ဒီမိုကရေစီကို ကာကွယ်ဖို့ တူရကီပြည်သူများ လမ်းပေါ်ထွက်ကြပြီ

ဇူလိုင် ၁၁၊ ၂၀၁၇
M-Media

– တိုင်းပြည်ရဲ့ ဒီမိုကရေစီစနစ်ကို တားဆီးထိန်းချုပ်ဖို့ အစိုးရရဲ့ ဆောင်ရွက်ချက်တွေကို တားဆီးဖို့အတွက် တူရကီပြည်သူတွေဟာ တနင်္ဂနွေနေ့က မြို့တော်အစ္စတန်ဘူလ်မှ စုဝေး ဆန္ဒပြခဲ့ကြပါတယ်။

မိုင်ပေါင်း ၂၅၀ လောက်ဝေးတဲ့ အန်ကာရာမြို့ကနေ ချီတက်လာကြတဲ့ ပြည်သူတွေဟာ ၃ ပတ်ခွဲကျော်ကြာတဲ့အချိန် တင်္ဂနွေနေ့က အစ္စတန်ဘူလ်ရဲ့ Maltepe ရင်ပြင်ကို ရောက်ရှိလာခဲ့ကြပြီး အတိုက်အခံ ရီပက်ဘလစ်ကန် ပြည်သူ့ပါတီ (CHP) ခေါင်းဆောင် ကမာလ် ကီလစ်ဒါရိုဂလူ ရင်ပြင်ထဲ ၀င်ရောက်လာတဲ့အချိန်မှာတော့ ဆန္ဒပြသူတွေက ‘အခွင့်အရေး၊ ဥပဒေ၊ တရားမျှမှု’ ဆိုပြီး ကျွေးကြော်ခဲ့ကြပါတယ်။

“ကျွန်မတို့ တရားမျှတမှုနဲ့ ဒီမိုကရေစီကို လိုလားတယ်။ ဒါ့ကြောင့်ပဲ ကျွန်မတို့ဟာ လမ်းပေါ်မှာ ရက်တော်တော်များများ ရှိနေတာ ဖြစ်ပါတယ်။ ရင်ပြင်မှာ အံ့သြလောက်စရာပါပဲ။ ကျွန်မဆို အထဲကိုဝင်လို့တောင် မရပါဘူး။ ဒါပေမယ့် အရမ်းပျော်ပါတယ်။ တူရကီမှာ ဒီလိုအခြေအနေမျိုး တစ်ခါမှ မမြင်ဘူးပါဘူး” လို့ အသက် ၄၇ နှစ်အရွယ် ဖာဒီမီ အူဇ်ဘူဒက်က ပြောကြားခဲ့ပါတယ်။

မြို့တော် အန်ကာရာကနေ အစ္စတန်ဘူလ်ကို ချီတက်တဲ့ အဲဒီ လှုပ်ရှားမှုကို March for Justice (တရားမျှတမှုအတွက် ချီတက်ပွဲ) လို့ အမည်ပေးထားပြီး ကီလစ်ဒါရိုဂလူ တစ်ယောက်တည်း စတင် ချီတက်ခဲ့တာ ဖြစ်ပါတယ်။ နောက်ပိုင်းမှာ သမ္မတ အာဒိုဂန်ကို မနှစ်မြို့ကြတဲ့ ပြည်သူတွေရဲ့ အားတက်ဖွယ် ၀န်းရံမှုကို ရရှိခဲ့ပါတယ်။ သူ့ရဲ့ပါတီက လွှတ်တော်အမတ်တစ်ဦးကို အစိုးရက ထောင်ချပြီးတဲ့နောက်ပိုင်း ကီလစ်ဒါရိုဂလူက ဒီလှုပ်ရှားမှုကို စတင်ခဲ့တာပါ။

လွှတ်တော်အမတ် အနစ် ဘာဘီရိုဂလူကို ထိန်းသိမ်းထားတဲ့ အကျဉ်းထောင်ရှိရာ အစ္စတန်ဘူလ်မြို့ဆင်ခြေဖုံး Maltepe ဒေသမှာ ဆန္ဒပြသူတွေ စုရုံးခဲ့ကြပြီး တူရကီအလံတွေ၊ ‘တရားမျှတမှု’ လို့ရေးသားထားတဲ့ ဆိုင်းဘုတ်တွေ၊ တူရကီနိုင်ငံကိုတည်ထောင်သူ မွတ်စတာဖာ ကမားလ်ရဲ့ ပုံတွေကို ကိုင်ဆောင် ဝှေ့ယမ်းခဲ့ကြပါတယ်။

ဆီးရီးယားကို တူရကီက လက်နက်ပေးပို့မှုကိစ္စ ဖော်ပြတဲ့ ဗီဒီယိုကို အတိုက်အခံ ဂျာနယ်လစ်ကို ပေးအပ်ခဲ့တယ်ဆိုတဲ့ စွဲချက်နဲ့ ဘာဘီရိုဂလူဟာ ဖမ်းဆီးခံရပြီး ထောင်ဒဏ် ၂၅ နှစ် ချခံခဲ့ရပါတယ်။

“ဒီမိုကရေစီနိုင်ငံတစ်ခုအဖြစ်ကနေ တူရကီဟာ ရပ်တန့်သွားပါပြီ။ လူတစ်ယောက်က ချုပ်ကိုင်တာမျိုး ဖြစ်လာပါပြီ။ ဒါမျိုးကို ကျွန်တော်တို့ လက်မခံနိုင်ပါဘူး” လို့ ကီလစ်ဒါရိုဂလူက ပြောကြားခဲ့ပါတယ်။

ဒီချီတက်ဆန္ဒပြမှုဟာ တိုင်းပြည်ရဲ့ လားရာကို ပြောင်းလဲသွားစေတဲ့ မအောင်မြင်တဲ့ အာဏာသိမ်းမှုအပြီး တစ်နှစ်နီးပါးအကြာမှာ ပေါ်ထွက်လာတာပါ။ ဒီအာဏာသိမ်းဖို့ ကြိုးစားမှုအပြီးမှာ အာဒိုဂန်နဲ့ သူ့ရဲ့အစိုးရဟာ နိုင်ငံတစ်ဝုမ်း နိုင်ငံသားဆိုင်ရာ အခွင့်အရေးတွေကို ပိတ်ပင်ခဲ့ပြီး၊ အစိုးရအဖွဲ့အစည်းတွေနဲ့ တက္ကသိုလ်တွေကို ချုပ်ကိုင်ခဲ့ပါတယ်။ မီဒီယာအခွင့်အရေးကိုလည်း တင်းတင်းကြပ်ကြပ် ကန့်သတ်ခဲ့ပြီး တက်ကြွလှုပ်ရှားသူတွေ၊ ဂျာနယ်လစ်တွေ၊ နိုင်ငံရေး အတိုက်အခံတွေကို အစုလိုက်အပြုံလိုက် ဖမ်းဆီးဖို့ အမိန့်ပေးခဲ့ပါတယ်။

တိုင်းပြည်ကလည်း တစ်နှစ်နီးပါးကြာတဲ့ အခုအချိန်အထိ အရေးပေါ်အခြေအနေမှာ ရှိနေပြီး အတိုက်အခံလို့ မြင်တဲ့ ဘယ်သူ့ကိုမဆို ဖမ်းဆီးထိန်းသိမ်းဖို့ အာဒိုဂန်ဦးဆောင်တဲ့အစိုးရကို ခြွင်းချက်မဲ့ပါဝါ ပေးထားသလို ဖြစ်နေပါတယ်။

ဒီလို နှိပ်ကွပ်မှုတွေကို ဆန့်ကျင်ဖို့အတွက် တနင်္ဂနွေနေ့က စုရုံးမှုမှာ တူရကီပြည်သူ သိန်းနဲ့ချီ ပါဝင်ခဲ့ပါတယ်။

“ကျွန်မတို့ အခွင့်အရေး၊ ဥပဒေနဲ့ တရားမျှတမှုတွေအတွက် ကျွန်မ ချီတက်လမ်းလျှောက်တာရှင့်။ အကြောင်းအရာတစ်ခုအပေါ်မှာ ယုံကြည်မှုပြင်းပြနေပြီဆိုရင် ဒီလို ခက်ခက်ခဲခဲနဲ့ အချိန်ကြာကြာလမ်းလျှောက်တာမျိုးကို လုပ်နိုင်လာမှာပါ” လို့ ၁၀ ရက်ဆက်တိုက် လမ်းလျှောက်ချီတက်ခဲ့တဲ့ အသက် ၆၂ နှစ်အတွက် စည်ပင်ဝန်ထမ်းဟောင်း ရီဖီကာ အော့ဇ်တာ့က်က ပြောကြားခဲ့ပါတယ်။

မောပမ်းနွမ်းလျမှုတွေ ရှိနေပေမယ့် အစ္စတန်ဘူလ်ကို ရောက်လာတဲ့ နောက်ဆုံးအခြေအနေကတော့ အားရစရာကောင်းခဲ့ပြီး ဘင်ခရာတီးဝိုင်းတွေကလည်း လမ်းတစ်လျှောက် တီးမှုတ်လာခဲ့ကြပါတယ်။

ပြီးခဲ့တဲ့နှစ်တွေအတွင်း တူရကီပြည်သူတွေရဲ့ ဆန္ဒပြမှုမှာ ရဲတပ်ဖွဲ့ဝင်တွေနဲ့ ထိပ်တိုက်တွေ့ဆုံမှုတွေ ရှိခဲ့ပေမယ့် အခု ချီတက်မှုကတော့ ငြိမ်းငြိမ်းချမ်းချမ်းဖြစ်ခဲ့ပြီး ရဲတပ်ဖွဲ့ဝင်တွေက ပြင်ပအန္တရာယ်တွေကနေ ဆန္ဒပြသူတွေကို ကာကွယ်ပေးခဲ့ပါတယ်။

တူရကီလွတ်မြောက်ရေး အမှတ်သညာမြို့တစ်ခုဖြစ်တဲ့ အစ္စတန်ဘူလ်က ဒီလှုပ်ရှားမှုဟာ ဘယ်လောက်အထိ တာသွားမလဲဆိုတာကိုတော့ မပြောနိုသေးပါဘူး။

ဆန္ဒပြသူတွေက အစိုးရအနေနဲ့ ဆန္ဒပြသူတွေရဲ့ တောင်းဆိုမှုတွေကို နားထောင်မလား၊ ဒါမှမဟုတ် ဆန္ဒပြမှု ပြီးဆုံးသွားတာနဲ့ အကြမ်းဖက်သမား ခေါင်းစဉ်တပ်ပြီး ဆန္ဒပြသူတွေကို ဖမ်းဆီးမလားဆိုတာကို စောင့်ကြည့်ရမယ်လို့ ဆိုပါတယ်။

ချီတက်မှုအတွင်းမှာ နှလုံးဖောက်တဲ့သူ ၂ ဦး ရှိခဲ့ပြီး တစ်ဦးက နောက်ပိုင်းမှာ သေဆုံးသွားခဲ့ပါတယ်။ အပူဒဏ်ကို မခံနိုင်လို့ အရိပ်ရတဲ့နေရာတွေကို ရှာဖွေရတဲ့သူတွေ၊ မိုးထဲရေထဲ အန်တုချီတက်ခဲ့ကြတဲ့သူတွေလည်း ဒုနဲ့ဒေးပါတယ်။

ဒီချီတက်မှုအတွက် တူရကီပြည်သူတွေထဲမှာ သဘောထားကွဲလွဲမှုတွေလည်း ရှိနေပါတယ်။ လမ်းတစ်လျှောက် ကြိုဆိုသူတွေက ဒီဆန္ဒပြမှုကို ချီးကျူးခဲ့ကြပေမယ့်၊ အာဒိုဂန်ကို ထောက်ခံသူတွေကတော့ အာဒိုဂန်ရဲ့အမည်ကို ဟစ်အော်ပြီး ဆန္ဒပြမှုကို တုန့်ပြန်ခဲ့ကြပါတယ်။

ဒီလို သဘောထားကွဲလွဲမှုက အချိန်တစ်ခုကြာ ရှိနေမယ့် အနေအထားပါပဲ။ လွှတ်တော်ကအာဏာကို သမ္မတက ပိုမိုရယူနိုင်မယ့် ဖွဲ့စည်းပုံအခြေခံဥပဒေ ဧပြီလ ဆန္ဒခံယူပွဲမှာ ကွဟာချက်နည်းနည်းနဲ့ အာဒိုဂန်က အနိုင်ရခဲ့ပါတယ်။

တူရကီနိုင်ငံက သမ္မတရာထူးဟာ အမှတ်သညာတစ်ခုသာ ဖြစ်ပေမယ့် အာဒိုဂန်ကတော့ နိုင်ငံခေါင်းဆောင်၊ အစိုးရအကြီးအကဲဖြစ်ဖို့ ဆောင်ရွက်လာခဲ့ပါတယ်။ ဖွဲ့စည်းပုံအခြေခံဥပဒေသစ် ပြည်သူ့ဆန္ဒခံယူပွဲအတွက် နိုင်ငံတကာက စောင့်ကြည့်လေ့လာသူတွေက ဝေဖန်ခဲ့ကြပါတယ်။

Ref: CNN