နွားအကြောင်းပြ အုပ်စုဖွဲ့အကြမ်းဖက်မှုကို အိန္ဒိယပြည်သူများ ဆန့်ကျင်ဆန္ဒပြ

ဇွန် ၂၉၊ ၂၀၁၇
M-Media

ဆန္ဒပြမှု မြင်ကွင်း

– နွားများအား သတ်ဖြတ်သည်၊ အမဲသားစားသည်ဆိုသည့် စွပ်စွဲချက်များဖြင့် လူအုပ်စုကြီးက မွတ်စလင်များအား လိုက်လံတိုက်ခိုက်နေမှုကို ဆန့်ကျင်သည့်အနေဖြင့် အိန္ဒိယပြည်သူ ထောင်ပေါင်းများစွာက ယမန်နေ့တွင် ဆန္ဒပြခဲ့ကြသည်ဟု သိရသည်။

မွမ်ဘိုင်း၊ ကိုလ်ကာတားနှင့် ဒေလီတို့အပါအ၀င် အနည်းဆုံး မြို့ပေါင်း ၁၀ မြို့တွင် ဆန္ဒပြခဲ့ကြခြင်းဖြစ်ပြီး မိုးသည်းထန်စွာ ရွာသွန်းမှုကို အန်တုခဲ့သည့် အဆိုပါ ဆန္ဒပြသူများတွင် ဟိန္ဒူဇာတ်မြင့်များ၊ တက်ကြွလှုပ်ရှားသူများလည်း ပါဝင်ခဲ့ကာ Not in My Name (ငါတို့အမည် မသုံးနဲ့)၊ Stop Cow Terrorism (နွားအကြောင်းပြ အကြမ်းဖက်ဝါဒကို ရပ်တန့်ပါ) စသည့် ပိုစတာများကိုလည်း ကိုင်ဆောင်ခဲ့ကြသည်။

အိန္ဒိယနိုင်ငံတွင် ဟိန္ဒူအများစုမှာ နွားကို မြင့်မြတ်သော တိရစ္ဆာန်အဖြစ် သဘောထားကာ ကိုးကွယ်ကြသည်။

ဝေဖန်သူများကမူ ၀န်ကြီးချုပ် နရန်ဒရာမိုဒီ၏ BJP ပါတီနှင့် ဆက်နွယ်နေသည့် လက်ယာစွန်းရောက် ဟိန္ဒူအဖွဲ့များမှာ အမဲသားစားပြီး အမဲသားနှင့် သားရေလုပ်ငန်းများတွင် အလုပ်လုပ်ကိုင်နေသည့် မွတ်စလင်များ၊ ဇာတ်နိမ့်ဟိန္ဒူများကို အကြမ်းဖက်ရန် ဆွပေးနေကာ အစိုးရကလည်း ထိုအကြမ်းဖက်မှုကို ထိထိရောက်ရောက် ဟန့်တားခြင်းမရှိဟု စွပ်စွဲခဲ့ကြသည်။

မိုဒီကမူ အဆိုပါ စွပ်စွဲချက်ကို ပယ်ချခဲ့ပြီး နွားအရေးတက်ကြွလှုပ်ရှားသူများကိုလည်း လူသိရှင်ကြား ဆန့်ကျင်ခဲ့သည်။

ဆန္ဒပြမှု မြင်ကွင်း

ပြီးခဲ့သည့်သောကြာနေ့က အမျိုးသား ၂၀ ခန့်ပါဝင်သည့် လူအုပ်စုမှာ နယူးဒေလီ ဆင်ခြေဖုံး ရထားတစ်ခုပေါ်တွင် မွတ်စလင် ၄ ဦးကို အမဲသားပါလာသည်ဆိုသော စွပ်စွဲချက်ဖြင့် အကြမ်းဖက်တိုက်ခိုက်ခဲ့ပြီး တစ်ဦးသေဆုံးကာ အခြား ၂ ဦးမှာ ပြင်းပြင်းထန်ထန် ဒဏ်ရာရရှိခဲ့သည်။

မွမ်ဘိုင်းတွင် ဆန္ဒပြသူများမှာ ကျွေးကြော်သံများကို မအော်ခဲ့ဘဲ ‘ဟိန္ဒူအကြမ်းဖက်ဝါဒကို ဆန့်ကျင်ကြ’ ‘ဘရားမန်ဝါဒကို ဆန့်ကျင်ကြ’ စသည့် ပိုစတာများကို ကိုင်ဆောင်ခဲ့ကြသည်။

“ကျွန်တော် ဟိန္ဒူတစ်ယောက်ပါ။ နွားကို မိခင်လို့ ကျွန်တော်ယူဆတယ်။ ဒါပေမယ့် လူတွေကို သတ်နေတာဟာ မှန်ကန်တဲ့လုပ်ရပ်တော့ မဟုတ်ပါဘူး” ဟု အသက် ၂၀ ကျော်အရွယ် စီးပွားရေးသမား နရန်ဒရာ ဘန်ဒါရီက ပြောကြားခဲ့သည်။

ကိုလ်ကာတားမှ ဂီတပညာရှင်တစ်ဦးဖြစ်သည့် အန်ဂျန် ဒူတာက ‘Hindutva (ဟိန္ဒူအစွန်းရောက်ဝါဒ) မြင့်တက်လာမှုမှာ အန္တရာယ်ရှိသည်’ ဟု ပြောကြားခဲ့သည်။

“လက်ရှိ ကျွန်တော်တို့တိုင်းပြည်က အခြေအနေကို ကျွန်တော် စိုးရိမ်ပါတယ်။ အင်အားကြီးရာ နိုင်စားတဲ့ ၀ါဒကို ကျွန်တော်တို့ ဆန့်ကျင်ဖို့ လိုပါတယ်။ အိန္ဒိယဟာ လူတိုင်းအတွက်ပါ”

အင်္ဂါနေ့ကလည်း ဂျာ့ခ်ဟန်းပြည်နယ်တွင် နွားသတ်သည်ဆိုသော စွဲချက်ဖြင့် အမျိုးသားတစ်ဦးကို လူအုပ်ကြီးက ရိုက်နှက်ခဲ့ပြီး ၎င်း၏နေအိမ်ကိုလည်း မီးရှို့ခဲ့သည်။

လူ့အခွင့်အရေးအဖွဲ့များကမူ ၀န်ကြီးချုပ် မိုဒီအပါအ၀င် အစိုးရတာဝန်ရှိသူများမှာ အဆိုပါ တိုက်ခိုက်မှုများကို ပြင်းပြင်းထန်ထန် ဆန့်ကျင်ရန် တွန့်ဆုတ်နေပြီး ရဲတပ်ဖွဲ့ကလည်း ကျူးလွန်သူများကို ထိထိရောက်ရောက် အရေးယူခြင်းမရှိဟု ဝေဖန်ခဲ့သည်။

ပြီးခဲ့သည့် ၃ လအတွင်း နွားကိစ္စဖြင့် သေဆုံးသွားသည့် လူ ၅ ဦးစလုံးမှာ နေ့ခင်းကြောင်တောင်၊ လူစည်ကားရာ နေရာတွင် ရိုက်နှက်သတ်ဖြတ်ခံခဲ့ရခြင်း ဖြစ်သည်။

၂၀၁၀ ခုနှစ်မှစ၍ နွားအကြောင်းပြ အကြမ်းဖက်ဝါဒကြောင့် တိုက်ခိုက်မှု ၆၃ ခု ဖြစ်ပွားခဲ့ပြီး မွတ်စလင် ၂၄ ဦးအပါအ၀င် လူ ၂၈ ဦး သေဆုံးခဲ့ကာ ၁၂၄ ဦး ဒဏ်ရာရရှိခဲ့သည်။

လူ့အဖွဲ့အစည်းခေါင်းဆောင်များက အိန္ဒိယ၏ သန်းတစ်ထောင်ကျော်သော လူဦးရေတွင် ၁.၃ ရာခိုင်နှုန်းရှိသည့် မွတ်စလင်လူနည်းစုများကို ကာကွယ်ပေးရန် ၀န်ကြီးချုပ်မိုဒီအား တိုက်တွန်းထားသည်။

Ref: Aljazeera