ခေါင်းဆောင် ဘဂ္ဂဒါဒီသေဆုံးကြောင်း IS က အတည်ပြုဟု သတင်းထွက်

ဇူလိုင် ၁၁၊ ၂၀၁၇
M-Media

IS အကြမ်းဖက်အဖွဲ့ခေါင်းဆောင် ဘဂ္ဂဒါဒီ

– မိမိတို့ရဲ့ခေါင်းဆောင် အဘူ ဘာကာရ် အလ်-ဘဂ္ဂဒါဒီ သေဆုံးကြောင်း IS အကြမ်းဖက်အဖွဲ့က အတည်ပြုလိုက်တယ်လို့ အီရတ်နိုင်ငံ နိုင်နီဗာပြည်နယ်မှာရှိတဲ့ ဒေသခံ ရင်းမြစ်တစ်ခုကို ကိုးကားပြီး အီရန်သတင်းဌာန Press TV က ဖော်ပြခဲ့ပါတယ်။

မူဆိုးလ်မြို့ရဲ့ အနောက်ဖက် ၆၃ ကီလိုမီတာအကွာက တာလ်အဖာရ်မြို့လယ်ကောင်မှာရှိတဲ့ IS ရဲ့ မီဒီယာဌာနတစ်ခုကနေ ထုတ်ပြန်တဲ့ ကြေငြာချက်အတိုလေးမှာ ဘဂ္ဂဒါဒီသေဆုံးကြောင်း အတည်ပြုခဲ့မှုကို ဒေသတွင်း ရင်းမြစ်တစ်ခုက al-Sumaria သတင်းဝဘ်ဆိုက်ကို မနေ့မှာ ပြောကြားခဲ့တယ်လို့ ဆိုပါတယ်။

ဒါပေမယ့် အသေးစိတ်အချက်အလက်ကိုတော့ သိရှိရခြင်းမရှိပါဘူး။ အမည်မဖော်လိုတဲ့ ဒီသတင်းရင်းမြစ်က IS ဟာ မကြာခင်မှာ ခေါင်းဆောင်သစ်ကို ကြေငြာသွားမယ်လို့လည်း ဆိုပါတယ်။

တာလ်အဖာရ်မှာရှိတဲ့ IS အဖွဲ့က လူတွေအချင်းချင်း ရာထူးအဝေမတည့်လို့ အဖွဲ့တွင်း ပုန်ကန်မှုတွေဖြစ်နေတယ်လို့ ဒီသတင်းထွက်လာပြီးနောက်ပိုင်း အခြား အီရတ်မီဒီယာတစ်ခုက ဖော်ပြခဲ့ပါတယ်။

ဒီသတင်းတွေကို အီရတ်အာဏာပိုင်တွေက အတည်ပြုခြင်း မရှိသေးပါဘူး။

မေလအတွင်း ဆီးရီးယားက ရက်ကာမြို့မှာပြုလုပ်တဲ့ သူတို့ရဲ့ လေကြောင်းတိုက်ခိုက်မှုမှာ IS ခေါင်းဆောင် ဘဂ္ဂဒါဒီ သေဆုံးဖွယ်ရှိတယ်လို့ ပြီးခဲ့တဲ့ သီတင်းပတ်အနည်းငယ်မှာ ရုရှားက သတင်းထုတ်ပြန်ခဲ့ပါတယ်။

၂၀၁၄ ခုနှစ်မှာ IS အကြမ်းဖက်အဖွဲ့က သိမ်းပိုက်ခဲ့တဲ့ မူဆိုးလ်မြို့ကို ပြန်လည်သိမ်းယူဖို့ အီရတ်စစ်တပ်ရဲ့ ထိုးစစ်ဟာ ၉ လကျော် ကြာခဲ့ပြီး တနင်္လာနေ့မှာတော့ အီရတ်ဝန်ကြီးချုပ် ဟိုက်ဒါ အလ်-အာဘာဒီက မူးဆိုးလ်ကို ပြန်လည်သိမ်းပိုက်နိုင်ကြောင်း ကြေငြာခဲ့ပါတယ်။

Ref: Press TV