ယီမင်စစ်ပွဲမှ ထွက်ရေးနှင့် အီရန်နှင့် ပြန်လည်သင့်မြတ်ရေး ဆော်ဒီအိမ်ရှေ့မင်းသား ဆန္ဒရှိနေ

သြဂုတ် ၁၅၊ ၂၀၁၇
M-Media

ဆော်ဒီအိမ်ရှေ့မင်းသား မိုဟာမက် ဘင် ဆလ်မန်

– ၂ နှစ်ကျော်ကြာမြင့်နေပြီဖြစ်သည့် ယီမင်တွင် ပါဝင်တိုက်ခိုက်မှုအား အဆုံးသတ်ရန်အတွက် ဆော်ဒီအိမ်ရှေ့မင်းသား မိုဟာမက် ဘင် ဆလ်မန်မှာ အမေရိကန်တာဝန်ရှိသူဟောင်းများနှင့် ဆွေးနွေခဲ့ပြီး အီရန်နှင့် ပြန်လည်သင့်မြတ်ရေးအတွက်လည်း တိုက်တွန်းခဲ့သည်ဟု ပေါက်ကြားလာသည့် မှတ်တမ်းများအရ သိရသည်။

အိမ်ရှေ့မင်းသားမှာ ပြီးခဲ့သည့်ဇွန်လ ကာတာသို့ ပိတ်ဆို့မှုမလုပ်ခင် အစ္စရေးဆိုင်ရာ အမေရိကန်သံအမတ်ဟောင်း မာတင် အင်ဒိုက်နှင့် သမ္မတဘုရ်ှလက်ထက် အမျိုးသားလုံခြုံရေးအကြံပေးအဖြစ် ထမ်းဆောင်ခဲ့သော စတီဗင် ဟဒ်လေတို့နှင့် အရှေ့အလယ်ပိုင်း၌ တွေ့ဆုံစဉ် ထိုကဲ့သို့ ပြောကြားခဲ့ဖြစ်သည်။

ထိုပြောကြားမှုအတွက် အသေးစိတ်အချက်အလက်များမှာ အင်ဒိုက်နှင့် ၀ါရှင်တန်မှ ယူအေအီးသံအမတ် ယူဆက်ဖ် အလ်-အိုတိုင်ဘာတို့အကြား အပြန်အလှန်ပေးပို့သော အီးမေးလ်များမှတစ်ဆင့် ပေါက်ကြားလာခြင်းဖြစ်ပြီး GlobalLeaks အဖွဲ့က ထို အီးမေးလ်များကို ရရှိခဲ့သည်ဟု Middle East Eye သင်တင်းဌာနက ဆိုသည်။

မင်းသားက ယီမင်တွင် ၎င်းတို့ ပါဝင်တိုက်ခိုက်နေမှုမှာ ဆော်ဒီသို့ရောက်ရှိနေသည့် ပြည်ပြေးသမ္မတ အဘ်-ရဘ်ဘူ မန်ဆူရ်ဟာဒီ၏ အခြေအနေကို ပိုမိုဆိုးဝါးစေသည်ဟု ပြောကြားမှု၊ အင်ဒိုက်က ဆော်ဒီ၏ ခေါင်းဆောင်ပိုင်းအကြောင်းဆွေးနွေးကာ မင်းသားမှာ အမြော်အမြင်ရှိသည့် ခေါင်းဆောင်တစ်ဦးဖြစ်သည်ဟု ချီးကျူးမှုများလည်း အဆိုပါအီးမေးလ်တွင် ပါဝင်သည်။

အင်ဒိုက်နှင့် အလ်-အိုတိုင်ဘာတို့မှာ အနာဂတ် ဆော်ဒီနှင့်ပတ်သက်၍ ယူအေအီးခေါင်းဆောင်ပိုင်း၏ အမြင်များ၊ အစ္စရေးလိုလားသည့် ရပ်တည်ချက်၊ ယူအေအီး၏ အရှေ့အလယ်ပိုင်းဒေသအတွင်း ရည်မှန်းချက်များကိုလည်း ဆွေးနွေးခဲ့ကြသည်။

အီရန်က ထောက်ပံ့ပေးနေသည်ဟု သတင်းထွက်သည့် ဟူသီသူပုန်များကို ၂၀၁၅ ခုနှစ် မတ်လတွင် ဆော်ဒီဦးဆောင်သောအဖွဲ့က တိုက်ခိုက်ခဲ့ပြီးနောက်ပိုင်း ယီမင်ပဋိပက္ခမှာ တစ်ဖြည်းဖြည်း ဆိုးရွားလာခဲ့ပြီး လူပေါင်း တစ်သောင်းကျော် သေဆုံးကာ သန်းနှင့်ချီ၍ အိုးအိမ်စွန့်ခွာ ထွက်ပြေးခဲ့ရသည်။

Ref: Aljazeera