ဆီးရီးယားမှ နာမည်ကျော် White Helmet ကယ်ဆယ်ရေးအဖွဲ့ဝင် ၇ ဦး ရုံးခန်းတွင် သတ်ဖြတ်ခံရ

သြဂုတ် ၁၂၊ ၂၀၁၇
M-Media

– ဆီးရီးယားတွင် ပြည်တွင်းစစ်ဒဏ် ခံစားနေရသည့် ပြည်သူများအား ကူညီကယ်တင်ပေးနေသည့် White Helmets အဖွဲ့၏ အီဒလစ်ဘ်ပြည်နယ်မှ ရုံးခန်းကို သေနတ်သမားများက ၀င်ရောက်စီးနင်းခဲ့ပြီး အဖွဲ့ဝင် ၇ ဦးကို သတ်ဖြတ်ခဲ့သည်ဟု သိရသည်။

White Helmets အဖွဲ့မှ ထုတ်ပြန်သော ကြေငြာချက်တွင် ဆာရ်မင်းမြို့မှ ထိုတိုက်ခိုက်မှုမှာ ယနေ့မနက်အစောပိုင်းတွင် ဖြစ်ပွားခဲ့သည်ဟု ဆိုသည်။ သေနတ်သမားများမှာ ကားနှစ်စီးနှင့် အခြားပစ္စည်းကိရိယာများကိုလည်း ခိုးယူသွားခဲ့သည်။

တိုက်ခိုက်မှုအတွက် မည်သည့်အဖွဲ့ကမှ တာဝန်ယူခြင်းမရှိသေးပေ။ အီဒလစ်ဘ်ပြည်နယ်မှာ သမ္မတ ဘာရှာ အလ်အာဆတ်ကို ဆန့်ကျင်သည့် သူပုန်များ ထိန်းချုပ်ထားရာ ဒေသဖြစ်ပြီး ဆာရ်မင်းမြို့တွင် အလ်ကိုင်းဒါးနှင့် ဆက်နွယ်နေသည့် တိုက်ခိုက်ရေးသမားများနှင့် လက်ယာစွန်းရောက် Ahrar al-Sham အဖွဲ့တို့အကြား တိုက်ခိုက်မှုများ ဖြစ်ပွားကာ မြို့၏ ဒေသအများအပြားကို အလ်ကိုင်းဒါးအဖွဲ့က ထိန်းချုပ်ထားသည်။

ဗြိတိန်အခြေစိုက် ဆီးရီးယားလူ့အခွင့်အရေး စောင့်ကြည့်အဖွဲ့က White Helmets အဖွဲ့ဝင်များမှာ အသံတိတ်ပစ္စတိုဖြင့် ဦးခေါင်းကို ပစ်သတ်ခံရခြင်းဖြစ်ပြီး၊ ၎င်းတို့၏ လုပ်ဖော်ကိုင်ဖက်များ မနက်တွင် ရောက်လာသည့်အချိန်ကျမှ သေဆုံးကြောင်း သိရှိခဲ့ရခြင်းဖြစ်သည်ဟု ပြောကြားခဲ့သည်။

အမည်မဖော်လိုသည့် တက်ကြွလှုပ်ရှားသူတစ်ဦးကမူ ထိုတိုက်ခိုက်မှုကို IS အဖွဲ့ဝင်များက ပြုလုပ်ခြင်းဖြစ်နိုင်သည်ဟု ဆိုသည်။

White Helmets အဖွဲ့မှာ ပြည်တွင်းစစ်ဒဏ် ခံစားနေရသော ပြည်သူများကို စွမ်းစွမ်းတမံ ကူညီကယ်တင်မှုကြောင့် ပြီးခဲ့သည့်နှစ်တွင် နိုဘယ်ငြိမ်းချမ်းရေးဆု ဇကာတင်စာရင်းဝင်ခဲ့သည်။

Ref: Alarabiya