မြောက်ကိုရီးယားကိစ္စနှင့်ပတ်သက်၍ စိတ်လျှော့ရန် ထရမ့်ကို တရုတ်က မေတ္တာရပ်ခံထား

သြဂုတ် ၁၂၊ ၂၀၁၇
M-Media

– မြောက်ကိုရီးယားနှင့် အမေရိကန်တို့အကြား စကားစစ်ထိုးပွဲများကြောင့် ကမ္ဘာကြီးက စိုးရိမ်မှုရှိနေချိန်တွင် မီးလောင်ရာလေပင့်စေမည့် စကားမျိုး မပြောရန်အတွက် တရုတ်သမ္မတ ရှီကျင့်ဖျင်က အမေရိကန်သမ္မတ ဒေါ်နယ်ထရမ့်အး သတိပေးစကား ပြောကြားလိုက်သည်။

ခေါင်းဆောင်နှစ်ဦးမှာ ယနေ့တွင် ဖုန်းပြောဆိုခဲ့ပြီး တရုတ်နိုင်ငံခြားရေးဝန်ကြီးဌာနက လက်ရှိတင်းမာနေသည့် အခြေအနေကို ပိုမိုဆိုးရွားစေမည့် စကားလုံးများ၊ လုပ်ရပ်များကို ရှောင်ကျဉ်ရန်အတွက် သမ္မတရှီက ဒေါ်နယ်ထရမ့်အား တိုက်တွန်းခဲ့သည်ဟု ဆိုသည်။

မြောက်ကိုရီးယားက ပစိဖိတ်ရှိ အမေရိကန်ပိုင် ဂူအမ်ကျွန်းအနီးသို့ တာလတ်ပစ်ဒုံးကျည် ၄ လုံးအား ဂျပန်ကိုကျော်ကာ ပစ်ခတ်နိုင်မည့်အစီအစဉ်မှာ သြဂုတ်လလယ်ပိုင်းတွင် ပြီးစီးမည်ဟု ခြိမ်းခြောက်ထားပြီး၊ ထရမ့်က ကမ္ဘာကြီးအနေဖြင့် မည်သည့်အချိန်ကမှ မမြင်ဖူးခဲ့သည့် ပုံစံမျိုးဖြင့် မြောက်ကိုရီးယားကို တုန့်ပြန်သွားမည်ဟု သတိပေးချက်နောက်ပိုင်း ပေါ်ထွက်လာခြင်းလည်း ဖြစ်သည်။

ထို့ပြင် ယမန်နေ့ကလည်း ထရမ့်က မြောက်ကိုရီးယားအနေဖြင့် အမေရိကန်အပေါ် ရန်လိုသည့်လုပ်ရပ် လုပ်ဆောင်ပါက လုံးဝ နောင်တရသွားမည်ဟု ပြောကြားခဲ့သည်။

မြောက်ကိုရီးယား၏ ခြိမ်းခြောက်မှု ပေါ်ထွက်လာပြီးနောက် နိုင်ငံအနောက်ပိုင်းတွင် Patriot ဒုံးဖျက်စနစ်ကို ချထားနေသည်ဟု ဂျပန်က ပြာကြားခဲ့သည်။

Ref: Aljazeera