ကမ္ဘာ့နိုင်ငံပေါင်း ၈၀ ကို ကာတာက ဗီဇာကင်းလွတ်ခွင့်ပေး

သြဂုတ် ၁၁၊ ၂၀၁၇
M-Media

– ပင်လယ်ကွေ့တွင် သံတမန်အကျပ်အတည်း ကြုံတွေ့နေသည့် ကာတာနိုင်ငံက နိုင်ငံပေါင်း ၈၀ ကို ဗီဇာကင်းလွတ်ခွင့်ပေးသွားမည်ဟု ဗုဒ္ဓဟူးနေ့တွင် ကြေငြာလိုက်ပြီး လေကြောင်း ပို့ဆောင်ရေးနှင့် ခရီးသွားလုပ်ငန်းကို အားကောင်းစေရန် ရည်ရွယ်ခြင်းဖြစ်သည်။

ယခုအစီအစဉ်သစ်ကြောင့် အဆိုပါ နိုင်ငံ ၈၀ မှ နိုင်ငံသားများမှာ ကာတာသို့ ၀င်ရောက်ရန်အတွက် နိုင်ငံကူးလက်မှတ်သာ ပြသရန်လိုအပ်သည်ဟု ပြည်ထဲရေးဝန်ကြီးဌာန တာဝန်ရှိသူ မိုဟာမက် ရာရှက်ဒ် အလ်-မာဇူရီက ပြောကြားခဲ့သည်။

ဗီဇာကင်းလွတ်ခွင့်ပေးသည့် နိုင်ငံများတွင် ဥရောပနိုင်ငံများအားလုံး၊ တောင်အမေရိကနိုင်ငံ အများအပြား၊ ရုရှား၊ ဂျပန်၊ အိန္ဒိယ၊ တရုတ်၊ ကနေဒါနှင့် အမေရိကန်အပါအ၀င် အာရှနှင့် မြောက်အမေရိကနိုင်ငံများ ပါဝင်သည်။

အာရပ်နိုင်ငံများ၌ လက်ဘနွန်သာ အဆိုပါစာရင်းတွင် ပါလာခဲ့သည်။ သို့သော် ကာတာက အဖွဲ့ဝင်အဖြစ် ပါဝင်ထားသည့် ပင်လယ်ကွေ့နိုင်ငံများအဖွဲ့ GCC မှ နိုင်ငံသားများမှာ အဖွဲ့ဝင်နိုင်ငံများအတွင်း လွတ်လပ်စွာ သွားလာနိုင်မည်ဖြစ်သည်။

အဆိုပါ ဗီဇာကင်းလွတ်ခွင့်မှာ ချက်ခြင်းသက်ရောက်မည်ဖြစ်ပြီး ၃၃ နိုင်ငံမှ နိုင်ငံသားများကိုမူ ကာတာတွင် ရက်ပေါင်း ၉၀၊ အခြား ၄၇ နိုင်ငံမှ နိုင်ငံသားများကို ဗီဇာမလိုဘဲ ရက်ပေါင်း ၃၀ နေထိုင်ခွင့်ပြုမည် ဖြစ်သည်။

မာဇူရီက နိုင်ငံများ၏ လုံခြုံရေးနှင့် စီးပွားရေးဆိုင်ရာ အကြောင်းအရင်းများ၊ နိုင်ငံသားများ၏ ငွေကြေး သုံးစွဲနိုင်မှုတို့ကို ထည့်သွင်းစဉ်းစား၍ ဗီဇာကင်းလွတ်ခွင့်ပေးရန် ရွေးချယ်ခဲ့ခြင်းဖြစ်သည်ဟု ပြောကြားခဲ့သည်။

ကာတာမှာ အကြမ်းဖက်အဖွဲ့အစည်းများကို ထောက်ပံ့ပေးနေသည်ဟုဆိုကာ ဆော်ဒီ၊ အီဂျစ်၊ ဘာရိန်းနှင့် ယူအေအီးနိုင်ငံများမှာ ဇွန်လဆန်းမှစ၍ သံတမန်အပါအ၀င် ကာတာနှင့် အဆက်သွယ်အားလုံး ဖြတ်တောက်ခဲ့သည်။ ကာတာကမူ ထိုစွပ်စွဲမှုများကို ငြင်းဆိုထားသည်။

Ref: middleeasteye