အဘ်ဒူလ် ဆာမဒ် ရှိခ် (သို့) ကမ္ဘာကြီးကို အလှဆင်နေသူ ဘင်္ဂါလီတစ်ဦး

ဇူလိုင် ၉၊ ၂၀၁၇
M-Media

– ‘နှမ်းတစ်စေ့နဲ့ ဆီမဖြစ်ဘူး’ ဆိုတဲ့ ဆိုရိုးစကားတစ်ခု ရှိပါတယ်။ ဒါပေမယ့် ဒီဆိုရိုးဟာ ဘင်္ဂလားဒေ့ရ်ှက အသက် ၆၀ အရွယ် ဆိုက်ကားသမား အဘ်ဒူလ် ဆာမဒ် ရှိခ်အတွက်တော့ မမှန်ပါဘူး။

လူသားတွေကို အကျိုးရှိစေမယ့် အလုပ်တစ်ခုဟာ သေးငယ်ပေမယ့် စွဲစွဲမြဲမြဲလုပ်မယ်ဆိုရင် ထူးခြားမှုတစ်ခုခု ဖြစ်လာနိုင်တယ်ဆိုတာ သူက သက်သေပြခဲ့ပါတယ်။

ဆာမဒ်ဟာ အသက် ၁၂ နှစ်ကတည်းက တစ်နေ့ကို အနည်းဆုံး သစ်ပင်တစ်ပင်ကျ စိုက်ပျိုးခဲ့ပြီး အခုအချိန်မှာတော့ သူစိုက်ပျိုးခဲ့တဲ့ သစ်ပင်အရေအတွက်ဟာ ၁၇၅၀၀ ကျော်လာခဲ့ပြီဖြစ်ပြီး တောအုပ်ငယ်လေး တစ်ခုစာလောက်ကို ရှိနေပါပြီ။

ဒီ ထူးခြားတဲ့အလေ့အကျင့်ကြောင့် ဘင်္ဂလားဒေ့ရ်ှအလယ်ပိုင်းက သူ့ရဲ့ဇာတိမြို့ ဖာရစ်ပူးရ်မှာ ‘သစ်ပင် ဆာမဒ်’ လို့ လူသိများပါတယ်။

သက်တမ်းတစ်လျှောက်လုံး ဆိုက်ကားသမားအဖြစ်နဲ့ ကုန်ဆုံးခဲ့တာဖြစ်ပြီး တစ်နေ့ကို ၁၀၀ တာကာ (ကန် ၁.၂၅ ဒေါ်လာ) လောက်ရတဲ့ သူ့ဝင်ငွေဟာ မိသားစုစားဝတ်နေရေးအတွက်တောင် အလျင်မမီပါဘူး။ ဒါပေမယ့် ဆာမဒ်ကတော့ ဖာရစ်ပူးရ် ဥယျာဉ်ခြံက နေ့စဉ် အနည်းဆုံး သစ်ပင်တစ်ပင် ၀ယ်ယူစိုက်ပျိုးဖို့ မပျက်ကွက်ပါဘူး။

ဒါဟာ ကမ္ဘာကြီးအတွက် လူသားတစ်ယောက်ရဲ့တာဝန်လို့ သူက ယူဆနေပြီး သစ်ပင်မစိုက်ဖြစ်တဲ့နေ့ ညဘက် အိပ်မပျော်ဘူးလို့လည်း ဆာမဒ်က ဖွင့်ဟခဲ့ပါတယ်။

“သစ်ပင်တစ်ပင်လောက်မှ မစိုက်ရရင် တစ်ညလုံးအိပ်မပျော်ဘူးဗျ။ အသက် ၁၂ နှစ်ကတည်းက ကျွန်တော် လုပ်လာတာပါ။ များသောအားဖြင့် အစိုးရမြေမှာ စိုက်ပျိုးပြီး ဒါမှ လူတွေက မခုတ်ကြမှာ။ အဲဒီသစ်ပင်တွေကို ကျွန်တော် ရေလည်းလောင်းပေးတယ်။ တစ်ယောက်ယောက်က အဲဒီသစ်ပင်ကို ခုတ်တာတွေ့ရင် သူတို့ကို ကျွန်တော် ဆူပူကြိမ်းမောင်းတာပါပဲ။ ကျွန်တော်ဟာ သက်ရှိ၊ သက်မဲ့ အားလုံးကို ချစ်ပါတယ်။ အထူးသဖြင့် သစ်ပင်တွေကိုပေါ့လေ”

ဇနီး ကလေးလေးယောက်နဲ့ ဆာမဒ်တို့မိသားစုဟာ ကိုယ်ပိုင်အိမ်မရှိဘဲ အစိုးရက ပေးထားတဲ့ မြေပေါ်မှာ တဲထိုးပြီးနေရသူပါ။ ဆာမဒ်ရဲ့ဝင်ငွေဟာ မိသားစုလိုအပ်ချက်ကိုတောင် အလျင်မမီတာကြောင့်၊ ဇနီးဖြစ်သူက သစ်ပင်တွေ မ၀ယ်လို့ ဆူပူပေမယ့် ဆာမဒ်က သူ့ရဲ့ နေ့စဉ် ၀တ္တရားကို မပျက်ကွက်ပါဘူး။

“၀င်ငွေက မကောင်းဘူးရှင့်။ ကျွန်မတို့မိသားစုရဲ့ နေ့စဉ်စားသုံးစားရိတ်ကို အလျင်မီအောင် ရှာနေရတာ။ တစ်ခါတစ်လေ သစ်ပင်မ၀ယ်ဖို့ ကျွန်မပြောတာပေါ့။ ဒါပေမယ့် သူက နားမထောင်ပါဘူး။ သစ်ပင်တွေအပေါ် သူ့ရဲ့ သံယောဇဉ်က ရပ်တန့်လို့ မရပါဘူး” လို့ ဇနီးဖြစ်သူ ဂျိုရ်နာက ပြောကြားခဲ့ပါတယ်။

အသက် ၃၀ အရွယ် သားဖြစ်သူ ကူသုဘ် အူဒင်က ဖခင်ရဲ့လုပ်ရပ်ဟာ လူ့အဖွဲ့အစည်းကောင်းကျိုးအတွက် ဖြစ်တာကြောင့် သစ်ပင်မစိုက်ဖို့ ဘယ်တုန်းကမှ မပြောခဲ့ဘူးလို့ ဆိုပါတယ်။

Daily Star မှ ဂုဏ်ပြုဆုငွေ ပေးအပ်စဉ်

လွန်ခဲ့တဲ့ ၁၀ စုနှစ်တွေအရင်က ဆာမဒ်စိုက်ပျိုးခဲ့တဲ့ သစ်ပင်တွေဟာ အခုအချိန်မှာ သစ်ပင်ကြီးတွေဖြစ်လာခဲ့ပြီး ဒေသခံတွေကလည်း သူရဲ့ ဒီလုပ်ရပ်အတွက် လေးစားအားကျနေကြပါတယ်။

“ဆာမဒ်ဟာ ကျွန်တော်တို့လူ့အဖွဲ့အစည်းအတွက် စံနမူနာပါပဲ။ သူ့ရဲ့ ဒီကောင်းမွန်တဲ့ အလေ့အကျင့်ကို လေးစားအားကျမိပါတယ်” လို့ ဒေသခံတစ်ဦးဖြစ်တဲ့ အဘ်ဒူလ် ကာလမ် ဟောင်လာဒါက ပြောကြားခဲ့ပါတယ်။

သစ်ပင်တွေ စိုက်ပျိုးရုံသာမကဘဲ ဆာမဒ်ဟာ ပရဟိတစိတ်ရှိသူတစ်ယောက်လည်း ဖြစ်ပါတယ်။

“သစ်ပင်စိုက်တာတင်မဟုတ်ဘူးဗျ။ ဆာမဒ်ဟာ အရမ်း ကူညီတတ်တဲ့သူ။ တစ်ယောက်ယောက်က အကူအညီတောင်းပြီဆိုရင်၊ သူတတ်နိုင်တာအားလုံးကို အကောင်းဆုံး လုပ်ပေးတတ်တာ။ သူ့လိုလူမျိုးက ရှားပါတယ်။ ကျွန်တော်တို့လူ့အဖွဲ့အစည်းမှာ များများစားစား လိုအပ်နေတဲ့ လူမျိုးပေါ့ဗျာ” လို့ အိမ်နီးချင်း ဆကန်ဒါ အလီက ပြောကြားခဲ့ပါတယ်။

လွန်ခဲ့တဲ့ ၄၈ နှစ်က စတင်ပြီး သစ်ပင်စိုက်ပျိုးခဲ့တဲ့ ဆာမဒ်က သူဟာ ဘုရားသခင်ရဲ့ စေခိုင်းမှုကြောင့် ဒီအလုပ်ကိုလုပ်တာဖြစ်တယ်လို့ ဆိုပါတယ်။ အခုအချိန်အထိ သူစိုက်ပျိုးထားတဲ့ သစ်ပင်တွေဟာ ၁၇၅၃၂ ပင်ရှိနေပြီ ဖြစ်ပါတယ်။

သူ့ရဲ့ ဒီအပြုအမူကို ဂုဏ်ပြုတဲ့အနေနဲ့ ဘင်္ဂလားဒေ့ရှ် မီဒီယာ Daily Star က တာကာ ၁ သိန်း (ကန် ၁၂၅၃ ဒေါ်လာ) ချီးမြှင့်ခဲ့ပြီး မိသားစုအတွက် အိမ်လေးတစ်လုံးဝယ်ဖို့ မတည်ငွေသဘောမျိုး ဖြစ်ပါတယ်။

“ကျွန်တော် တစ်ယောက်တည်းနဲ့ မပြီးပြည့်စုံနိုင်ပါဘူး။ အားလုံး ၀ိုင်းကူကြဖို့ လိုပါတယ်” လို့ ဂုဏ်ပြုဆု ချီးမြှင့်ပွဲအခမ်းအနားမှာ ဆာမဒ်က လူတိုင်း သစ်ပင်စိုက်ပျိုးဖို့ တိုက်တွန်းခဲ့ပါတယ်။

Ref : Daily Star