စင်ကာပူသမ္မတရာထူးအတွက် လွှတ်တော်ဥက္ကဌ မွတ်စလင်အမျိုးသမီး ၀င်ပြိုင်ရန် ရှိနေ

ဇူလိုင် ၂၉၊ ၂၀၁၇
M-Media

– အာပေးထောက်ခံမှုများ ရှိနေသော်လည်း သမ္မတနေရာအတွက် ၀င်ရောက် အရွေးခံရမည်လားဆိုသည်ကို စဉ်းစားနေဆဲဖြစ်သည်ဟု စင်ကာပူလွှတ်တော်ဥက္ကဌ မွတ်စလင်အမျိုးသမီး ဟာလီမာဟ် ယာကွဘ်က ပြောကြားလိုက်သည်။

“ထောက်ခံအားပေးမှုတွေ ရတဲ့အတွက် ကျွန်မအရမ်းကို ဂုဏ်ယူရပါတယ်။ ဒါပေမယ့် အကြံအဉာဏ်ရယူမှုတွေ ထပ်ပြီး လိုအပ်ပါသေးတယ်” ဟု သူမက ယနေ့တွင်ပြုလုပ်သည့် ဘာသာပေါင်းစုံမှ အမျိုးသမီးခေါင်းဆောင်များ တွေ့ဆုံပွဲတွင် ပြောကြားခဲ့သည်။

ယခုနှစ်တွင်ပြုလုပ်မည့် စင်ကာပူသမ္မတရွေးကောက်ပွဲအတွက် သမ္မတတာဝန်ယူရန် အလှည့်ကျသည့် လူ့အဖွဲ့အစည်းမှာ မလေးလူ့အဖွဲ့အစည်းဖြစ်ပြီး လက်ရှိ လွှတ်တော်ဥက္ကဌအဖြစ် တာဝန်ထမ်းဆောင်နေသည့် ဟာလီမာယာကွဘ်မှာ ထိုနေရာအတွက် ရေပန်းအစားဆုံးဖြစ်နေသည်။

သူမမှာ အစ္စလာမ်ဘာသာဝင် မလေးမိခင်နှင့် အစ္စလာမ်ဘာသာဝင် အိန္ဒိယဖခင်တို့မှ မွေးဖွားလာသူဖြစ်သည်။

ယခုသီတင်းပတ်အစောပိုင်းတွင် စင်ကာပူ Yahoo သတင်းဌာနက ဟာလီမာယကွတ်မှာ သမ္မတအဖြစ် ၀င်ရောက်အရွေးခံရန် စိတ်ပိုင်းဖြတ်ထားပြီးဖြစ်သည်ဟု သူမနှင့် နီးစပ်သည့် သတင်းရင်းမြစ်တစ်ခုကို ကိုးကား၍ ဖော်ပြခဲ့သည်။

“မလေးလူ့အဖွဲ့အစည်းဝင် တစ်ဦးအဖြစ် လူ့အဖွဲ့အစည်းကော်မတီဆီကနေ ကျွန်မ ထောက်ခံချက် ၄ ခါ ရရှိထားပါတယ်။ ဆုံးဖြတ်ရမှာက ဒီကော်မတီရဲ့အလုပ် ဖြစ်ပါတယ်”

အန်-နဒ်ဟာဗလီဝတ်ကျောင်းတော် သဟဇာတဖြစ်ရေးစင်တာတွင် ပြုလုပ်ခဲ့သည့် ယနေ့တွေ့ဆုံပွဲကို စင်ကာပူ မွတ်စလင်အမျိုးသမီးအသင်းက စီစဉ်ကျင်းပခြင်းဖြစ်ပြီး ဘာသာပေါင်းစုံအဖွဲ့မှ လူငယ်များ၊ စင်ကာပူ တာအိုဝါဒအသင်းမှ ကိုယ်စားလှယ်များ၊ YWCA မှ အဖွဲ့ဝင်များ တက်ရောက်ခဲ့ကြကာ အစ္စလာမ့်နှင့် မလေးယဉ်ကျေးမှုများကို လေ့လာခဲ့ကြသည်။

Ref: CNA