မျိုးရိုးလိုက်တတ်သည့် ရောဂါများကို ဖယ်ရှားနိုင်တော့မည်

သြဂုတ် ၃၊ ၂၀၁၇
M-Media

ရောဂါဖြစ်နိုင်သည့် DNA ကို ဖယ်ရှားပြီးနောက် တွေ့ရသည့် သန္ဓေသားလောင်း

– မျိုးရိုးလိုက်ပြီး ဖြစ်တတ်တဲ့ ကြောက်စရာ နှလုံးရောဂါရဲ့ DNA ကို သိပ္ပံပညာရှင်တွေက သန္ဓေသားလောင်းကနေ ပထမဆုံးအကြိမ် အောင်မြင်စွာ ဖယ်ထုတ်နိုင်ခဲ့ပြီး အနာဂတ်မှာ မျိုးရိုးလိုက်ရောဂါတွေကို တားဆီးနိုင်ရေး လမ်းစတစ်ခုလည်း ဖြစ်ပါတယ်။

ဒီစမ်းသပ်မှုကို အမေရိကန်ပြည်ထောင်စု အော်ရီဂွန် ကျန်းမာရေးနဲ့ သိပ္ပံတက္ကသိုလ်၊ Salk Institute နဲ့ တောင်ကိုရီးယား Institute for Basic Science က ပညာရှင်တွေက ပူးပေါင်း ဆောင်ရွက်ခဲ့တာဖြစ်ပြီး ရောဂါဖြစ်နိုင်တဲ့ DNA ကို ဖယ်ရှားပြီးတဲ့နောက် သန္ဓေသားလောင်းကို ၅ ရက်တာ ဆက်ထားခဲ့ကာ နောက်ပိုင်းမှာ စမ်းသပ်မှုကို အဆုံးသတ်ခဲ့ပါတယ်။

နှလုံးရောဂါ၊ ရင်သားကင်ဆာအပါအ၀င် မျိုးရိုးလိုက်ဖြစ်တတ်တဲ့ ရောဂါပေါင်း တစ်သောင်းလောက်ကို ဖယ်ရှားနိုင်ရေး အလားအလာရှိတဲ့ ဒီစမ်းသပ်မှုကို ၂၀၁၅ ခုနှစ်က ဖန်တီးနိုင်ခဲ့တဲ့ Crispr နည်းပညာနဲ့ ဆောင်ရွက်ခဲ့တာဖြစ်ပါတယ်။

ဒီလို DNA ဖယ်ရှားမှုကို အမျိုးသားဆီက သုတ်သွေးနဲ့ အမျိုးသမီးဆီက မမျိုးဥတို့ စတင်ပေါင်းစည်းတဲ့အချိန်မှာ ပြုလုပ်ရတာဖြစ်ပြီး သုတေသနအဖွဲ့က အဓိကတာဝန်ရှိသူ ဒေါက်တာ ရှူခရတ် မီတာလီပေါ့ဗ်က ဒီလိုဖယ်ရှားလိုက်ကာ ရောဂါကင်းသွားတဲ့ မျိုးရိုးဗီဇဟာ နောက်မျိုးဆက်တွေကို လက်ဆင့်ကမ်းနိုင်မှာဖြစ်တယ်လို့ ဆိုပါတယ်။

ဒီလို မျိုးရိုဗီဇ ပြုပြင်မှုမျိုးကို ၂၀၁၅ ခုနှစ်က တရုတ်နိုင်ငံမှာ ပြုလုပ်ခဲ့ပေမယ့် အပြည့်အ၀ မအောင်မြင်ခဲ့ပါဘူး။

ဒီနည်းလမ်းရဲ့ အဓိက အခက်အခဲက ဘေးကင်းရေးဖြစ်ပြီး နောက်ထပ် ကျယ်ပြန့်တဲ့ စမ်းသပ်မှုတွေလုပ်ဖို့ လိုပါတယ်။ လက်ရှိမှာ ဒီနည်းလမ်းဟာ ကျင့်ဝတ်နဲ့ ညီပါ့မလားဆိုတဲ့ စိုးရိမ်မှုတွေလည်း ရှိနေပါတယ်။

Ref: BBC