီး ဒီအတွက် ကျွန်တော်တို့က မီဒီယာတွေကိုပဲ ထင်သလို အပြစ်တင်နေရပါတယ်။ ဒါပေမယ့် ကျွန်တော်တို့ရဲ့ တာဝန်က ဒီအတွက် တစ်ခုခုလုပ်ဖို့ဖြစ်ပြီး၊ ကျွန်တော်တို့နေထိုင်တဲ့ လူ့အဖွဲ့အစည်းမှာ တက်တက်ကြွကြွ ပါဝင်ဖို့ ဖြစ်ပါတယ်” လို့ အလ်-သာနီက ပြောကြားခဲ့ပါတယ်။

အကျိုးအမြတ်မယူတဲ့ အသင်းအဖွဲ့လို့ သတ်မှတ်ထားတဲ့ အဲဒီ အနုပညာပြခန်းကို နယူးယောက်က Little Italy ရပ်ကွက်မှာ ဖွင့်လှစ်ထားတာ ဖြစ်ပါတယ်။

အဲဒီ အနုပညာပြခန်းမှာ အမေရိကကိုလာပြီး သူတို့ရဲ့ လက်ရာတွေကို ပြသဖို့ ငွေကြေးမတတ်နိုင်ကြတဲ့ အာရပ်ဒေသက အနုပညာရှင်တွေရဲ့ အနုပညာ ဖန်တီးမှုတွကို ပြသဖို့၊ ဒီ အနုပညာရှင်တွေ ပညာသင်နိုင်ဖို့ ရည်ရွယ်တဲ့ အစီအစဉ်တစ်ခုလည်း ရှိနေပါတယ်။

တစ်နှစ်ကို အနုပညာပြပွဲ ၄ ကြိမ်လောက်လုပ်ဖို့ စီစဉ်ထားပြီး ပထမဆုံးတစ်ကြိမ်ကိုတော့ မေလ ၄ ရက်နေ့မှာ ပြုလုပ်ခဲ့ကာ ဆော်ဒီ၊ အီရန်၊ အိန္ဒိယနဲ့ ပါကစ္စတန်တို့က အမျိုးသမီး အနုပညာရှင် ၄ ဦးက သူတို့ရဲ့ လက်ရာတွေကို ပြသခဲ့ကြပါတယ်။

လက်ရှိ ပြသနေဆဲဖြစ်တဲ့ ဒီပြပွဲမှာ အစ္စလာမ့် ဗိသုကာလက်ရာနဲ့ ဂျီသြမေတြီ အနုပညာတွေကို အဓိကထား ပြသတာဖြစ်ပါတယ်။

Ref : Aljazeera