ဆီရာလီယိုနီ ရေကြီးမှုတွင် သေဆုံးပျောက်ဆုံးသူ ၁၀၀၀ နီးပါးခန့်ရှိနေ

သြဂုတ် ၁၆၊ ၂၀၁၇
M-Media

– အာဖရိကနိုင်ငံတစ်ခုဖြစ်သော ဆီရာလီယိုနီတွင် ဆိုးဆိုးဝါးဝါး ရေကြီးမှုနှင့် မြေပြိုမှုများကြောင့် လူပေါင်း ၃၀၀ ကျော် သေဆုံးပြီး နိုင်ငံတော် ၀မ်းနည်းဖွယ်ကာလအဖြစ် တစ်ပတ်တာ သတ်မှတ်ထားသည်ဟု သိရသည်။

၃ ရက်တာ မိုးသည်းထန်စွာ ရွာသွန်းခဲ့ပြီးခဲ့နောက် တနင်္လာနေ့တွင် မြို့တော်ဖရီးတောင်းတစ်ဝိုက်၌ မြေပြိုမှုများ ဖြစ်ပွားခဲ့ပြီး၊ မြို့တစ်ခုလုံးတွင်လည်း ရေကြီးခဲ့သည်။ သေဆုံးသူအရေအတွက်ကို တိတိကျကျ သိရှိရခြင်းမရှိသေးဘဲ ပျောက်ဆုံးသူများမှာလည်း အနည်းဆုံး ၆၀၀ ခန့် ရှိနေသည်။

ကယ်ဆယ်ရေးလုပ်သားများမှာ အလောင်း ၄၀၀ ၀န်းကျင်ကို ဆယ်ယူရရှိထားပြီး၊ ကြက်ခြေနီ တာဝန်ရှိသူတစ်ဦးက AFP သတင်းဌာနသို့ ပြာကြားရာတွင် ယမန်နေ့ညနေအထိ သေဆုံးသူမှာ ၃၀၀ ၀န်းကျင်ရှိနေပြီဟု ဆိုသည်။

ဖရီးတောင်းမြို့၏ ရေထိုးစွန့်ထုတ်မှုစနစ်မှာ ကောင်းမွန်မှု မရှိသောကြောင့် မိုးသည်းထန်စွာရွာသွန်းပါက မြို့တော်တစ်ဝိုက်တွင် ရေကြီးရေလျှံမှုများ ဖြစ်ပွားကာ လမ်းများမှာ မတ်စောက်သောကြောင့် အန္တရာယ်အလွန်ရှိသည့် အနေအထားမျိုးကို ရင်ဆိုင်ရလေ့ရှိသည်။

သမ္မတ အာရ်နက် ဘိုင် ကိုရိုမာက ထိုအဖြစ်အပျက်အတွက် ၀မ်းနည်းကြောင်း ယနေ့မနက်တွင် ပြောကြားခဲ့ပြီး လူအဖွဲ့အစည်းတစ်ခုလုံးမှာ ရှင်းလင်းခံရသကဲ့သို့ ဖြစ်နေကြောင်း၊ လက်ရှိတွင် အကူအညီများ အလျင်အမြန်လိုအပ်နေကြောင်း ပြောကြားခဲ့သည်။

လက်ရှိတွင် ကုလက ကူညီကယ်ဆယ်ရေးလုပ်ငန်းများကို လုပ်ဆောင်ပေးရန် စီစဉ်နေသည်။

Ref: Aljazeera