မြန်မာနိုင်ငံက မဟာဒုက္ခ တွင်းဆုံးကျနေသော ဗုဒ္ဓဘာသာဝင်များနှင့် ဓားစားခံ ဖြစ်နေသော မွတ်စလင်များ

ဇူလိုင် ၁၂၊ ၂၀၁၇

M-Media

ရေးသားသူ- By GERARD McCARTHY & JACQUELINE MENAGER | FRONTIER

ဘာသာပြန် – ထွဋ်ခေါင်

တည်းဖြတ် – လေးမောင်

– စစ်အစိုးရလက်ထက် နိုင်ငံတိုးတက်မှုမရှိတာအတွက် မွတ်စလင်တွေနဲ့ပတ်သတ်တဲ့ ကောလဟာလတွေကို လွှင့်ပြီး အာရုံလွှဲခဲ့ပါတယ်။

မြန်မာနိုင်ငံမှာ ဗုဒ္ဓဘာသာဝင်အမျိုးသမီးတွေဟာ စော်ကားခံနေရတယ်၊ အဓမ္မဘာသာပြောင်းခံနေရတယ်ဆိုတဲ့ ကောလဟာလ ၀ါဒဖြန့်မှုတွေဟာ အခိုင်အမာကို ရှိနေပါတယ်။ အချက်အလက်ပိုင်းအရ မှန်ကန်လေ့မရှိတဲ့ ဒီလို နိစ္စဓူဝ ဇာတ်လမ်းတွေကို ဖြေရှင်းလို့မရအောင် ဘာတွေက လုပ်ထားပါသလဲ။

၁၉၉၀ ပြည့်နှစ်တွေနဲ့ ၂၀၀၀ ပြည့်နှစ်က ပြည်သူတွေ ကြုံတွေ့ရတဲ့ ဒုက္ခသုက္ခတွေ၊ စီးပွားရေး ချွတ်ခြုံကျမှုတွေအပေါ် သက်ရောက်မှုရှိနေလို့၊ ဒါတွေအတွက် အပြစ်ပြောထိုက်လို့ ဒီကောလဟာလတွေဟာ ရှိနေတာပါလို့ ဆိုလာခဲ့ရင်တော့ ၄ နှစ်ကျော်ကြာ နက်နက်နဲနဲ တိတိကျကျ သုတေသနပြုထားမှုကို အခြေခံပြီး ကျွန်တော်တို့က ငြင်းချက်ထုတ်ရပါလိမ့်မယ်။

မျိုးစောင့် ဥပဒေလေးချက်ကို အထောက်ကူဖြစ်ဖို့အတွက် ဒီလိုကစားကွက်တွေ ဖြစ်လာတယ်ဆိုတာ ကျနော်တို့ တွေ့ပါတယ်။ မဘသ က ထောက်ပံ့ရေးဆွဲခဲ့တဲ့ ဒီဥပဒေကြမ်းဟာ ဦးသိန်းစိန်မပြုတ်ခင်လေးတင်မှာ အတည်ပြုခဲ့တာ ဖြစ်ပါတယ်။ အဲဒါဟာ အခုတော့ ဒေါ်အောင်ဆန်းစုကြည် အစိုးရအတွက် ဆူးညောင့်ခလုတ်ကန်သင်း တစ်ခုပါပဲ။

၂၀၁၂ ကနေ ၂၀၁၆ ခုနှစ်အတွင်း၊ မြန်မာပြည်အလယ်ပိုင်းနဲ့ ရန်ကုန်မြို့မှာ ကျွန်ုတော်တို့ရဲ့ လက်တွေ့ ကွင်းဆင်းစဉ် ကာလအတွင်း၊ မျိုးစောင့်ဥပဒေလေးရပ်အကြောင်း ဆွေးနွေးဖက်တွေနဲ့ ပြောဆိုဆွေးနွေးကြတဲ့အခါ Facebook နဲ့ ယုံကြည်ရတဲ့ ရင်းမြစ်တွေဆီကနေတစ်ဆင့် ၀ါဒဖြန့်တဲ့ ကောလဟာလတွေအကြောင်း မကြာခဏဆိုသလို အဓိကထားခဲ့ပါတယ်။

မွတ်စလင်ယောင်္ကျားတွေဟာ ဗုဒ္ဓဘာသာမိန်းကလေးတွေကို လိင်ပိုင်းဆိုင်ရော စော်ကားတယ်၊ ဒါမှမဟုတ် “အကြမ်းဖက်ပြီး” အစ္စလာမ်ဘာသာကို အဓမ္မကူးပြောင်းစေတယ်၊ ဗုဒ္ဓဘာသာ မိန်းကလေးယူရင် ဘောက်ဆူးပေးတယ်၊ ဒါမှမဟုတ် ရှုပ်ထွေးတဲ့လက်ထပ်စာချုပ်တွေနဲ့ အခိုင်အမာ ချုပ်ထားကြတယ်ဆိုတာ မကြာခဏ ကျနော်တို့ ကြားနေရပါတယ်။

မြန်မာနိုင်ငံမှာ အစ္စလာမ်ဘာသာပြန့်နှံ့ဖို့၊ ဗုဒ္ဓဘာသာကို အားနည်းသွားအောင်လုပ်ဖို့ စနစ်ကျတဲ့ မဟာဗျူဟာတစ်ခု ချထားတယ်ဆိုတဲ့ ၀ါဒဖြန့်ချီမှုကို ခိုင်မာစေဖို့ မွတ်စလင်အသိုင်းအ၀ိုင်းမှာ မွေးဖွားနှုန်းမြင့်မားနေတယ်ဆိုတဲ့ စွပ်စွဲပြောဆိုမှုကို သက်သေအဖြစ် ထောက်ပြကြပါတယ်။

မွတ်စလင်တွေဟာ ကြွယ်ဝချမ်းသာကြတယ်၊ အားကောင်းမောင်းသန်တယ်၊ နိုင်ထက်စီးနင်း လုပ်တတ်ကြတယ် ဆိုတဲ့ ယူဆချက်တွေ မြန်မာ့လူ့အဖွဲ့အစည်းမှာ ရှိနေတယ်ဆိုတာကိုလည်း အောက်စဖို့တက္ကသိုလ်က လူမှုရေးပရောဂျက်တွေနဲ့ မြန်မာနိုင်ငံ မီဒီယာတွေရဲ့ လေ့လာမှုမှာ တွေ့ခဲ့ရပါတယ်။ နိုင်ငံတစ်ဝှမ်း တွေ့ဆုံမြေးမြန်းမှုတွေကို အခြေခံပြီး ပြုလုပ်တဲ့ သုတေသနအရ လတ်တလော မြန်မာနိုင်ငံမှာ ဖြစ်ပွားနေတဲ့ လူမျိုးစုပဋိပက္ခ၊ အစ္စလာမ့်မစ်အစွန်းရောက်ဝါဒဆိုတဲ့ ကမ္ဘာက တင်ပြမှုတွေကို ယုတ္တိရှိအောင်လုပ်ဖို့ ယခင်ကဖြစ်ပျက်ခဲ့တာတွေကို မြန်မာနိုင်ငံက ပြည်သူတွေက ဘယ်လောက်တောင် ဆွဲယူအသုံးချနေလည်းဆိုတာကို တွေ့ခဲ့ရပါတယ်။

မြန်မာမွတ်စလင်တွေနဲ့ပတ်သက်ပြီး ၀ါဒဖြန့်မှုတွေမှာ ‘အမှန်တရား’ တစ်ခုတစ်လေ ပါမယ်ဆိုတဲ့ ယူဆချက်တွေကိုလည်း ကျွန်တော်တို့ဟာ ငြင်းချက်ထုတ်မှာဖြစ်ပြီး ဘာ့ကြောင့်လည်းဆိုတော့ စစ်အာဏာရှင်လက်အောက် ဆယ်စုနှစ်ပေါင်များစွာ ခံစားလာခဲ့ရတာတွေကို အာရုံလွှဲဖို့အတွက် မွတ်စလင်တွေဟာ အသုံးချခံ၊ အပြစ်တင်ခံ လူ့အဖွဲ့အစည်း ဖြစ်နေတာကြောင့် ဖြစ်ပါတယ်။

၂၀၁၅ ခုနှစ် နှစ်လယ်ပိုင်းလောက်မှာ မြန်မာနိုင်ငံအလယ်ပိုင်းက ကွမ်းယာဆိုင်မှာ ဖြစ်ပွားခဲ့တဲ့ အဖြစ်အပျက်တစ်ခုကို ကြည့်ရအောင်။ ဖုန်ထူထူဈေးက အဲဒီဆိုင်ရဲ့ ပလက်စတစ်ထိုင်ခုံပေါ်မှာ အခန့်သားထိုင်နေသူတွေကို ဗမာလူငယ်လေးတစ်ယောက်က “လူတိုင်းကြည့်သင့်တဲ့ အရာ” ဆိုတဲ့ ခေါင်းစဉ်နဲ့ Facebook ဗီဒီယိုတစ်ခုကို သူ့စမတ်ဖုန်းနဲ့ ပြသနေပါတယ်။ Facebook က အဲဒီဗီဒီယိုကို အကြိမ် ၃ ထောင်လောက် မျှဝေပြီးမှ ဒီလူငယ်လေးက တွေ့ရှိခဲ့တာပါ။

၇-မိနစ်ကြာတဲ့ ဒီဗီဒီယိုဟာ ရှုပ်ရှက်ခပ်နေတဲ့ ဈေးတစ်ခုထဲမှာ မွတ်စလင်လို့ ယူဆရတဲ့ အသက် လေးဆယ်နားကပ်နေတဲ့ မုတ်ဆိတ်ရှိလူကြီးတစ်ယောက်နဲ့ ဗုဒ္ဓဘာသာဝင်လို့ယူဆရတဲ့ အသက်နှစ်ဆယ် မရှိတစ်ရှိ  မိန်းမငယ်လေးတစ်ယောက်တို့ ရန်ဖြစ်နေကြတဲ့ မြင်ကွင်းကို ရိုက်ပြထားတာ ဖြစ်ပါတယ်။

ဘေးမှာ ရပ်ကြည့်နေတဲ့ လူတစ်ယောက်ယောက်က သူ့ရဲ့စမတ်ဖုန်းနဲ့ ရိုက်ထားတယ်လို့ ထင်ရတဲ့ ဒီဗီဒီယိုထဲမှာ၊ စိတ်လှုပ်ရှားနေတဲ့ မိန်းမပျိုလေးက မုတ်ဆိတ်နဲ့လူကြီးကို ထပ်ခါတလဲလဲ “လူလိမ်” လို့ ပြောဆိုစွပ်စွဲရင်း နင့် “ငါ့ကို ယူမယ်လို့ ကတိပေးပြီးတော့” လို့ ပြောကာ လူကြီးကို ပါးဆွဲချလိုက်ပါတယ်။

ဗီဒီယိုကြည့်ပြီးတဲ့နောက် စကားဝိုင်းမှာ ဒီအမျိုးသမီးငယ်လေးရဲ့အဖြစ်အပျက်ကို ဘာသာမတူသူတွေနဲ့ အိမ်ထောင်ပြုတဲ့ကိစ္စသာမကဘဲ မွတ်စလင်တွေရဲ့ စီးပွားရေးအားသာချက်ကို သတိထားရမယ်ဆိုတဲ့ ဇာတ်လမ်းတစ်ခုအဖြစ် ဖန်တီးလိုက်ကြပါတယ်။ “သူ့မှာ ပိုက်ဆံတွေ အများကြီးရှိတယ်လေ၊ ဒီတော့ ဒီကောင်မက စိတ်ဝင်စားတာပေါ့။ ခင်ဗျားတို့လည်း မွတ်စလင်တွေဆို လုံးဝကို မယုံသင့်ဘူး” လို့ တစ်ယောက်က ထပြောပါတယ်။

စီးပွားရေးမှာ မွတ်စလင်တွေ လက်ဝါးကြီးအုပ်ထားတယ်၊ ပိုက်ဆံကို အသုံးချပြီး ထူအတဲ့ ဗုဒ္ဓဘာသာ သမီးပျိုတွေကို ကာမ ကျူးလွန်ဖို့ အလားလာရှိနေတယ်၊ အုပ်ချုပ်ရေးယန္တရားမှာ လာဘ်ပေးလို့ရနေတာက မွတ်စလင်တွေအတွက် အကွက်ပိုရစေတယ်ဆိုပြီး ဒီဗီဒီယိုလေးက အစဆွဲထုတ်စွပ်စွဲစရာ  အကွက်ရသွားခဲ့ပါတယ်။

စစ်အာဏာရှင်ခေတ်က သူတို့တွေ ရင်ဆိုင်ကြုံတွေ့ခံစားခဲ့ရတဲ့ ဒုက္ခတွေကို ပြန်ပြောင်းပြောရင်း အဲဒီကာလတုန်းက မွတ်စလင်တွေဟာ ချမ်းသာကြွယ်ဝတာကြောင့် အစိုးရအဖွဲ့ဝင် အရာရှိကြီးတွေကို ကောင်းကောင်းကြီး လာဘ်ထိုးတဲ့ နည်းလမ်းတွေနဲ့ ကျော်ဖြတ်ခဲ့ပြီး မွတ်စလင်တွေကို သတိထားတာ အကောင်းဆုံးပဲလို့ ကြည့်ရှုသူအားလုံးကလည်း သဘောတူလိုက်ကြပါတယ်။

တကယ်တော့ ဒါဟာ နည်းမှန်လမ်းမှန် ဆွေးနွေးမှုမျိုး၊ တစ်မူထူးခြားတဲ့ ဆွေးနွေးမှုမျိုး မဟုတ်သလို၊ အချက်လက်အား ဖြင့်လည်း မှန်ကန်မှု မရှိပါဘူး။ ဥပမာ စစ်တပ်က ကျောထောက်နောက်ခံပေးထားတဲ့ ခရိုနီတွေနဲ့ ယှဉ်လိုက်ရင် မြန်မာ့ စီးပွားရေးမှာ မွတ်စလင်တွေဟာ မဆိုစလောက် အချိုးအစားသာ ပါဝင်ကြတာပါ။

ဒါပေမဲ့လည်း အလားတူ သတိပေးဇာတ်လမ်းတွေဟာ ကွမ်းယာဆိုင်တွေနဲ့ တစ်ခြား လူစုံရာနေရာမျိုးတွေမှာ၊ ဟုတ် သော်ရှိ မဟုတ်သော်ရှိ၊ တစ်နိုင်ငံလုံး ပြန့်နှံ့နေပါတယ်။ ဒီပြောဆိုမှုတွေရဲ့ နောက်ကွယ်မှာတော့ ဗုဒ္ဓဘာသာဝင်တစ်ယောက်ရဲ့စိတ်ထဲမှာ စွဲထင်နေတဲ့ ‘လူမျိုး’ ဆိုတဲ့ အယူအဆနဲ့ပတ်သက်ပြီး  အတွေးအခေါ်ပိုင်းဆိုင်ရာ၊ ကိုယ်ကျင့်တရားပိုင်းဆိုင်ရာ ချွတ်ခြုံကျမှုနဲ့ ချိတ်ဆက်နေတဲ့ စိုးရိမ်စရာကောင်းတဲ့ ခံစားမှုတွေကို မြင်နေရပါတယ်။

မြန်မာနိုင်ငံအလယ်ပိုင်း ဗုဒ္ဓဘာသာဝင်အများစုနေထိုင်တဲ့ တောရွာလေးတစ်ရွာက ဆင်းရဲတဲ့ မိသားစုကနေ ပေါက်ဖွားလာတဲ့ အသက်နှစ်ဆယ်စွန်းစွန်း ကုန်သည်ပေါက်စလေး ကိုကျော်ဝင်း (အမည်လွှဲ) ဟာ ဒီစိုးရိမ်စရာ အကြောင်းတရားတွေကို မီးမောင်းထိုးပြနေသူတစ်ဦးပါ။ ရွာဦးဘုန်းကြီးကျောင်းမှာ ဦးဝီရသူလာတုန်းက ၂၀၁၂ ခုနှစ် ရခိုင်အရေးခင်းအကြောင်း တရားဟောတာကို နားထောင်ပြီးနောက်မှာ ကျော်ဝင်းဟာ ၉၆၉ လှုပ်ရှားမှုရဲ့ အမာခံတစ်ယောက် ဖြစ်လာခဲ့ပါတယ်။

တရားပွဲမှာ မုဒိမ်းမှုအကြောင်း အသေးစိတ် ဟောကြားတာကို ကြားခဲ့ပြီးတဲ့နောက် စိတ်ထိခိုက်သွားတဲ့သူဟာ ကန်ဒေါ်လာ ၁၀၀ ၀န်းကျင် ပမာဏရှိတဲ့ သူ့ရဲ့ နှစ်ပတ်စာ ချွေးနဲစာကို လှူဒါန်းခဲ့ပြီး ဦးဝီရသူရဲ့ တရားခွေ ဒီဗီဒီ အချပ် ၅၀၀ ကို ရရှိခဲ့ပါတယ်။ ၂၀၁၃ ခုနှစ် ရက်သတ္တပတ်အနည်းငယ်အတွင်းမှာ၊ ကျော်ဝင်းဟာ သူကုန်သွယ်ရာ လမ်းတစ်လျှောက်မှာရှိတဲ့ ရွာကြီးရွာငယ် အသွယ်သွယ်မှာ ဒီအခွေတွေကို အခမဲ့ လက်ဆောင်တွေ ပေးခဲ့ပါတယ်။ နောက်ပိုင်းမှာ သူဟာ “မျိုးစောင့်ဥပဒေ” လေးရပ်ကို ထောက်ခံတဲ့ မဘသရဲ့ နိုင်ငံအနှံ့ လက်မှတ်ကောက်ယူပွဲတွေမှာ လုပ်အားပေးခဲ့ပါတယ်။

၂၀၁၅ နဲ့ ၂၀၁၆ တစ်လျှောက်လုံးမှာ ကျွန်တော်တို့ သုတေသနလုပ်ငန်းထဲက တစ်ယောက်ဟာ ကျော်ဝင်းနဲ့ ပုံမှန် ဆုံဖြစ်ခဲ့ပါတယ်။ ဆုံတွေ့စဉ်အခိုက်မှာ ၁၉၉၀ ပြည့်နှစ်တွေနဲ့ ၂၀၀၀ ပြည့်နှစ်တွေအတွင်း သူ့မိသားစုဝင်တွေ ဘယ်လောက်တောင် ဒုက္ခရောက် ခဲ့ရသလဲဆိုတာကို မကြာခဏဆိုသလို ပြန်ပြောင်း ပြောပြပါတယ်။

မြန်မာနိုင်ငံရဲ့ စီးပွားရေးမှာ အထီးကျန်နေမှု၊ အလုပ်လက်မဲ့များပြားမှုပြဿနာ “ချီးထုပ် ကျန်းမာရေးနဲ့ ပညာရေး စနစ်” လို့ သူကဆိုတဲ့ စနစ်တွေကြောင့် သူတို့မိသားစုဟာ ရုန်းကန်ခဲ့ရပါတယ်။ ကျော်ဝင်းက မြန်မာပြည်ရဲ့ စီးပွားရေးနဲ့ အကျင့်စာရိတ္တ အခြေနေဟာ နှစ်ပင်လိမ်နေတယ်လို့ ဆိုပြီး “လူတော်တော်များများရဲ့ အကျင့်စာရိတ္တတွေက ပျက်စီးသွားပြီဗျ- သူတို့မှာ တရားထိုင်ဖို့လည်း အချိန်မရှိဘူး။ လူမှုရေး လုပ်ငန်းတွေ လုပ်ဖို့လည်း မအားကြဘူး” လို့ ပြောကြားခဲ့ပါတယ်။

သူက စစ်အစိုးရ အုပ်ချုပ်ရေးအဆက်ဆက်ကိုလည်း “ကမ္ဘာနဲ့ အဆက်ဖြတ်ပြီး အထီးကျန်နေခဲ့” တဲ့အတွက် အပြစ်တင်ခဲ့ ပါတယ်။ ၂၀၁၅ နိုဝင်ဘာမှာ သူမဲတောင် မထည့်ခဲ့ပါဘူး။ သူ့စကားအရ “လာဘ်စားတဲ့” ကြံဖွတ်ပါတီ၊ “ဘုန်းကြီးနဲ့ ရန်ဖြစ်တဲ့” အန်အလ်ဒီပါတီကို ဘယ်သူ့ကို မဲထည့်ရကောင်းမှန်းမသိဘူးလို့ ပြောပါတယ်။

ဒါပေမဲ့၊ ကျော်ဝင်းက မျိုးစောင့်ဥပဒေ ဘာကြောင့်လိုအပ်တယ်ဆိုတာကို ရှင်းပြရာမှာတော့ ‘အစ္စလာမ့်မစ် အကြမ်းဖက်ဝါဒ’ ရဲ့လက်ထဲမှာ ဗုဒ္ဓပုံတော်တွေ မလေးမစားလုပ်ခံရတယ်၊ ဗုဒ္ဓဘာသာဝင်အမျိုးသမီးတွေ ရုပ်ပိုင်းဆိုင်ရာ အကြမ်းဖက်မှုတွေ၊ အမြတ်ထုတ်မှုတွေ ခံရတယ်ဆိုတဲ့ ၀ါဒဖြန့်ချက်တွေကို ကိုးကားခဲ့ပြီး သူက ဗုဒ္ဓဘာသာရဲ့ အနာဂတ်အတွက် ရိုးရိုးသားသား စိုးရိမ်နေတာ ဖြစ်ပါတယ်။

ဘာသာတိုင်းမှာ အကြမ်းဖက်ဝါဒ မရှိသင့်ဘူးလို့ မဘသကယုံကြည်ထားကြောင်း၊ ဒါကြောင့် မျိုးစောင့်ဥပဒေလေးရပ်ကို သူတို့ ရေးဆွဲခဲ့တဖြစ်ကြောင်း ကျော်ဝင်းက ပြောကြားခဲ့ပါတယ်။

“ဗုဒ္ဓဘာသာ အမျိုးသမီး တော်တော်များများက ဘာသာခြားတွေနဲ့ ယူနေကြတယ်။ မဘသက ဗုဒ္ဓဘာသာ အမျိုးသမီး တွေကို ဘာသာခြားတွေနဲ့ ယူခွင့်ပေးထားတယ်၊ ဒါပေမဲ့ အကြမ်းဖက်မှု ရှိသလား မရှိဘူးလား ဆိုတာကိုတော့ ဘုန်းကြီး တွေက စစ်ဆေးရမယ်လေ” လို့ သူက စောဒကတက်ပါတယ်။

“တကယ်လို့ ဗုဒ္ဓဘာသာအမျိုးသမီးတစ်ယောက်က သူမ အစ္စလာမ်ဘာသာကို ကူးပြောင်းလိုက်ပြီလို့ ဘုန်းကြီးတွေကို ပြောလာရင်၊ သူမ စိတ်ရင်းနဲ့ အမှန်တကယ်ပြောင်းတာလား၊ သူမ အဲဒီလူဆီမှာ ပေးဆပ်စရာ အကြွေးကိစ္စလို ဟာမျိုးရှိလို့၊ အကြမ်းဖက်ခံလိုက်ရလို့ ဘာသာပြောင်းလိုက်တာလားဆိုတာ ဘုန်းကြီးတွေက စစ်ဆေးဖို့ လိုပါတယ်”

၁၉၉၀ ပြည့်နှစ်တွေမှာ ခံစားခဲ့ရမှုတွေ၊ စိတ်ပျက်ခဲ့ရမှုတွေနဲ့ပတ်သက်ပြီး ကျော်ဝင်းနဲ့ အခြားသော မဘသ တက်ကြွလှုပ်ရှားသူတွေရဲ့ ပြန်ပြောင်းပြောပြမှုတွေကိုကြည့်ရင် ခွဲခြားဆက်ဆံတဲ့ ဥပဒေ၊ ‘ဗုဒ္ဓဘာသာဝင်အမျိုးသမီးတွေကို ကာကွယ်ဖို့’ ဘုန်းကြီးတွေလိုအပ်မှုတွေ မှန်တယ်လို့ အယောင်ပြဖို့ ချမ်းသာကြွယ်ဝပြီး၊ အားကောင်းမောင်းသန်တဲ့ မွတ်စလင် ယောက်ျားတွေကို ခုတုံးလုပ်တာနဲ့ ဘာမှတော့ မဆိုင်ပါဘူး။

ဒီကောလဟာလတွေ၊ ပြောကြားမှုတွေထဲမှာ နစ်ဝင်နေတဲ့ မကျေနပ်ချက်တနင့်ပိုးဟာ အလိုအလျောက် သူ့ဟာသူ ပေါ်လာတာ မဟုတ်ပါဘူး။ လိင်ကိစ္စကိုအခြေတည်တဲ့ ဒီ ကောလဟာတွေမှာ စွမ်းအားရှိပြီး အမျိုးသမီးတွေရဲ့ ခုခံနိုင်စွမ်းနည်းပါးမှုအပေါ်မှာ ဖြစ်လာတဲ့ နာကျည်းချက်တွေ၊ ခံစားမှုတွေ၊ ဒီထက်ပိုဆိုရရင် လူထုအတွင်း ဗုဒ္ဓဘာသာ ပြန်ရှင်သန်လာရေးနဲ့ ချိတ်ထားတာပါ။ ဒီလံကြုတ်ဇာတ်လမ်းတွေဟာ မှန်သည်ဖြစ်စေ၊ မှားသည်ဖြစ်စေ ရည်ရွယ်ချက်က အာဏာရှင်လက်ထက် ခံစားခဲ့ရတာတွေအတွက်   စစ်တပ်မဟုတ်တဲ့ အခြား ဓားစားခံတစ်ခုကို လွှဲချဖို့ ဖြစ်ပါတယ်။

နိစ္စဓူဝတွေ့နေရတဲ့ ဒီတစ်ဖတ်သက် ကေလာဟာလတွေကိုကြည့်ရင် မြန်မာနိုင်ငံက မွတ်စလင်ဆန့်ကျင်ရေး  အထင်အမြင်တွေကို ‘လူထုပညာပေးမှု’၊ ဒါတွေဟာ စစ်အာရှင်စနစ်နဲ့ နာကျည်းချက်တွေ၊ ထိခိုက်ခံစားရခဲ့ရမှုတွေနဲ့ ဘာမှမဆိုင်ဘူးဆိုတာကို ၀န်ခံပြောကြားရမယ့် လှုပ်ရှားမှုတွေနဲ့တင် ဖြေရှင်းလို့မရဘူးလို့ အဓိပ္ပါယ်ထွက်နေပါတယ်။

NLD အနေနဲ့ မြန်မာနိုင်ငံမှာ ကျယ်ကျယ်ပြန့်ပြန့်ဖြစ်နေတဲ့ အစ္စလာမ်ကြောက်ရောဂါကို ဖြေရှင်းချင်တယ်၊ အားလုံးပူးပေါင်းပါဝင်တဲ့ ဒီမိုကရေစီစနစ်ကို တည်ဆောက်ချင်တယ်၊ ပြည်သူတွေ လူတန်းစေ့နေနိုင်ဖို့ လူမှုရေးနဲ့ စီးပွားရေးတိုးတက်မှုတွေကို စတင်ဆောင်ရွက်ချင်တယ်ဆိုရင်တော့ ၁၉၉၀ ပြည့်နှစ်နဲ့ ၂၀၀၀ ပြည့်နှစ်တွေမှာ  လူထု ခံစားခဲ့ရတဲ့ ဒုက္ခသုက္ခတွေရဲ့ အဓိကလက်သည်တရားခံတွေကို ကန့်လန့်ကာအပြင်ထုတ်ဖို့ ဆောင်ရွက်ရမှာဖြစ်ကြောင်းပါ။

(ယင်းဆောင်းပါးပါ အချက်လက်များသည် မကြာသေးခင်ကမှ ထုတ်ဝေခဲ့သော “Gendered Rumours and the Muslim Scapegoat in Myanmar’s Transition”,  Journal of Contemporary Asia (vol 47, no 3, 2017, 396-412) ကောက်နှုတ်ဖေါ်ပြထားခြင်းသာ ဖြစ်ပါသည်။)