မြောက်ကိုရီးယားက အမေရိကန်ကို စတင်တိုက်ခိုက်လျှင် တရုတ်က ကြားနေအဖြစ် ရှိမည်

သြဂုတ် ၁၁၊ ၂၀၁၇
M-Media

– အမေရိကန်နှင့် မြောက်ကိုရီးယား၏ လတ်တလောတင်းမာမှုတွင် မြောက်ကိုရီးယားဘက်မှ စတင် တိုက်ခိုက်လာပါက တရုတ်နိုင်ငံမှာ ကြားနေနိုင်ငံအဖြစ် ရှိသွားမည်ဟု အာဏာရ တရုတ်ကွန်မြူနစ်ပါတီ၏ အာဘော်သတင်းစာ Global Times က ယနေ့တွင် ဖော်ပြခဲ့သည်။

အယ်ဒီတာ့အာဘော်တွင် ယခုကဲ့သို့ ဖော်ပြခဲ့ခြင်းဖြစ်ပြီး အမေရိကန်နှင့် မြောက်ကိုရီးယားတို့မှာ ‘နမော်နမဲ့ ကစားပွဲ’ တစ်ခုကို ကစားနေကာ ‘တွက်ချက်မှုအလွဲများနှင့် မဟာဗျူဟာမြောက် စစ်ပွဲတစ်ခု’ ကို ဦးတည်နေသည်ဟုလည်း ဆိုသည်။

“မြောက်ကိုရိးယားက အမေရိကန်မြေကို ဒုံးကျည်နဲ့ ခြိမ်းခြောက်ပစ်ခတ်မယ်၊ အမေရိကန်ကလည်း လက်တုန့်ပြန်မယ်ဆိုရင် တရုတ်အနေနဲ့ ကြားနေနိုင်ငံအဖြစ်ရှိမယ်လို့ ရှင်းရှင်းလင်းလင်း ကြေငြာသင့်ပါတယ်” ဟု သတင်းစာတွင် ဖော်ပြထားသည်။

သို့သော်လည်း အမေရိကန်နှင့် တောင်ကိုရီးယားတို့မှာ တိုက်ခိုက်မှုများပြုလုပ်ကာ မြောက်ကိုရီးယားအစိုးရကို ဖြုတ်ချရန်၊ ကိုရီးယားကျွန်းဆွယ်၏ နိုင်ငံရေးပုံစံကို ပြောင်းလဲရန် ကြိုးစားလာပါက တရုတ်အနေဖြင့် ထိုကိစ္စကို တားဆီးလိမ့်မည်ဟု ဆိုသည်။

မြောက်ကိုရီးယား၏ ဒုံးကျည်နှင့် နျူလက်နက်အစီအစဉ်များအတွက် ကမ္ဘာတွင် မရှိဖူးသည့် ပုံစံမျိုးနှင့် တုန့်ပြန်သွားမည်ဟု အမေရိကန်သမ္မတထရမ့်က ယခုတစ်ပတ်အစောပိုင်းတွင် ပြောကြားခဲ့ပြီး၊ မြောက်ကိုရီးယားကလည်း မိမိတို့အနေဖြင့် ပစိဖိတ်ရှိ အမေရိကန်ပိုင် ဂူအမ်ကျွန်းကို ဒုံးကျည်များဖြင့် ပစ်ခတ်တိုက်ခိုက်သွားမည်ဟု ခြိမ်းခြောက်ခဲ့သည်။

တရုတ်မှာ မြောက်ကိုရီးယားကို ထိန်းကျောင်းရန် ဆောင်ရွက်မှုမရှိဟု အမေရိကန်က စွပ်စွဲထားပြီး တရုတ်ကမူ ထိုပြဿနာအတွက် နိုင်ငံရေးဆွေးနွေးညှိနှိုင်းခြင်းကသာလျှင် တစ်ခုတည်းသော အဖြေဖြစ်သည်ဟု ပြောကြားထားသည်။

Ref: Aljazeera