လေစွမ်းအင်သုံး ရေပေါ်ဓာတ်အားပေးလုပ်ငန်းကို စကော့တလန်တွင် ပထမဆုံး စမ်းသပ်

ဇူလိုင် ၂၄၊ ၂၀၁၇
M-Media

– ပင်လယ်ပြင်မှာတိုက်ခတ်တဲ့ လေအားကို အသုံးချကာ လျှပ်စစ်ဓာတ်အားထုတ်လုပ်တဲ့ လုပ်ငန်းကို စကော့တလန် အရှေ့မြောက်ပိုင်းက ကမ်းရိုးတန်းမှာ စတင်စမ်းသပ်နေပြီး လေစွမ်းအင်သုံး ကမ္ဘာ့ပထမဆုံး ရေပေါ်ဓာတ်အားပေးစနစ်လည်း ဖြစ်ပါတယ်။

ရေနက်တဲ့နေရာမှာ လေယဟတ်ပါတဲ့ တာဝါတိုင်ထောင်ကာ တာဘိုင်ကို ရေအောက်မှာမြှုပ်ပြီး ကြိုးနဲ့ ဓာတ်အားသွယ်ယူတဲ့ ဒီနည်းပညာကို Statoil ကုမ္ပဏီက လွန်ခဲ့တဲ့ နှစ်အနည်းငယ်ကတည်းက စမ်းသပ်ခဲ့တာဖြစ်ပြီး နေအိမ်ပေါင်း ၂၀၀၀၀ လောက်ကို မီးပေးနိုင်မယ့် အခုရေပေါ်ဓာတ်အားပေးလုပ်ငန်းကြီးကိုတော့ Hywind လို့ အမည်ပေးထားပါတယ်။

ကုမ္ပဏီက သူတို့ရဲ့ လေစွမ်းအင်သုံး ရေပေါ်ဓာတ်အားပေးစနစ်ဟာ ကုန်းပေါ်မှာ အသုံးပြုနေတဲ့ လေစွမ်းအင်သုံး ဓာတ်အားပေးစနစ်ထက် ပိုပြီး ဓာတ်အားထုတ်လုပ်နိုင်မယ်လို့ ယူဆနေကာ ဂျပန်နဲ့ အမေရိကန် အနောက်ဖက်ကမ်းရိုးတန်းလို ရေနက်တဲ့နေရာတွေရှိတဲ့ ဒေသတွေမှာ ဒီနည်းပညာ ဖွံ့ဖြိုးလာမယ်လို့လည်း မျှော်လင့်နေပါတယ်။

“ပင်လယ်ပြင်ကြီးထဲမှာ အလုပ်လုပ်နိုင်အောင်လို့ ဖော်ဆောင်ထားတဲ့ နည်းပညာစီမံကိန်းပါ။ လေစွမ်းအင်သုံး ရေပေါ် ဓာတ်အားပေးနည်းလမ်းအတွက် ဒါဟာ အပြောင်းအလဲ ဖြစ်မှာဖြစ်ပြီး ကုန်ကျစားရိတ် သက်သာဖို့ ကျွန်တော်တို့ ဆောင်ရွက်သွားမှာပါ” လို့ Hywind ရဲ့ စီမံကိန်းဒါရိုက်တာ လီအစ် ဒဲလ်ပ်က ပြောကြားခဲ့ပါတယ်။

လက်ရှိ ဒီစနစ်မှာအသုံးပြုတဲ့ တာဘိုင်တွေဟာ ဈေးတော်တော်ကြီးနေပေမယ့် Statoil ကတော့ တာဘိုင်ထုတ်လုပ်မှုစားရိတ်ကို အနာဂတ်မှာ သိသိသာသာ လျှော့ချနိုင်လိမ့်မယ်လို့ ယုံကြည်နေပါတယ်။

လေယဟတ်က အရွက်တစ်ခုစီဟာ ၇၅ မီတာ ရှည်ပြီး Airbus လေယာဉ်ရဲ့ တောင်ပံတစ်ဖြန့်စာရှိပါတယ်။ တာဘိုင်တွေကတော့ ရေအနက် တစ်ကီလိုမီတာလောက် ရောက်တဲ့အထိ အလုပ်လုပ်နိုင်မှာပါ။ တာဝါတိုင်တစ်ခုလုံးရဲ့ အလေးချိန်က တန်ပေါင်း ၁၁၅၀၀ ရှိပါတယ်။ ရေပေါ်မှာ တာဝါတိုင်ငြိမ်စေဖို့အတွက် စတီးကြိုးကြီးတွေမှာ အလေးချီပြီး ပင်လယ်အောက်ကြမ်းပြင်မှာ ကျောက်ချထားပါတယ်။

ဒါပေမယ့် စတော့တလန်က ငှက်စောင့်ရှောက်ရေးအဖွဲ့ RSPB Scotland ကတော့ ဒီလေရဟတ်တွေကြောင့် ငှက်တွေ ထောင်ချီသေနိုင်တယ်ဆိုပြီး ဒီနည်းပညာကို ကန့်ကွက်ထားပါတယ်။

ကမ္ဘာကြီးပူနွေးလာမှုကြောင့် ကာဘွန်ထုတ်လွှတ်မှုကိုလျှော့ချရေးမှာ လေစွမ်းအင်သုံး ဓာတ်အားပေးစက်ရုံတွေလို ပြည့်ဖြိုးမြဲ စွမ်းအင်ရင်းမြစ်တွေက အခုနောက်ပိုင်းမှာ ခေတ်စားလာခဲ့ပါတယ်။

Ref: BBC