ကြောင် ၂၀ ကျော် ဖမ်းဆီးသတ်ဖြတ်သူကို အမေရိကန်က ထောင် ၁၆ နှစ်ချ

ဇူလိုင် ၁၆၊ ၂၀၁၇
M-Media

– အမေရိကန်ပြည်ထောင်စု ကယ်လီဖိုးနီးယားပြည်နယ်မှာ ကြောင် ၂၁ ကောင်ကို သတ်ဖြတ်မှုနဲ့ အမျိုးသားတစ်ဦးကို ထောင်ဒဏ် ၁၆ နှစ်ချမှတ်ခဲ့ပြီး၊ ဒီအမျိုးသားဟာ သေဆုံးသွားတဲ့ကြောင်ကို လိင်ပိုင်းဆိုင်ရာ စော်ကားမှု ပြုလုပ်ခဲ့တယ်လို့လည်း စွပ်စွဲခံရထားပါတယ်။

အသက် ၂၆ နှစ်အရွယ် ရောဘတ် ရွိုင် ဖာမာဆိုသူဖြစ်ပြီး တိရစ္ဆာန်အပေါ် ရက်စက်ကြမ်းကြုပ်မှု စွဲချက် ၂၁ ခု အပါအ၀င် စုစုပေါင်း စွဲချက် ၂၃ ခုအတွက် အပြစ်ရှိကြောင်း ၀န်ခံခဲ့ပြီးနောက် သောကြာနေ့က ဆန်တာကလာရာကောင်စီ ဗဟိုတရားရုံးက ပြစ်ဒစ်ချမှတ်ခဲ့တာ ဖြစ်ပါတယ်။

ဆန်ဂျိုးစ်မြို့ ကမ်ဘရင်ပါခ့်ရပ်ကွက်က ကြောင်တွေဟာ ၂၀၁၅ ခုနှစ် စက်တင်ဘာလကတည်းက ပျောက်ဆုံးခဲ့ပြီး နောက်ပိုင်းမှာ သေဆုံးလျက် တွေ့ရှိခဲ့ပါတယ်။ အဲဒီစက်တင်ဘာလအတွင်းမှာပဲ လူဖြူတစ်ယောက်က အိမ်တစ်အိမ်မှာ ကြွက်နဲ့ ကြောင်ကိုမြားပြီး ဖမ်းပြေးသွားတာတဲ့ ပုံရိပ်ကို လုံခြုံရေးကင်မရာကနေ တွေ့ရှိခဲ့ရပါတယ်။

ရဲတပ်ဖွဲ့က စုံစမ်းစစ်ဆေးမှုအတွင်း ၂၀၁၅ ခုနှစ် အောက်တိုဘာ ၈ ရက်နေ့မှာ ကားထဲအိပ်နေတဲ့ ဖာမာကို စစ်ဆေးရာမှာ ကားထဲမှာ ကြိုးချည်ထားတဲ့ ကြောင်သေတစ်ကောင်၊ လက်အိတ်နဲ့ ဓားအိမ်ထဲထည့်ထားတဲ့ တောလိုက်ဓားပါဝင်တဲ့ ကျောပိုးအိတ်တွေကို တွေ့ခဲ့ရပါတယ်။

တရားရုံးကြားနာမှုအတွင်း တိရစ္ဆာန်ဝန်ဆောင်မှုဌာနက တင်ပြတဲ့ အစီရင်ခံစာမှာ ဖာမာဟာ ကားထဲမှာ ကြောင်သေတစ်ကောင်ကို လိင်ပိုင်ဆိုင်းရာ ကျူးလွန်ခဲ့တဲ့ လက္ခဏာကိုတွေ့ရတယ်လို့ ဖော်ပြထားပြီး၊ ဖြတ်တောက်ထားတဲ့ ကြောင်ရဲ့ လိင်အင်္ဂါတွေကိုလည်း သက်သေအဖြစ် တင်သွင်းခဲ့ပါတယ်။

ရာဇ၀တ်မှုဆိုင်ရာ ဓာတ်ခွဲခန်းကလည်း DNA စစ်ဆေးချက်တွေအရ ဖာမာဟာ ကြောင်ကို လိင်စော်ကားခဲ့တယ်လို့ အတည်ပြုခဲ့ပါတယ်။ ဒါပေမယ့် သူ့ရဲ့ ရှေ့နေကတော့ ကြောင်သေကို လိင်ပိုင်းဆိုင်ရာ စော်ကားတယ်ဆိုတဲ့ စွဲချက်ကို ငြင်းဆိုပါတယ်။

တရားသူကြီးက ကြောင်တွေကို ဖမ်းဆီးသတ်ဖြတ်မှုအတွက် ထောင်ဒဏ် ၁၆ နှစ်၊ ထောင်ကလွတ်ရင် ၁၀ နှစ်တိတိ ကြောင်တွေနဲ့ ဝေးဝေးနေဖို့ အမိန့်ချမှတ်ခဲ့ပါတယ်။ ဒါပေမယ့် လိင်ပိုင်းဆိုင်ရာကျူးလွန်သူအဖြစ် သတ်မှတ်ဖို့အတွက် လိုအပ်ချက်တွေနဲ့ ကိုက်ညီမှု မရှိဘူးလို့ ပြောကြားခဲ့ပါတယ်။

Ref: RT