မြန်မာက ကုလအချက်အလက်ရှာဖွေရေးအဖွဲ့ကို ၀င်ခွင့်မပေးလျှင် သိက္ခာမဲ့နိုင်ငံစာရင်း ၀င်မည်ဟု HRW ပြော

သြဂုတ် ၃၊ ၂၀၁၇
M-Media

မြန်မာနိုင်ငံ၏ လူ့အခွင့်အရေးဆိုင်ရာ ကုလ အထူးကိုယ်စားလှယ် ယန်ဟီးလီ

– လူ့အခွင့်အရေးကောင်စီရဲ့ အချက်အလက်ရှာဖွေရေးအဖွဲ့ကို ၀င်ခွင့်မပြုဘူးဆိုရင် မြန်မာနိုင်ငံဟာ သိက္ခာမဲ့တဲ့ အပယ်ခံနိုင်ငံတွေစာရင်းမှာ ပါဝင်သွားမှာဖြစ်ပြီး အဖွဲ့ဝင်ရောက်ခွင့်ရရေး ကုလအနေနဲ့ အားထုတ်လုပ်ဆောင်သင့်တယ်လို့ လူ့အခွင့်အရေးစောင့်ကြည့်ရေးအဖွဲ့ Human Rights Watch က ဒီနေ့မှာ ပြောကြားလိုက်ပါတယ်။

မြန်မာနိုင်ငံက လူ့အခွင့်အရေး ချိုးဖောက်မှုတွေကို စုံစမ်းစစ်ဆေးဖို့အတွက် အချက်အလက်ရှာဖွေရေး အဖွဲ့တစ်ဖွဲ့ကို ၂၀၁၇ ခုနှစ် မတ်လမှာ လူ့အခွင့်အရေးကောင်စီက ဖွဲ့စည်းခဲ့ပေမယ့် မြန်မာအစိုးရ အာဏာပိုင်တွေကတော့ ဒီအဖွဲ့ကို ၀င်ခွင့်ပေးမှာမဟုတ်ဘူးလို့ လူသိရှင်ကြား ပြောကြားထားပါတယ်။ ဒီအဖွဲ့ဟာ သြဂုတ်လမှာ လုပ်ငန်းစတင်မှာပါ။

“အချက်အလက်ရှာဖွေရေးအဖွဲ့ကို နိုင်ငံအတွင်း ၀င်ရောက်ခွင့် ပိတ်မယ်လို့ မြန်မာနိုင်ငံရဲ့ ခြိမ်းခြောက်မှုဟာ လူ့အခွင့်အရေးအပေါ် အစိုးရရဲ့ ရပ်တည်ချက်ကို ထိခိုက်မှုနဲ့သာ အဆုံးသတ်သွားမှာပါ။ ဒီအဖွဲ့ဟာ ၀င်ခွင့်မရခဲ့ရင်တောင် သူတို့အနေနဲ့ လုပ်စရာရှိတာကို ဆက်လက်လုပ်ဆောင်ပြီး မြန်မာနိုင်ငံက လူ့အခွင့်အရေး ချိုးဖောက်ခံရသူတွေအတွက် တရားမျှတမှုကို မြှင့်တင်ပေးနိုင်မယ့် အစီရင်ခံစာမျိုး ထွက်လာမယ်လို့ ကျွန်တော်တို့ ယုံကြည်ပါတယ်” လို့ HRW ဒါရိုက်တာ ဂျွန် ဖစ်ရှာက ပြောကြားခဲ့ပါတယ်။

မြန်မာနိုင်ငံအနေနဲ့ ဒီလိုခြိမ်းခြောက်မှုတွေ ထပ်လုပ်မယ်၊ အချက်အလက်ရှာဖွေရေးအဖွဲ့ဝင်တွေကို ၀င်ရောက်ဖို့ ငြင်းမယ်ဆိုရင် မြောက်ကိုရီးယား၊ ဆီးရီးယား၊ အီရစ်ထရီယာနဲ့ ဘူရန်ဒီတို့လို့ ဂုဏ်သိက္ခာမဲ့တဲ့ အပယ်ခံနိုင်ငံစာရင်းထဲမှာ ပါဝင်သွားမယ်လို့ သူက ပြောဆိုခဲ့ပါတယ်။

အချက်အလက်ရှာဖွေရေးအဖွဲ့ရဲ့ လုပ်ငန်းအတွက် လိုအပ်ချက်တွေကို ဖော်ပြဖို့၊ သူတို့ရဲ့ တာဝန်ကို ရှင်းလင်းစေဖို့၊ အစိုးရရဲ့ ဟန့်တားမှုကို မီးမောင်းထိုးပြဖို့အတွက် HRW က အမေးအဖြေတစ်ခု ထုတ်ပြန်ဖို့ ရှိနေပါတယ်။

အဲဒီ အမေးအဖြေထဲမှာ အဖွဲ့အကြောင်းနဲ့ တာဝန်တွေ၊ လက်ရှိ မြန်မာနိုင်ငံက လူ့အခွင့်အရေး အခြေအနေတွေ၊ ဒီအဖွဲ့ကို ဗီဇာပိတ်မှုအတွက် သက်ရောက်နိုင်ဖွယ်ရှိတာတွေကို ဖော်ပြမှာ ဖြစ်ပါတယ်။

“ဗီဇာမပေးဘူးလို့ ခြိမ်းခြောက်မှုမျိုးလို့ မြန်မာနိုင်ငံရဲ့ ဟန့်တားတဲ့နည်းလမ်းတွေကို ကုလက ဆန့်ကျင်ဖို့ လိုပါတယ်။ ဆိုးဆိုးရွားရွားနဲ့ ကျယ်ကျယ်ပြန့်ပြန့် ကျူးလွန်မှုတွေအတွက် မြန်မာစစ်တပ်က တာဝန်ယူမှုမရှိဘဲ တစ်ချိန်လုံး ရှောင်နေပါတယ်။ အချက်အလက်ရှာဖွေရေးအဖွဲ့ကို ၀င်ရောက်ခွင့်ပေးတာဟာ ဒီလို ဆိုးရွားတဲ့ ရာဇ၀တ်မှုတွေ ကျူးလွန်သူကို ဖော်ထုတ်ဖို့၊ မြန်မာနိုင်ငံရဲ့ လက်နက်ကိုင်ပဋိပက္ခမှာ ပါဝင်နေသူအားလုံးရဲ့ အနာဂတ် ရာဇ၀တ်မှုတွေကို ဟန့်တားဖို့ နိုင်ငံတကာအသိုင်းအ၀ိုင်းရဲ့ ကူညီမှုကို အစိုးရက ပူးပေါင်းဆောင်ရွက်ဖို့ ပြင်ဆင်နေတယ်ဆိုတဲ့ သတင်းစကားတစ်ခု ပေးလိုက်တာမျိုး ဖြစ်မှာပါ” လို့ ဖစ်ရှာက ပြောကြားခဲ့ပါတယ်။

Ref: HRW.org