မလေးရှားဝန်ကြီးချုပ်ဟောင်း မဟာသီ၏ ဟောပြောပွဲတွင် လူတစ်ချို့က ဆူပူနှောက်ယှက်

သြဂုတ် ၁၄၊ ၂၀၁၇
M-Media

– ၀န်ကြီးချုပ် နာဂျစ်ရာဇတ်အစိုးရကို ဖြုတ်ချရန် အစီအစဉ်ရှိနေသည့် မလေးရှားဝန်ကြီးချုပ်ဟောင်း မဟာသီယာ မိုဟာမက်ဦးဆောင်သော ယမန်နေ့ ဆွေးနွေးပွဲတွင် ရုန်းရင်းဆန်ခတ်မှု ဖြစ်ပွာားခဲ့သည်ဟု သိရသည်။

ကွာလာလမ်ပူမြို့ဆင်ခြေဖုံး ရှားအလမ်တွင် ပြုလုပ်ခဲ့သည့် အဆိုပါ ဆွေးနွေးပွဲမှာ နာဂျစ်အစိုးရ ရင်ဆိုင်နေရသော ဘဏ္ဍာရေးပြဿနာများကို မီးမောင်းထိုးပြရန် ရည်ရွယ်ခြင်းဖြစ်ပြီး ဆွေးနွေးပွဲစတင်ပြီး မိနစ် ၉၀ အကြာ တွင် လူတစ်ချို့မှာ ဖိနပ်များ၊ ပုလင်းများ၊ ထိုင်ခုံများဖြင့် မဟာသီယာအား ပစ်ပေါက်ခဲ့သည်ဟု ပွဲစီစဉ်သူ ဆယဒ် ဆာဒစ် ဆယဒ် အဘ်ဒူလ်ရဟ်မန်က ပြောကြားခဲ့သည်။

ထို့ပြင် ထိုသူများမှာ မီးကျည်များလည်း ပစ်လွှတ်ခဲ့ပြီး တက်ရောက်လာသည့် ပရိတ်သတ်များအကြား ရုန်းရင်းဆန်ခတ်မှု ဖြစ်ပွားခဲ့သည်။ အသက် ၉၂ နှစ်အရွယ်ရှိ မဟာသီယာ မိုဟာမက်မှာ မည်သည့် ထိခိုက်ဒဏ်ရာရမှုမှ မရှိခဲ့ပေ။

“ဒါဟာ မဟာသီယာနဲ့ အတိုက်အခံတွရဲ့အသံကို တိတ်သွားအောင် လုပ်တယ်ဆိုတာ ရှင်းပါတယ်။ ဒါပေမယ့် ဒီသရဲဘောကြောင်သူတွေကို ကျွန်တော်တို့ ဘယ်တော့မှ ကြောက်ရွံ့နေမှာမဟုတ်ပါဘူး” ဟု မဟာသီယာဦးဆောင်ကာ မကြာသေးမီက တည်ထောင်ခဲ့သော Bersatu ပါတီမှ လူငယ်ဆိုင်ရာ အကြီးအကဲ ဆယဒ် ဆာဒစ်က ပြောကြားခဲ့သည်။

အတိုက်အခံခေါင်းဆောင် အဇ်မင်ကလည်း နာဂျစ်မှာ မဟာသီယာ၏အသံ တိတ်သွားစေရန်အတွက် ဂိုဏ်းစတား လုပ်ရပ်ကို အသုံးပြုခဲ့သည်ဟု စွပ်စွဲခဲ့ပြီး ထိုလုပ်ရပ်မှာ သူရဲဘောကြောင်သည့် လုပ်ရပ်ဖြစ်သည်ဟုလည်း ဆိုသည်။

ထိုရုန်းရင်းဆန်ခတ်ဖြစ်မှု၏ နောက်ကွယ်တွင် မည်သူရှိနေသည်ဆိုကို ရှင်းရှင်းလင်းလင်း မသိရသေးသော်လည်း မလေးရှားတွင် နိုင်ငံရေးအရ တင်းမာမှုများ မြင့်တက်လာမှုကို မီးမောင်းထိုးပြနေခြင်းဖြစ်သည်။

၁၉၈၁ ခုနှစ်မှ ၂၀၀၃ ခုနှစ်အထိ မလေးရှားဝန်ကြီးချုပ်အဖြစ် တာဝန်ထမ်းဆောင်ခဲ့သော မဟာသီမှာ နာဂျစ်၏ ငွေကြေးအရှုပ်အရှင်းပြဿနာအတွက် ပြင်းပြင်းထန်ထန်ဝေဖန်ထားပြီး ၂၀၁၈ ခုနှစ် နှစ်လယ်ပိုင်းတွင် ပြုလုပ်ရန်ရှိနေသည့် အထွေထွေရွေးကောက်ပွဲတွင် မဟာသီမှာ နာဂျစ်အတွက် ခြိမ်းခြောက်မှုတစ်ခု ဖြစ်လာနိုင်သည်။

Ref: CNA