၂၀၃၄ ကမ္ဘာ့ဖလားအိမ်ရှင်အဖြစ် အာဆီယံက လျှောက်ထားရန် ရှိနေ

ဇူလိုင် ၆၊ ၂၀၁၇
M-Media

– ၂၀၃၄ ကမ္ဘာ့ဖလား ဘောလုံးပြိုင်ပွဲကိ အရှေ့တောင်အာရှနိုင်ငံများက ပူးတွဲကျင်းပနိုင်ရန်အတွက် အင်ဒိုနီးရှားနိုင်ငံက ဦးဆောင်လှုပ်ရှားသွားမည်ဟု သိရသည်။

ယခုလအစောပိုင်း ဗီယက်နက်တွင် ကျင်းပပြုလုပ်ခဲ့သည့် အာဆီယံ ဘောလုံးအဖွဲ့ချုပ် (AFF) အစည်းအဝေးတွင် ထိုကိစ္စအား ဆွေးနွေးခဲ့သည်ဟု အင်ဒိုနီးရှား ဘောလုံးအဖွဲ့ချုပ် (PSSI) ဒုတိယဥက္ကဌ ဂျိုကို ဒရီယိုနိုက ပြောကြားခဲ့သည်။

“ကမ္ဘာ့ဖလားကို အရှေ့တောင်အာရှက ကျင်းပဖို့ အချိန်တန်ပါပြီ။ အာရှက သိသာတဲ့ တိုးတက်မှု၊ အထူးသဖြင့် အရှေ့တောင်အာရှရဲ့ တိုးတက်မှုတွေက ကျွန်တော်တို့အတွက် အလားအလာကောင်းစေပါတယ်” ဟု ၎င်းကဆိုပြီး တရားဝင်တောင်းဆိုမှုကို စက်တင်ဘာတွင် ဘာလီ၌ကျင်းပမည့် AFF အစည်းဝေးတွင် ပြုလုပ်သွားမည်ဟု ထည့်သွင်းပြောဆိုခဲ့သည်။

စင်ကာပူ ဘောလုံးအဖွဲ့ချုပ်က အိမ်ရှင်အဖြစ် ပူးတွဲလျှောက်ထားရန် မိမိတို့အနေဖြင့် အင်ဒိုနီးရှား ဘောလုံးအဖွဲ့ချုပ်နှင့် ဆွေးနွေးမှုများ မပြုလုပ်ရသေးဟု ဆိုသည်။

“စိတ်ဝင်စားစရာကောင်းတဲ့ တင်ပြချက်ပါ။ စဉ်းစားရမယ့်ကိစ္စတွေ အများကြီးရှိပါတယ်။ ဒီလိုကမ်းလှမ်းမှု ဖြစ်နိုင်ဖို့အတွက် PSSI နဲ့ ဆွေးနွးသွားမှာပါ” ဟု စင်ကာပူ ဘောလုံးအဖွဲ့ချုပ်က ပြောကြားခဲ့သည်။

ထိုင်းဘောလုံးအဖွဲ့ချုပ် ဒုတိယအကြီးအကဲ ဘင်ဂျမင်တန်က ကမ္ဘာ့ဖလားပြိုင်ပွဲ ကျင်းပရေး အင်ဒိုနီးရှားနှင့်အတူ အိမ်ရှင်အဖြစ် ပူးတွဲလျှောက်ထားရန် စိတ်ဝင်စားသည်ဟု ပြောကြားခဲ့သည်။

“ကမ္ဘာ့လူဦးရေရဲ့ ၁၀ ရာခိုင်နှုန်းနီးပါး သန်း ၆၅၀ ရှိပြီး လူဦးရေအထူထပ်ဆုံး၊ ဘောလုံးကို ရူးသွပ်မှုအကြီးမားဆုံး ဒေသက ကမ္ဘာ့ဖလား ဘောလုံးပြိုင်ပွဲကို ကျင်းပဖို့ဆိုတာ အဓိပ္ပါယ်ရှိပါတယ်။ တစ်နိုင်ငံတည်းဖြစ်ဖြစ်၊ ၃ နိုင်ငံ ဒါမှမဟုတ် ဒီထက်ပိုတာပဲဖြစ်ဖြစ် စိန်ခေါ်မှုတော်တော်များများ ရှိနေပေမယ့် စိတ်ဝင်စားတဲ့ လျှောက်ထားသူတွေဟာ ကျင်းပဖို့အတွက် စိတ်အားထက်သန်မှု အဆင့်သစ်ဖြစ်မှုတွေ ရှိနေရပါမယ်” ဟု တန်က ပြောကြားခဲ့သည်။

ဖီဖာမှာ ၂၀၂၆ ခုနှစ်မှစ၍ ကမ္ဘာ့ဖလားပြိုင်ပွဲကို အသင်း ၄၈ သင်းဖြင့် အိမ်ရှင်နိုင်ငံ အနည်းဆုံး ၃ နိုင်ငံတွင် ကျင်းပပြုလုပ်ရန် စီစဉ်နေပြီး၊ အာဆီယံက ပူးတွဲအိမ်ရှင်အဖြစ် လက်ခံကျင်းပရေး သဘောထားမှာ ၂၀၁၁ ခုနှစ်ကတည်းက ပေါ်ပေါက်လာခြင်း ဖြစ်သည်။

သို့သော်လည်း တရုတ်၊ သြစတေးလျ၊ ကိုရီးယားနှစ်နိုင်ငံတို့ကလည်း ပူးတွဲ ကျင်းပရန် ကမ်းလှမ်းနိုင်ဖွယ်ရှိနေသည်။

အာဆီယံဒေသတွင် ကမ္ဘာ့ဖလားကျင်းပမှုနှင့်ပတ်သက်၍ အခြေခံအဆောက်အဦးများ လုံလောက်စွာ မရှိမှုအတွက် ပညာရှင်များက ဝေဖန်ထောက်ပြထားသည်။

Ref: Today Online