အီဒရစ် နိုစရာတီ (သို့မဟုတ်) လီဗာပူးလ်မြို့မှ မွတ်စလင်သူရဲကောင်း

ဇူလိုင် ၃၀၊ ၂၀၁၇
M-Media

လူဖြူများအား တိုက်ခိုက်နေသည့် လူ ၃ ဦးကို ရဲလက်အပ်နိုင်ခဲ့သည့် အီဒရစ်

– လီဗာပူးလ်မြို့တစ်ဝှမ်း လျှောက်သွားပြီး ခရစ်ယာန်လို့ ပြောတဲ့သူတိုင်းကို တိုက်ခိုက်ဖို့လုပ်တဲ့ လူငယ် ဂိုဏ်းတစ်ခုကို လိုက်ဖမ်းတဲ့အချိန် ဘယ်လောက်အထိ စိုးရိမ်ကြောက်ရွံ့စိတ်တွေ ရှိခဲ့လဲဆိုတာကို အသင့်စား စားသောက်ဆိုင်ပိုင်ရှင် အီဒရစ် နိုစရာတီက ပြန်ပြောင်း ပြောကြားခဲ့ပါတယ်။

သူငယ်ချင်းတွေနဲ့ ညထွက်လည်ပြီး အိမ်အပြန်လမ်းမှာ အီဒရစ်ဟာ လူ ၃ ဦးက လမ်းလျှောက်နေတဲ့ လူဖြူစုံတွဲကို တိုက်ခိုက်နေတာ တွေ့မြင်ခဲ့ပါတယ်။

“သူတို့ကို ကျွန်တော် ကာကွယ်ပေးချင်တယ်။ ဒါ့ကြောင့် ကျွန်တော်သွားပြီး ‘မင်းတို့ဘာလုပ်နေတာလဲ’လို့ ပြောခဲ့ပါတယ်” လို့ အသက် ၃၅ နှစ်အရွယ် အီဒရစ်က ဆိုပါတယ်။

“သူတို့က ကျွန်တော့်ကို မွတ်စလင်လားလို့မေးတယ်။ ကျွန်တော်က ဘာလို့လဲလို့ ပြောတဲ့အခါ အဲဒီလူက ‘ငါ့မေးတာဖြေပါ’ လို့ ပြောတယ်။ ကျွန်တော်မွတ်စလင်ဖြစ်ကြောင်း ပြောလိုက်တဲ့အခါ သူက ‘မွတ်စလင်တွေသိတဲ့ စကားတစ်ခွန်း’ ပြောလို့ ပြောပါတယ်”

အဲဒီနောက်မှာတော့ မစ္စတာ အီဒရစ်က အစ္စလာမ့်သက်သေခံချက်ဖြစ်တဲ့ ‘အလ္လာဟ်အရှင်မြတ်မှတစ်ပါး အခြား ခ၀ပ်ကိုးကွယ်ရာမရှိ၊ တမန်တော်မုဟမ္မသခင်သည် အလ္လာအရှင်မြတ်၏ တမန်တော်ဖြစ်သည်’ လို့ ဆိုပြခဲ့ပါတယ်။

IS အကြမ်းဖက်သမားတွေဟာ ဖမ်းဆီးထားသူတွေကို မသတ်ခင် ဒီလိုမေးမြန်းလေ့ရှိပြီး၊ အီဒရ်စတစ်ယောက် ဒီလိုမေးမြန်းခံခဲ့ရတဲ့အချိန်မှာ သူ့အနေနဲ့ IS ထောက်ခံသူတွေနဲ့ ရင်ဆိုင်နေရပါလားဆိုတဲ့ စိုးရိမ်စိတ်တစ်ခုဝင်လာခဲ့ပါတယ်။

” ‘မင်း မွတ်စလင်လား ခရစ်ယာန်လား’ လို့ သူတို့က မေးတယ်။ ခရစ်ယာန်လို့ဖြေရင်တော့ သူတို့ဟာ အဲဒီလူတွေကို ထိုးနှက်ကြပါတယ်။ ဒီလိုမျိုး ကျွန်တော် တစ်ခါမှ မမြင်ဖူးပါဘူး” လို့ အီဒရစ်က သူရင်ဆိုင်ခဲ့ရတဲ့ လူ ၃ ဦးအကြောင်းကို ပြောကြားခဲ့ပါတယ်။

အဲဒီအုပ်စုက သူတို့လုပ်နေတာတွေကို ၀င်မရှုပ်ဖို့ အီဒရစ်ကို သတိပေးခဲ့ပြီး ထွက်သွားခဲ့ပါတယ်။ အီဒရစ်ဟာ နောက်ကလိုက်သွားပြီး ဒီလူတွေ နောက်ထပ်တစ်ယောက်ကို ထိုးနှက်တဲ့အချိန်မှာ အီဒရစ်က ရဲကို ဖုန်းဆက်ခေါ်ခဲ့ပါတယ်။

နောက်ထပ် ၆ ယောက်လောက် ထိုးနှက်ခံရပြီးတဲ့နောက်ပိုင်း ရဲလာတဲ့အချိန်မှာ အဲဒီလူရမ်းကားအုပ်စုထဲက အသက် ၁၉ နှစ်အရွယ် ဖာရူက် ပတေးလ်ဆိုသူက သူတို့ရဲ့ ထိုးကြိမ်မှုကို ရိုက်ကူးထားတဲ့ ဖုန်းထဲက ဗီဒီယိုတွေကို ဖျက်ဖိုးကြိုးစားခဲ့ပြီး၊ အီဒရစ်က သက်သေပျောက်မှာဆိုးတဲ့အတွက် ဒီလူငယ်ကို ၀င်လုံးခဲ့ပါတယ်။

အပြန်အလှန်လုံးထွေးမှုအတွင်း အီဒရစ်ဟာ မျက်နှာကို ထိုးနှက်ခံခဲ့ရပြီး နောက်ဆုံးမှာ ဒီလူကို မြေပြင်ပေါ်လှဲချကာ ချုပ်ထားနိုင်ခဲ့ပါတယ်။

“နောက်ဆုံးမှာတော့ ကျွန်တော် မိုဘိုင်းဖုန်းကို ရခဲ့ပြီး ရဲလက်အပ်နိုင်ခဲ့ပါတယ်”

ဒီမိုဘိုင်းဖုန်း၊ မစ္စတာ အီဒရစ်ရဲ့ ထွက်ချက်တွေက ဒီလူရမ်းကား ၃ ဦးကို တရားစွဲဆိုရေးမှာ အထောက်အကူဖြစ်စေခဲ့ပြီး အသက် ၂၄ နှစ်အရွယ် အေမင် မိုဟာမက်ဟာ ပြီးခဲ့တဲ့ ဗုဒ္ဓဟူးနေ့မှာ ထောင်ဒဏ် ၄၂ ပတ် ကျခံခဲ့ရပါတယ်။ အသက် ၂၀ အရွယ် မိုဟာမက် ပက်တေးလ်ဟာ လူငယ်ထိန်းသိမ်းရေစခန်းမှာ ၄၂ ပတ် နေရမှာဖြစ်ပြီး၊ ဖာရူက်ကတော့ ၁၈ ပတ် နေရမှာ ဖြစ်ပါတယ်။

လွန်ခဲ့တဲ့ ၈ နှစ်က အင်္ဂလန်ကို ပြောင်းရွှေ့လာခဲ့တဲ့ မစ္စတာ အီဒရစ်ဟာ ဒီလိုအရေးယူခဲ့မှုအတွက် ပျော်ရွှင်နေပါတယ်။

“ဒီလူတွေက တော်တော်မကောင်းတဲ့လူတွေဗျ။ မွတ်စလင်၊ ဂျူး၊ ခရစ်ယာန် ဘာပဲဖြစ်ဖြစ် လူဆိုးဟာ လူဆိုးပါပဲ” လို့ သူကဆိုပါတယ်။

ဒီသတင်းကိုကြားပြီးတဲ့နောက် လီဗာပူးလ်က ပြည်သူတွေဟာ အီဒရစ်ရဲ့ စားသောက်ဆိုင် Kng Taco ကို ဖုန်းဆက်ပြီး ကျေးဇူတင်ကြောင်း ပြောကြားခဲ့ပါတယ်။

အများစုက အပြုသဘောဆောင်တဲ့စကားတွေပြောကြားခဲ့ပြီး တစ်ချို့က လက်စားချေခံရနိုင်တယ်ဆိုတဲ့ သတိပေးမှုတွေလည်း ရှိပါတယ်။

“လူသားတစ်ယောက်အနေအနဲ့ အခြားလူသားကို ကြည့်ရှုစောင့်ရှောက်ဖို့အတွက် တာဝန်ရှိတယ်လို့ ကျွန်တော် ခံစားရပါတယ်။ ထိခိုက်သူက ကျွန်တော့်ပတ်ဝန်းကျင်မှာ နေထိုင်သူပါ။ တစ်ခြားတစ်ယောက်ယောက်က ဒီလို ရိုင်းစိုင်းမယ်ဆိုရင် ကျွန်တော်လုပ်နိုင်တာ လုပ်သွားမှာပါ။ ကျွန်တော်လုပ်တာမှန်တယ်လို့ ထင်တယ်။ တိုက်ခိုက်သူတွေဟာ သင်ခန်းစာကောင်းကောင်း ရသွားမှာပါ”

Ref: Independent