ကမ္ဘာ့အကြီးဆုံးကျောက်ကပ် ခွဲထုတ်မှုအတွက် ယူအေအီးဆေးရုံတစ်ခု ဂင်းနစ်မှတ်တမ်းဝင်

ဇူလိုင် ၂၃၊ ၂၀၁၇
M-Media

– အာရပ်စော်ဘွားများပြည်ထောင်စု (ယူအေအီး) နိုင်ငံက Dubai Hospital ဆေးရုံဟာ ကမ္ဘာ့အကြီးဆုံး ကျောက်ကပ်ကို ခွဲထုတ်ပေးခဲ့တဲ့အတွက် ဂင်းနစ်စံချိန်မှာ မှတ်တမ်းဝင်ခဲ့တယ်လို့ သိရပါတယ်။

အသက် ၅၆ နှစ်အရွယ် အဟ်မဒ် စအစ်ဆိုတဲ့ အမျိုးသားဆီက ၁၃ ကီလိုဂရမ်အလေးချိန်ရှိတဲ့ ကျောက်ကပ်ကို ခွဲထုတ်ခဲ့ရတာပါ။ အဲဒီအရွယ်အစားဟာ ၁၅၀ ဂရမ်သာရှိတဲ့ သာမန် ကျောက်ကပ်ထက် အဆ ၄၀ ပိုကြီးနေတာဖြစ်ပါတယ်။

ခွဲစိပ်မှုကို ဦးဆောင်ခဲ့တဲ့ ဆေးရုံရဲ့ ဆီးဘက်ဆိုင်ရာဌာန အကြီးအကဲ ဒေါက်တာ ဖာရီဘော့ဇ် ဘဂ်ဟီရီက မစ္စတာ စအစ်ဟာ မျိုးရိုးဗီဇ မူမမှန်မှုကြောင့် Polycystic Kidney Disease လို့ခေါ်တဲ့ ကျောက်ကပ်အရွယ်အစားကြီးတဲ့ ရောဂါကို မွေးဖွားစဉ်ကတည်းက ခံစားခဲ့ရတာဖြစ်ပြီး သတမ်းတစ်လျှောက်လုံး ကျောက်ကပ်ဆေးပြီး နေထိုင်လာခဲ့ရတာဖြစ်တယ်လို့ ဆိုပါတယ်။

သာမန် ကျောက်ကပ်တစ်လုံးရဲ့ အရွယ်အစားဟာ ၁၂ စင်တီမီတာသာရှိပေမယ့် စအစ်ဆီက ခွဲထုတ်လုပ်လိုက်တဲ့ ကျောက်ကပ်က တစ်ခုကို ၃၄ စင်တီမီတာရှိပြီး အချင်းက ၁၇ စင်တီမီတာ ရှိပါတယ်။ ဘယ်ဖက်ကျောက်ကပ်ရဲ့ အလေးချိန်က ၆.၁ ကီလိုဂရမ်ရှိကာ၊ ညာဘက်ကျောက်ကပ်ကတော့ ၆.၆ ကီလိုဂရမ်ရှိပါတယ်။ ညာဘက်ကျောက်ကပ်ဟာ အရည်စစ်သွားတဲ့အချိန်မှာ ၂.၂၅ ကီလိုဂရမ်ရှိပြီး ဆေးရုံရဲ့ ခန္ဓာဗေဒဌာနမှာ သိမ်းဆည်းထားပါတယ်။

ဂင်းနစ်မှတ်တမ်းဝင်တဲ့ကျောက်ကပ်ကတော့ ညဘက်ကျောက်ကပ်ဖြစ်ပြီး နောက်ဆုံးစံချိန်ဖြစ်တဲ့ ၂.၂၄ ကီလိုဂရမ်ထက်ကို ၂ ဆလောက် ပိုကြီးနေတာဖြစ်ပါတယ်။

ဒူဘိုင်းက ကမ္ဘာ့ဂင်းနစ်မှတ်တမ်းဆိုင်ရာ အကြီးအကဲ တာလာလ်အိုမာရ်က မိမိတို့အနေနဲ့ ဒီကိစ္စ စာရင်းသွင်းဖို့အတွက် လပေါင်းများစွာကြာ ဆေးဘက်မှတ်တမ်းတွေကို ရှာဖွေဖတ်ရှုခဲ့ရကြောင်း၊ အခုအချိန်မှာ တွက်ချက်မှု ပြီးဆုံးသွားပြီဖြစ်ပြီး ဒူဘိုင်းက ကမ္ဘာ့အကြီးဆုံး ကျောက်ကပ်ခွဲစိပ်ပေးတဲ့ စံချိန်ကို ရရှိသွားကြောင်း ပြောကြားခဲ့ပါတယ်။

Ref: Alarabiya