အမေရိကန်၏ ပိတ်ဆို့မှုကို ဆန့်ကျင်သော မူကြမ်းတစ်ခုကို အီရန်လွှတ်တော် အတည်ပြု

သြဂုတ် ၁၃၊ ၂၀၁၇
M-Media

– အမေရိကန်က လတ်တလောပြုလုပ်ထားသည့် ပိတ်ဆို့မှုများကို တုန့်ပြန်သည့်အနေဖြင့် နိုင်ငံ၏ ဒုံးကျည်အစီအစဉ်နှင့် အစ္စလာမ့်တော်လှန်ရေးအစောင့်တပ်ဖွဲ့၏ လုပ်ငန်းစဉ်များတွင် ငွေကြေးပိုမို သုံးစွဲနိုင်မည့် ဥပဒေမူကြမ်းတစ်ခုကို အီရန်လွှတ်တော်က ယနေ့တွင် အတည်ပြုလိုက်သည်ဟု သိရသည်။

အီရန်၏ ဒုံးကျည်အစီအစဉ်နှင့်ပတ်သက်၍ သြဂုတ်လအစောပိုင်းတွင် အမေရိကန်သမ္မတ ဒေါ်နယ်ထရမ့်က ပိတ်ဆို့မှုအသစ်ချမှတ်သော ဥပဒေကို လက်မှတ်ရေးထိုးခဲ့ပြီးနောက် အီရန်၏ ယခုတုန့်ပြန်မှု ပေါ်ထွက်လာခြင်းဖြစ်သည်။

ဒေသတွင်း အမေရိကန်၏ အကြမ်းဖက်မှုနှင့် အန္တရာယ်များသောလုပ်ရပ်များကို တန်ပြန်သည်ဟုဆိုသည့် ထိုဥဒေမူကြမ်းကို လွှတ်တော်အမတ် ၂၄၀ က ထောက်ခံမဲပေးခဲ့ပြီး ကြားနေမဲတစ်မဲသာ ရှိခဲ့သည်။

အမေရိကန်၏ ပိတ်ဆို့မှုအသစ်များမှာ ၂၀၁၅ ခုနှစ်က ရရှိထားသည့် နျူသဘောတူညီချက်ကို ဖောက်ဖျက်ခြင်းဖြစ်ပြီး မိမိတို့၏ ဒုံးကျည်အစီအစဉ်မှာ အဆိုပါ သဘောတူညီချက်ကို အတည်ပြုထားသည့် ကုလ၏ ဆုံးဖြတ်ချက်နှင့် ဆန့်ကျင်ခြင်းမရှိဟု အီရန်က ပြောကြားထားသည်။

လွှတ်တော်၏ အမျိုးသားလုံခြုံရေးနှင့် နိုင်ငံခြားရေးပေါ်လစီ ကော်မတီမှ ပြောရေးဆိုခွင့်ရှိသူ ဟိုစိန် နာကာဗီ ဟိုစိန်နီက လွှတ်တော်မှာ နျူကလီးယားသဘောတူညီချက်ကို မချိုးဖောက်စေရန်နှင့် ဆန့်ကျင်သူများက စောဒကတက်ခွင့် မရစေရန် အဆိုပါမူကြမ်းကို ဂရုတစ်စိုက် ဆောင်ရွက်ခဲ့ခြင်းဖြစ်သည်ဟု ပြောကြားခဲ့သည်။

မူကြမ်းအရ နိုင်ငံ၏ ဒုံးကျည်အစီအစဉ်နှင့် အစ္စလာမ့်မစ်တော်လှန်ရေး အစောင့်တပ် IRGC လက်အောက်မှ လက်နက်ကိုင်တပ်ဖွဲ့ဖြစ်သော Quds Force ကို ကန်ဒေါ်လာ သန်း ၂၆၀ စီ ခွဲဝေပေးမည်ဖြစ်သည်။

Ref: Press TV