ရိုဟင်ဂျာများအား လူကုန်ကူးမှုအတွက် အပြစ်ရှိသူများကို ထိုင်းက နှစ်ရှည်ထောင်ဒဏ်များ ချမှတ်

ဇူလိုင် ၂၀၊ ၂၀၁၇
M-Media

သံသယရှိသူ ၁၀၀ ကျော်မှာ ထိုင်းစစ်တပ်က ဒုတိယဗိုလ်ချုပ်ကြီး Manas Kongpaen၊ ဒေသတွင်း နိုင်ငံရေးသမားတွေ အပါအ၀င် လူ ၇၀ လောက် အပြစ်ရှိကြောင်း တွေ့ရှိခဲ့ရပြီး ဒုတိယဗိုလ်ချုပ်ကြီးကတော့ ထောင်ဒဏ် ၂၇ နှစ် ချမှတ်ခံခဲ့ရပါတယ်။

– ရခိုင်ပြည်နယ်က ရိုဟင်ဂျာတွေကို လူကုန်ကူးမှု၊ ဖမ်းဆီးပြန်ပေးဆွဲမှုတွေနဲ့ပတ်သက်ပြီး တာဝန်ရှိသူတွေကို ထိုင်းနိုင်ငံက နှစ်ရှည်ထောင်ဒဏ်တွေ ယမန်နေ့မှာ ချမှတ်လိုက်ပါတယ်။

သံသယရှိသူ ၁၀၀ ကျော်မှာ ထိုင်းစစ်တပ်က ဒုတိယဗိုလ်ချုပ်ကြီး Manas Kongpaen၊ ဒေသတွင်း နိုင်ငံရေးသမားတွေ အပါအ၀င် လူ ၇၀ လောက် အပြစ်ရှိကြောင်း တွေ့ရှိခဲ့ရပြီး ဒုတိယဗိုလ်ချုပ်ကြီးကတော့ ထောင်ဒဏ် ၂၇ နှစ် ချမှတ်ခံခဲ့ရပါတယ်။

ဘန်ကောက် ရာဇ၀တ်မှုဆိုင်ရာ တရားရုံးက Manas Kongpaen ဟာ နိုင်ငံဖြတ်ကျော် ရာဇ၀တ်ဂိုးဏ်ကွန်ယက်မှာ ပါဝင်ပတ်သက်မှု၊ လူကုန်ကူးမှုအတွက် အခြားသူတွေနဲ့ ပူးပေါင်းဆောင်ရွက်မှုတွေမှာ အပြစ်ရှိကြောင်း တွေ့ရှိရတယ်လို့ ဆိုပါတယ်။ ဗိုလ်ချုပ်ကြီးဟာ မြန်မာနိုင်ငံနဲ့ ဘင်္ဂလားဒေ့ရ်ှက ရွှေ့ပြောင်းလုပ်သားတွေနဲ့
ပတ်သက်လို့ လူကုန်ကူးမှု၊ လာဘ်ယူမှုတွေအတွက်လည်း တာဝန်ရှိခဲ့သူ ဖြစ်ပါတယ်။

ဒီလူကုန်ကူးမှုမှာ အခရာကျတယ်လို့ ယူဆထားသူ ထိုင်းတောင်ပိုင်းက နာမည်ကြီး စီးပွားရေးနဲ့ နိုင်ငံရေးသမား Pajjuban Aungkachotephan ဟာ ထောင်ဒဏ် ၇၅ နှစ်ချမှတ်ခံရပြီး၊ မြို့တော်ဝန်ဟောင်း Bannakong Pongphol ကတော့ ထောင်ဒဏ် ၇၈ နှစ် ချမှတ်ခံခဲ့ရပါတယ်။

မနေ့က ကြားနာမှုအတွင်း အမြင့်ဆုံးပြစ်ဒဏ်ကို ကျခံခဲ့ရသူက အန်ဝါရ်လို့ သိကြတဲ့ မြန်မာနိုင်ငံက ရိုဟင်ဂျာအမျိုးသား စိုးနိုင်ဆိုသူဖြစ်ပြီး ထောင်ဒဏ် ၉၄ နှစ် ကျခံရမှာဖြစ်ပါတယ်။ သူဟာ ရိုဟင်ဂျာတွေကို လူကုန်ကူးတဲ့လုပ်ငန်း၊ မလေးရှားကို ပို့ပေးဖို့အတွက် ပြန်ပေးဆွဲထားပြီး ငွေညှစ်တဲ့လုပ်ငန်းမှာ ဦးဆောင်နေသူ ဖြ
စ်ပါတယ်။

၂၀၁၅ ခုနှစ် ထိုင်းတောင်ပိုင်းကတောထဲ လူကုန်ကူးသမားတွေ စခန်းချရာ နေရာလို့ ယူဆတဲ့ နေရာတွေမှာ ရိုဟင်ဂျာတွေကို အစုလိုက်အပြုံလိုက် မြှုပ်နှံထားတဲ့ နေရာတွေကို တွေ့ခဲ့ရပြီးတဲ့နောက် ထိုင်းအစိုးရက ဖမ်းဆီးမှုတွေ ပြုလုပ်ခဲ့တာပါ။

ဖမ်းဆီးထားတဲ့ လူ ၁၀၀ ကျော်မှာ မြန်မာနိုင်ငံသားတွေ၊ ထိုင်း ရဲတပ်ဖွဲ့နဲ့ စစ်တပ်က တာဝန်ရှိသူတွေ၊ ဒေသတွင်း နိုင်ငံရေးသမားတွေ ပါဝင်ပြီး ကြားနာမှုတွေကို အခုနှစ်အစောပိုင်းမှာ စတင်ခဲ့ပါတယ်။

ကြားနာမှုတွေနဲ့ အမိန့်ချမှုတွေကို ဒီနေ့မှာ ဆက်လက်ပြုလုပ်သွားမှာဖြစ်ပြီး ထိုးအစိုးရရဲ့ ဒီလိုဆောင်ရွက်ချက်တွေကို လူ့အခွင့်အရေးအဖွဲ့တွေက ချီးကျူးခဲ့ပါတယ်။

Ref: Bangkokpost, Nwe Straits times