နာမည်ကြီး အမေရိကန်လုပ်ငန်းတစ်ခုက လူဖြူအစွန်းရောက်များကို ၀န်ဆောင်မှုမပေးဟု ကြေငြာ

သြဂုတ် ၈၊ ၂၀၁၇
M-Media

– ဗာဂျီးနီးယားပြည်နယ် ချားလော့တ်ဆီဗီးလ်မြို့တွင် ပြုလုပ်မည့် နာဇီထောက်ခံသူများ၊ လူဖြူအစွန်းရောက်များ၏ ချီတက်မှုတွင် ပါဝင်မည့် လက်ယာစွန်းရောက်များ၏ ကြိုတင်အခန်းမှာယူမှုကို အွန်လိုင်း အခန်းငှားဝန်ဆောင်မှု လုပ်ငန်းဖြစ်သည့် Airbnb က လက်မခံဟု သိရသည်။

Unite the Right ဟု အမည်ပေးထားသည့် အဆိုပါချီတက်ပွဲကို လာမည့် စနေနေ့တွင် ပြုလုပ်ရန် စီစဉ်ထားပြီး အမေရိကန် ပြည်တွင်းစစ်တွင် ခွဲထွက်ရေးဘက်မှ စစ်ခေါင်းဆောင် ရောဘတ် အီလီ၏ ရုပ်တုထားရှိရေး ထောက်ခံသော ရည်ရွယ်ချက်ဖြင့် ပြုလုပ်ခြင်းဖြစ်သည်။

ဆန္ဒပြပွဲ၌ ဟောပြောမည့်သူများတွင် ချီတက်ပွဲကို စီစဉ်သူ ထင်ရှားသော လက်ယာစွန်ရောက်သမား ဂျေဆန် ကက်စ်လာ၊ လက်ယာစွန်းလှုပ်ရှားမှုတစ်ခုဖြစ်သည့် alt-right movement ခေါင်းဆောင် ရစ်ချတ် စပန်ဆာတို့ ပါဝင်မည်ဖြစ်သည်။

အဆိုပါ ချီတက်ပွဲကို ရာနှင့်ချီသော လက်ယာစွန်းရောက်သမားများ တက်ရောက်မည်ဟု မျှော်လင့်ထားသည်။

ဧည်သည့်များအတွက် ခန်းငှားဝန်ဆောင်မှုပေးနေသည့် Airbnb ၀ဘ်ဆိုက်က ထုတ်ပြန်သော ကြေငြာချက်တွင် ‘မိမိတို့လုပ်ငန်း၌ ပါဝင်ဆောင်ရွက်သူများမှာ လူမျိုး၊ ဘာသာ၊ ဇာတိ၊ လိင်၊ အသားအရောင်၊ လိင်စိတ်တိမ်းညွှတ်မှု၊ အသက်အရွယ် စသည်တို့ကိုလိုက်ကာ ခွဲခြားခြင်းမရှိ’ ကြောင်း၊ ထိုစည်းကမ်းကို ချိုးဖောက်
သော ဖောက်သည်များအား မိမိတို့က ၀န်ဆောင်မှုပေးမည်မဟုတ်ကြောင်း ဖော်ပြထားသည်။

Airbnb ၏ ထိုဆုံးဖြတ်ချက်အတွက် လက်ယာစွန်းရောက်များက အွန်လိုင်းစာမျက်နှာတွင် ပြင်းပြင်းထန်ထန် ဝေဖန်မှုများ ပြုလုပ်နေကြပြီး၊ ဂျာနယ်လစ်သမားဟောင်းဖြစ်ပြီး ထင်ရှားသော လက်ယာစွန်းရောက်သမား ကက်စ်စလာဆိုသူက Airbnb ကို ဥပဒေကြောင်းအရ တုန့်ပြန်သွားရန် စဉ်းစားနေသည်ဟု ပြောကြားခဲ့ကြသည်။

လူမျိုးရေးခွဲခြားမှုကို ဆန့်ကျင်သူများကလည်း လက်ယာစွန်းရောက်များ၏ အဆိုပါအစီအစဉ်ကို ပြောင်လှောင်သရော်ခဲ့ကြသည်။

ပြီးခဲ့သည့် ၄ လအတွင်း ချာလော့တ်ဆီဗီလ်မြို့တွင် လူဖြူအစွန်းရောက်များမှာ စီတန်းလှည့်လည်မှု ၂ ကြိမ်တိုင်တိုင်ပြုလုပ်ခဲ့ပြီး ယခုတစ်ကြိမ်နှင့်ပါဆိုလျှင် ၃ ကြိမ်မြောက် ဖြစ်လာမည်ဖြစ်သည်။

Ref: Aljazeera