သင်္ကန်းကိုခုတုံးလုပ်နေသူများ ပပျောက်ရန် ထိုင်းက သံဃာများကို စမတ်ကဒ်ထုတ်ပေးကာ ထိန်းချုပ်မည်

ဇူလိုင် ၁၅၊ ၂၀၁၇
M-Media

မူးယစ်ဆေးဝါးသုံးသည့် ဘုန်းကြီးတစ်ပါးကို ထိုင်းရဲတပ်ဖွဲ့က ဖမ်းဆီးထားစဉ်

– ဘုန်းကြီးတွေရဲ့ မူးယစ်ဆေးဝါးသုံးစွဲမှု၊ ရာဇ၀တ်မှုမှတ်တမ်းတွေကို နောက်ကြောင်းလိုက်နိုင်ဖို့အတွက် ထိုင်းနိုင်ငံက သံဃာတွေကို စမတ်ကတ်တွေထုတ်ပေးဖို့ စီစဉ်နေပြီး သင်္ကန်းဝန်တွေရဲ့ ကျဆင်းနေတဲ့ပုံရိပ်ကို ပြန်လည်ထိန်းသိမ်းဖို့ ထိုင်းအစိုးရရဲ့ ကြိုးပမ်းမှုတစ်ခု ဖြစ်ပါတယ်။

ဗုဒ္ဓဘာသာကို ထိန်းသိမ်းစောင့်ရှောက်သူတွေလို့ ထိပ်တန်းနေရာပေးခြင်းခံထားရတဲ့ သံဃာအရေအတွက်ဟာ ထိုင်းနိုင်ငံမှာ လက်ရှိ ၃ သိန်းဝန်းကျင်လောက် ရှိနေပါတယ်။ ဒါပေမယ့် ဘုန်းကြီးကျောင်းကို အကာအကွယ်ယူပြီး လိင်ကိစ္စ၊ မူးယစ်ဆေးဝါးကနေ လူသတ်မှုအထိ ထိပ်တန်းဘုန်းကြီးတွေကအစ ကျူးလွန်နေတာကို မကြာသေးမီကာလအတွင်းမှာ ဆက်တိုက် တွေ့လာခဲ့ရပါတယ်။

၂၀၁၄ ခုနှစ်မှာ အာဏာရလာတဲ့ လက်ရှိ ထိုင်းအစိုးရဟာ ထိုင်းနိုင်ငံက ဗုဒ္ဓဘာသာရဲ့ ပုံရိပ်ကို မြှင့်တင်ဖို့ ကြိုးစားနေပြီး စည်းမစောင့်တဲ့ ဘုန်းကြီးတွေက ပထမဆုံးပစ်မှတ်တွေ ဖြစ်လာပါတယ်။

“နိုင်ငံတစ်ဝှမ်းက ဘုန်းကြီးတွေဟာ သာမန် စာရွက်မှတ်ပုံတင်တွေကို ကိုင်ဆောင်ထားပြီး အချက်အလက်တွေက အရင်ကဟာတွေဖြစ်တဲ့အတွက် သူတို့ရဲ့ နောက်ကြောင်းကို ဆန်းစစ်ဖို့ ခက်ပါတယ်” လို့ ၀န်ကြီးချုပ်ရုံးက တာဝန်ရှိသူ Ormsin Chivapruck က မနေ့မှာ ပြောကြားခဲ့ပါတယ်။

အခုနောက်ပိုင်း သံဃာတွေကိုထုတ်ပေးမယ့် ဒစ်ဂျစ်တယ် စမတ်ကဒ်တွေဟာ ဘုန်းကြီးတစ်ပါးရဲ့ နောက်ကြောင်းသမိုင်း၊ သီတင်းသုံးရာကျောင်းတိုက်၊ ရာဇ၀တ်မှုမှတ်တမ်း ရှိ၊ မရှိ၊ မူးယစ်ဆေး သုံး၊ မသုံး စတဲ့ အချက်အလက်တွေကို အချိန်နဲ့တစ်ပြေးညီ နောက်ကြောင်းလိုက်နိုင်မှာပါ။

Chivapruck ကတော့ ဒါဟာ ‘ဘာသာတရားကို ခုတုံးလုပ်နေတဲ့ ဘုန်းကြီးတုတွေ၊ ဒါမှမဟုတ် တရားမ၀င်အလုပ်တွေလုပ်ပြီး သင်္ကန်းကိုအကာကွယ်ယူကာ ပုန်းကွယ်နေတဲ့ ဘုန်းကြီးတွေကို တားဆီးဖို့ ဖြစ်တယ်’ လို့ ထည့်သွင်းပြောကြားခဲ့ပါတယ်။

စမတ်ကဒ်တွေ ထုတ်ပေးမယ့်ကိစ္စ အသေးစိတ်နဲ့ပတ်သက်လို့ နောက်တစ်ပတ်မှာ ကျင်းပမယ့် ထိုင်း သံဃမဟာနာယက အစည်းအဝေးမှာ တင်ပြဖို့ရှိပါတယ်။

ဒါပေမယ့် ထိုင်းနိုင်ငံမှာ ဗုဒ္ဓဘာသာဝင်အမျိုးသားတွေဟာ အရွယ်ရောက်ရင် သီတင်းပတ်အနည်းငယ်လောက် ပဉ္ဇင်းတက်လေ့ရှိတာကြောင့် ဒီဆောင်ရွက်မှုဟာ ရှုပ်ထွေးမှုတွေ ရှိလာနိုင်ပါတယ်။

ထိုင်းသံဃနာယကအဖွဲ့က အမြင့်ဆုံးပုဂ္ဂိုလ်တွေဟာ သံဃာအဖွဲ့အစည်းအတွင်းမှာ ခြစားမှုကို တိုက်ဖျက်တာမျိုး မလုပ်နိုင်သလို၊ အပြောင်းအလဲလည်း မလုပ်နိုင်ဘူးလို့ ဝေဖန်သူတွေလည်း ရှိနေပါတယ်။

ဘုန်းကြီးကျောင်းတွေဟာ မသမာမှုတွေလုပ်နေတယ်လို့ သတင်းတွေ ထွက်လာပြီးနောက်ပိုင်း ထိုင်းအစိုးရက ဘုန်းကြီးကျောင်းပေါင်း ၄၆၀၀၀ လောက်ကို သူ့တို့ရဲ့ဘဏ္ဍာရေးနောက်ခံတွေ၊ ဘဏ်အကောင့်တွေ တင်ပြဖို့ အမိန့်ထုတ်ထားပါတယ်။

ထိုင်းသံဃာအဖွဲ့အစည်းမှာ မသမာမှုနဲ့ပတ်သက်ပြီး အကျော်ကြားဆုံးကိစ္စကတော့ ဘန်ကောက်မြို့ဆင်ခြေဖုံးက ဓမ္မကာယ ဧရာမဘုန်းကြီးကျောင်းဖြစ်ပြီး ကျောင်းထိုင်ဘုန်းကြီးဟာ ငွေကြေးခ၀ါခြမှုမှာ ပါဝင်တယ်ဆိုတဲ့ ကိစ္စနဲ့ အခုနှစ်အစောပိုင်းမှာ ထိုင်းလုံခြုံရေးတပ်ဖွဲ့တွေက ၀င်ရောက် စီးနင်းရှာဖွေရတဲ့အထိ ဖြစ်ခဲ့ပါတယ်။

Ref: CNA