လေယာဉ်ဖောက်ခွဲရန် ကြံစည်မှုတစ်ခုကို သြစတေးလျ ဖော်ထုတ်

ဇူလိုင် ၃၀၊ ၂၀၁၇
M-Media

– လက်လုပ်ဖောက်ခွဲရေးပစ္စည်းဖြင့် လေယာဉ်တစ်စင်းကို ဖျက်ချရန် ဆောင်ရွက်မည့် အကြမ်းဖက်ရန် ကြံစည်မှုတစ်ခုကို ဖော်ထုတ်နိုင်ခဲ့သည်ဟု သြစတေးလျ အာဏာပိုင်များက ယနေ့တွင် ပြောကြားလိုက်သည်။

ယမန်နေ့က ဆစ်ဒနီတွင် ပြုလုပ်ခဲ့သည့် စီးနင်းမှုများအတွင်း ထိုကိစ္စနှင့်ပတ်သက်၍ လူ ၄ ဦးကို ဖမ်းဆီးခဲ့ပြီး ၀န်ကြီးချုပ် မဲလ်ကွန် တန်ဘူးလ်က အဆိုပါကြံစည်မှုမှာ တစ်ဦးတည်းထက် လူအများ ပူးပေါင်းကြံစည်ပုံရပြီး နိုင်ငံတစ်ဝှမ်းရှိ ပြည်တွင်းနှင့် နိုင်ငံတကာလေဆိပ်များကို လုံခြုံရေး တိုးမြှင့်ချထားလိုက်သည်ဟု ပြောကြားခဲ့သည်။

သို့သော်လည်း ထိုကြံစည်မှုမှာ ပြည်တွင်း သို့မဟုတ် နိုင်ငံတကာလေကြောင်းလိုင်း စသဖြင့် မည်သည့်လေကြောင်းခရီးစဉ်အား ပစ်မှတ်ထားသည်လားဆိုသည်ကို အာဏာပိုင်များက ပြောကြားခဲ့ခြင်းမရှိဘဲ Daily Telegraph သတင်းစာက ပြည်တွင်းလေကြောင်းလိုင်း ဖြစ်သည်ဟု ဆိုသည်။

သြစတျေးလျ ပြည်ထောင်စု ရဲတပ်ဖွဲ့ ကော်မရှင်နာမင်းကြီး အန်ဒရူး ကိုလ်ဗင်က အဆိုပါ ကြံစည်မှုမှာ ‘အစ္စလာမ့်မစ်များကို အားကျသော’ ကြံစည်မှုဖြစ်ကြောင်း၊ မိတ်ဖက်အဖွဲ့အစည်းများထဲမှ ခိုင်မာသည့် သတင်းအချက်အလက်များကို ရရှိခဲ့ကြောင်း ပြောကြားခဲ့ပြီး ဖမ်းဆီးခံထားရသူများမှာ စောင့်ကြည့်စာရင်းတွင် ပါဝင်လားဆိုသည်ကို ပြောဆိုခဲ့ခြင်းမရှိချေ။

ABC သတင်းဌာနက စနေနေ့တွင် ပြုလုပ်ခဲ့သော စီးနင်းဖမ်းဆီးမှုအတွင်း လက်လုပ်ဗုံးတစ်ခု ပြုလုပ်ရာတွင် အသုံးပြုနိုင်သည့် ပစ္စည်းမျာကို တွေ့ရှိခဲ့ကြောင်း၊ ၎င်းတို့မှာ အဆိုပါဗုံးကို လေယာဉ်ပေါ်သို့ ခိုးသယ်ပြီး ဖောက်ခွဲရန် ကြံစည်နေသည်ဟု အာဏာပိုင်များက ယုံကြည်နေကြောင်း ထည့်သွင်းဖော်ပြခဲ့သည်။

Ref: CNA