လာရှိုးမြို့ အခမဲ့ဆေးခန်းအတွက် အစ္စလာမ်ဘာသာဝင်များမှ သိန်း ၁၇၀ တန် ကျောက်ကပ်ရေသန့်စက် လှူဒါန်း

ဇူလိုင် ၂၂၊ ၂၀၁၇
M-Media
မိုးစက်

လာရှိုးမြို့နယ်မှာရှိတဲ့ အခမဲ့ဆေးခန်းအတွက် ကျောက်ကပ်ဆေးရာတွင် အသုံးပြုသည့် ရေသန့်စက် (၁) လုံးကို လာရှိုးမြို့ အစ္စလာမ်ဘာသာဝင်များ သာရေးနာရေးကူညီမှုအသင်းက လှူဒါန်းခဲ့ပါတယ်။

“ကျောက်ကပ်ဆေးတဲ့စက်ကတော့ အလှူရှင်တစ်ဦးတည်းက လှူထားတာပါ။ ကျောက်ကပ်ဆေးဖို့ စက်က ၄ လုံးရှိပါတယ်။  ကျောက်ကပ်ဆေးဖို့အတွက် ရေသန့်စက်ကလည်း မရှိမဖြစ် အရေးကြီးတယ်လေ။ အကုန်လုံး အဆင်ပြေဖို့အတွက် ကျွန်တော်တို့အဖွဲ့ရယ် မန္တလေးက အလှူရှင်အချို့ရယ် ပေါင်းပြီးတော့ လှူဒါန်းဖြစ်ခဲ့တာပါ” လို့ သာရေးနာရေး အဖွဲ့ဝင် တစ်ဦးဖြစ်တဲ့ ဒေါက်တာ တင်အောင် ကဆိုပါတယ်။

ရေသန့်စက် (၁) လုံးတန်ဖိုးမှာ သိန်း (၁၇၀) တန်ဖိုးရှိပြီး အဆိုပါဆေးခန်းမှာ လူမျိုးဘာသာမရွေး ရောဂါမရွေး အခမဲ့ကုသနိုင်သည့် နေရာဖြစ်ပါတယ်။ သက်တမ်းအားဖြင့်လည်း ဆယ်နှစ်ကျော် ရှိနေပြီဖြစ်ကြောင်း သိရပါတယ်။

လာရှိုး သာရေးနာရေးကူညီမှုအသင်းမှာလည်း သဘာဝဘေးအန္တရယ်များ၊ ကျန်းမာရေး၊ လူမှုရေး နယ်ပယ်များမှာ လိုအပ်သည့်နေရာများကို လိုက်လံ လှူဒါန်းနေသည့် အဖွဲ့တစ်ခုလည်း ဖြစ်ပါတယ်။

ဓါတ်ပုံ- ဦးစိန်ဝင်း