အမေရိကန်တစ်ခုလုံးကို တိုက်ခိုက်နိုင်စွမ်းရှိနေပြီဟု မြောက်ကိုရီးယား သတိပေး

ဇူလိုင် ၂၉၊ ၂၀၁၇
M-Media

– ယမန်နေ့က အောင်မြင်စွာ စမ်းသပ်နိုင်ခဲ့သည့် တိုက်ချင်းပစ်ဒုံးကျည်မှာ အမေရိကန်အတွက် ‘ပြင်းထန်သော သတိပေးချက်’ ဖြစ်ပြီး အမေရိကန်တစ်ခုလုံးကို မိမိတို့က တိုက်ခိုက်နိုင်ကြောင်း သက်သေပြလိုက်ခြင်း ဖြစ်သည်ဟု မြောက်ကိုရီးယားက ပြောကြားလိုက်သည်။

Hwasong-14 ဟုအမည်ပေးထားသည့် အဆိုပါဒုံးကျည်မှာ ပျံသန်းချိန် ၄၇ မိနစ်ရှိပြီး အမြင့် ၃၇၂၄ ကီလိုမီတာ (၂၃၀၀ မိုင်) သို့ ရောက်ရှိခဲ့သည်ဟု မြောက်ကိုရီးယားနိုင်ငံပိုင်သတင်းဌာနက ကြေငြာခဲ့သည်။ ဇူလိုင်လ ၃ ရက်နေ့ကလည်း မြောက်ကိုရိးယားမှာ အဆိုပါဒုံးကျည်ကို စမ်းသပ်ပစ်လွှတ်ခဲ့ပြီး ယခုစမ်းသပ်မှုမှာ ၃ ပတ်အတွင်း ပထမဆုံး ဖြစ်သည်။

အမေရိကန်သမ္မတ ဒေါ်နယ်ထရမ့်က အဆိုပါပစ်လွှတ်မှုမှာ မြောက်ကိုရီးယားအစိုးရ၏ အဆင်ခြင်မဲ့သော၊ အန္တရာယ်ရှိသော လုပ်ရပ်ဖြစ်သည်ဟု ပြောကြားခဲ့သည်။

တရုတ်နိုင်ငံက ထိုလုပ်ရပ်ကို ရှုတ်ချခဲ့သော်လည်း ပါဝင်ပတ်သက်သူ အားလုံးအနေဖြင့် ထိန်းချုပ်ရမည်ဖြစ်ပြီး တင်းမာမှုများ မြင့်တက်မည့်အနေအထားကို ရှောင်ကျဉ်ရမည်ဟု ပြောကြားခဲ့သည်။

“အမေရိကန်ပြည်မကြီးရောက်အောင် တိုက်ခိုက်နိုင်စွမ်းရှိပြီဆိုတာကို ဒီ စမ်းသပ်မှုက သက်သေပြလိုက်တာပါပဲလို့ ခေါင်းဆောင်ကြီးက ဂုဏ်ယူစွာ ပြောကြားခဲ့ပါတယ်” ဟု မြောက်ကိုရီးယား သတင်းဌာနက ကြေငြာခဲ့သည်။

ဂျပန်ပင်လယ်ပြင်သို့ ကျသွားခဲ့သည့် မြောက်ကိုရီးယား၏ ထိုစမ်းသပ်မှုကို တုန့်ပြန်သည့်အနေဖြင့် အမေရိကန်နှင့် တောင်ကိုရီးယား စစ်တပ်များက မြေပြင်မှ မြေပြင်ပစ် ဒုံးကျည်စနစ်ကို ကျည်အစစ်အများအသုံးပြုကာ ပစ်ခတ်လေ့ကျင့်ခဲ့သည်ဟု အမေရိကန် ကာကွယ်ရေးတာဝန်ရှိသူတစ်ဦးက ပြောကြားခဲ့သည်။

Ref: BBC