လန်ဒန်တွင် ပါလက်စတိုင်းတို့၏ သမိုင်းအမွေအနှစ်ပြပွဲ ကျင်းပပြုလုပ်

ဇူလိုင် ၉၊ ၂၀၁၇
M-Media

– အစ္စရေးလိုလားသူ အုပ်စုများက နှောက်ယှက်ဟန့်တားမှုများ ရှိခဲ့သော်လည်း ဥရောပ၏ အကြီးဆုံး ပါလက်စတိုင်း အမွေအနှစ်ပြပွဲ Palestine Expo ကို ယူကေတွင် ယမန်နေ့က စတင် ဖွင့်လှစ်ပြသခဲ့သည်ဟု သိရသည်။

လန်ဒန်မြို့ Queen Elizabeth II Conference Centre စင်တာတွင် ပြုလုပ်သည့် အဆိုပါပြပွဲမှာ ပါလက်စတိုင်းတို့၏ ယဉ်ကျေးမှု၊ သမိုင်း၊ ရိုးရာအစားအသောက်များကို ဖော်ထုတ်ရန်ဖြစ်ပြီး စနေ၊ တနင်္ဂနွေတွင် လူပေါင်း ၁ သောင်းကျော် လာရောက်ကြည့်ရှုမည်ဟု ခန့်မှန်းထားသည်။

ပြပွဲတွင် ပါလက်စတိုင်း အနုပညာပြခန်း၊ ပါလက်စတိုင်းမှ အထင်ကရနေရာများအကြောင်း ပြခန်း၊ ပါလက်စတိုင်း ရိုးရာအစားအသောက်များကို တည့်ခင်းဧည့်ခံသည့် ပြခန်းများ ပါဝင်မည်ဖြစ်သည်။

ယမန်နေ့က စတင်ခဲ့သည့် အဆိုပါပြပွဲ၌ မိန့်ခွန်းပြောကြားသူများတွင် ဂျာနယ်လစ် ဂျွန် ပီလ်ဂါရ်၊ အစ္စရေး ပညာရှင် အီလန် ပက်ပီနှင့် စာရေးဆရာ ဘန်ဝှိုက်တို့ ပါဝင်သည်။

“လူတော်တော်များများ ပါလက်စတိုင်းကို ထောက်ခံအားပေးလာကိုမြင်ရတာ ကျွန်မတို့ အရမ်းပျော်ရွှင်မိပါတယ်။ တစ်ခါတစ်ရံမှာ ကျွန်မတို့ဟာ အမေ့ခံနေရပါလားလို့ ခံစားရပါတယ်။ ကျွန်မတို့ပေးချင်တဲ့သတင်းစကားက ပါလက်စတိုင်းတွေဟာ လှူဒါန်းမှုတွေမလိုဘူး၊ ထောက်ခံအားပေးမှုကိုပဲ လိုတယ်ဆိုတာပါ။ ကျွန်မတို့ ပါလက်စတိုင်းတွေ ကိုယ့်ရဲ့အခွင့်အရေး ပြန်ရတဲ့အချိန်အထိ ကမ္ဘာပေါ်က လူတိုင်းက ထောက်ခံကြောင်း ပြသသင့်ပါတယ်” ဟု ပါလက်စတိုင်းအမျိုးသမီး ဟာယတ် အေမက်စ် ဇူဂ်ဟိုင်ယာက ပြောကြားခဲ့သည်။

ထို့ပြင် အဆိုပါ ပါလက်စတိုင်းအမွေအနှစ်ပြပွဲကို အစ္စရေးလိုလားသူ အုပ်စုများက ပိတ်ပင်ခြင်းမှာ ‘အမှန်တရားကို မလိုလား၍ ဖြစ်သည်’ ဟု သူမက ထည့်သွင်းပြောဆိုခဲ့သည်။

ပြပွဲတွင် လာရောက်ကြည့်ရှုသူများ ပါလက်စတိုင်းပြဿနာနှင့်ပတ်သက်၍ ၎င်းတို့၏ ကိုယ်ပိုင် သဘောထားများကို အလ်ဂျာဇီးရားမှတ်တမ်းရုပ်ရှင်များ အသုံးပြုကာ အလွယ်တကူ ဖန်တီးနိုင်မည့် Palestine Remix တင်ဆက်မှုလည်း ပါဝင်သည်။

Ref: Aljazeera