နိုင်ငံတကာ အကူအညီပေးရေးအဖွဲ့များကို နှင်ထုတ်ရန် ရခိုင်တွင် ဆန္ဒပြ

သြဂုတ် ၁၄၊ ၂၀၁၇
M-Media

– ရိုဟင်ဂျာစစ်သွေးကြွတွေကို ထောက်ပံ့ကူညီပေးနေတယ်လို့ စွပ်စွဲကာ နိုင်ငံတကာ အကူအညီပေးရေးအဖွဲ့တွေကို ဆန့်ကျင်တဲ့ ရခိုင်ပြည်နယ်က မနေ့ကဆန္ဒပြမှုမှာ ဗုဒ္ဓဘာသာဝင် ရာနဲ့ချီ ပါဝင်ခဲ့ပါတယ်။

ပြည်နယ်မြို့တော် စစ်တွေအပါအ၀င် ရခိုင်ပြည်နယ်တစ်ဝှမ်းက မြို့ပေါင်း ၁၅ မြို့လောက်မှာ ဘုန်းကြီးတွေနဲ့ ရခိုင်တိုင်းရင်းသားတွေဟာ ဆန္ဒပြခဲ့ကြပြီး လူသားချင်းစာနာမှု အကူအညီပေးရေးအဖွဲ့တွေ ချက်ခြင်းထွက်သွားဖို့ တောင်းဆိုခဲ့တယ်လို့ ဆန္ဒပြသူတွေကို ဦးဆောင်သူလို့ သူ့ကိုယ်သူဆိုတဲ့ ဦးဌေးအောင်က ပြောကြားခဲ့ပါတယ်။

“ကျွန်တော်တို့ရဲ့ တောင်းဆိုမှုတွေ ရတဲ့အထိ ဆန္ဒပြပွဲတွေ ထပ်ပြီး ပြုလုပ်သွားမှာပါ။ အစိုးရက မလုပ်ပေးရင်တော့ ဒါဟာ သူတို့တာဝန်ပါပဲ”

ဇူလိုင်လအတွင်း ပြည်နယ်မြောက်ပိုင်းမှာ ဗုဒ္ဓဘာသာဝင် ၇ ဦး ရက်ရက်စက်စက် သတ်ဖြတ်ခံရပြီးနောက်ပိုင်းမှာ ပြည်နယ်အတွင်း တင်းမာမှုတွေ မြင့်တက်လာပါတယ်။

မြန်မာအစိုးရကတော့ ဒီသတ်ဖြတ်မှုကို မွတ်စလင်အစွန်းရောက်တွေက လုပ်တယ်ဆိုတာကို သက်သေပြနေတဲ့ တောတွင်းစခန်းတွေ တွေ့ရှိခဲ့တယ်လို့ ပြောကြားခဲ့ပြီး၊ စစ်တပ်တွေကိုလည်း အဲဒီဒေသမှာ အခုရက်ပိုင်းအတွင်း တိုးမြှင့်ချထားခဲ့ပါတယ်။

ပြီးခဲ့တဲ့လမှာ တွေ့ရှိခဲ့တဲ့ တောတွင်းစခန်းတစ်ခုမှာ ကုလရဲ့ ကမ္ဘာ့စားနပ်ရိက္ခာအဖွဲ့ WFP က ဝေငှတဲ့ ဘီစကစ်တွေကို တွေ့ခဲ့ရပါတယ်။ ရခိုင်တိုင်းရင်းသားတွေကတော့ ကုလနဲ့ အခြား အကူအညီပေးရေးအဖွဲ့တွေဟာ ရိုဟင်ဂျာတွေကိုသာ အကူအညီပေးနေတယ်လို့ အရင်ကတည်းက စွပ်စွဲထားတာပါ။

မနေ့က ဆန္ဒပြသူတွေ ကိုင်ဆောင်ထားတဲ့ ဆိုင်းဘုတ်တွေထဲမှာ “အကြမ်းဖက်တွေကိုထောက်ပံ့နေတဲ့အဖွဲကို အလိုမရှိ” ဆိုတာလည်း ပါဝင်ခဲ့ပြီး ကုလနဲ့ နိုင်ငံတကာအကူအညီပေးရေးအဖွဲ့တွေ ထွက်သွားဖို့ တောင်းဆိုခဲ့ပါတယ်။

ဦးဌေးအောင်ကတော့ ဆန္ဒပြသူတွေဟာ မွတ်စလင်စစ်သွေးကြွတွေကို အစိုးရက နှိမ်နင်းဖို့၊ နိုင်ငံသားစီစစ်ရေး အလျင်အမြန်ဆောင်ရွက်ဖို့၊ ရခိုင်ဗုဒ္ဓဘာသာဝင်တွေကို ပြည်သူ့စစ်ဖွဲ့ပေးဖို့ တောင်းဆိုခဲ့ကြောင်း ပြောကြားခဲ့ပါတယ်။

ရဲတပ်ဖွဲ့တာဝန်ရှိသူ ဦးချိုလွင်က စစ်တွေ ဆန္ဒပြမှုမှာ လူပေါင်း ၆၀၀ လောက် ပါဝင်ခဲ့ကြတယ်လို့ ဆိုပါတယ်။

“ဒီနေ့ ဆန္ဒပြမှုဟာ ငြိမ်းချမ်းစွာ ပြီးဆုံးခဲ့ပါတယ်” လို့ သူကဆိုပြီး ရဲတပ်ဖွဲ့ဟာ လုံခြုံရေးကို တိုးမြှင့်ချထားကာ အကူအညီပေးရေးရုံးခန်းတွေကို ဦးတည်တဲ့ လမ်းတွေကိုလည်း ပိတ်ထားခဲ့ကြောင်း ပြောကြားခဲ့ပါတယ်။

အကူအညီပေးရေးအဖွဲ့တွေဟာ ရိုဟင်ဂျာတွေကိုသာ တစ်ဖတ်သက်ကူညီပေးတယ်ဆိုတဲ့ စွပ်စွဲချက်နဲ့ စစ်တွေမြို့က ကုလရုံးခန်းတွေ၊ ဂိုထောင်တွေဟာ ၂၀၁၄ ခုနှစ်မှာ ရခိုင်လူမျိုးတွေရဲ့ တိုက်ခိုက်လုယက်ခြင်းကို ခံခဲ့ရပါတယ်။

ကုလကတော့ ရခိုင်ပြည်နယ်အတွင်းက သူတို့ရဲ့ ၀န်ထမ်း ၃၀၀ လောက်ကို ဗုဒ္ဓဟူးနေ့က သတိပေးစာတစ်စောင် ထုတ်ပြန်ခဲ့ပြီး ပြည်နယ်အတွင်း ရန်လိုမှု မြင့်တက်လာတဲ့အတွက် သတိဝိရိယရှိကြဖို့ တိုက်တွန်းခဲ့ပါတယ်။

Ref: Reuters