အီဂျစ်တွင် အိမ်ယာမဲ့အမျိုးသမီးတစ်ဦးက လူချမ်းသာမိသားစုမှ ဖြစ်နေ

ဇူလိုင် ၂၊ ၂၀၁၇
M-Media

အိမ်ယာမဲ့မဖြစ်ခင် (၀ဲ) နှင့် အိမ်ယာမဲ့ဖြစ်ပြီးနောက် တွေ့ရသည့် ဆလ်ဝါ (ယာ)

– အိမ်ယာမဲ့အမျိုးသမီးကို စောင့်ရှောက်နိုင်ဖို့အတွက် လမ်းသွားလမ်းလာတစ်ဦးက ဆိုရှယ်မီဒီယာမှာ ဓာတ်ပုံလွှင့်တင်ခဲ့ပြီးနောက်ပိုင်း အဲဒီ အိမ်ယာမဲ့အမျိုးသမီးဟာ လူချမ်းသာမိသားစုက ဖြစ်နေတဲ့ အဖြစ်အပျက်တစ်ခု အီဂျစ်မှာ ဖြစ်ပွားခဲ့ပါတယ်။

ကိုင်ရိုက အီဂျစ်ပြည်သူတစ်ဦးဟာ အဘ္ဘာစီယာ တံတားအောက် အ၀တ်အစား စုတ်စုတ်ပြတ်ပြတ်နဲ့ အသက် ၂၀ ကျော်အရွယ် အမျိုးသမီတစ်ဦး အိပ်နေတာကို တွေ့ပြီး သနားသွားတာကြောင့် ဓာတ်ပုံရိုက်ပြီး ဆိုရှယ်မီဒီယာမှာ လွှင့်တင်ကာ လူမှုစောင့်ရှောက်ရေးအဖွဲ့ကို အကူအညီတောင်းခဲ့တာပါ။

ဒါပေမယ့် ဒီအမျိုးသမီးဟာ အလ် မာဟာလာ လူချမ်းသာ မိသားစုက ဆလ်ဝါဆိုတဲ့ အမျိုးသမီးတစ်ဦးဖြစ်တယ်လို့ သူ့ကို သိသူတွေက ဓာတ်ပုံအောက်မှာ မှတ်ချက်တွေ ပေးခဲ့ပါတယ်။

ရဲတပ်ဖွဲ့က ဆလ်ဝါကို စခန်းခေါ်ဆောင်သွားပြီး မိသားစုနဲ့ ပြန်လည်ဆုံစည်းစေခဲ့ပါတယ်။ နောက်ပိုင်းမှာ လူမှုဖူလှုံရေးအဖွဲ့တစ်ခုက ဆရာဝန်၊ ဆေးမှူးနဲ့ သူနာပြုတွေဟာ စခန်းကို သွားရောက်ကာ ဆလ်ဝါကို ကျန်းမာရေး စစ်ဆေးခဲ့ပြီး သူမဟာ စိတ်ရောဂါကို ခံစားနေရတယ်လို့ ဆိုပါတယ်။

မိသားစုတွေကို အိမ်ပြန်ခေါ်ပေမယ့် ဆလ်ဝါက သူ့အနေအနဲ့ လူမှုစောင့်ရှောက်ရေးစင်တာမှာသာနေချင်ကြောင်း
ပြောကြားခဲ့ပါတယ်။

Ref : Alarabiya