အစ္စရေးရဲ့ကျူးကျော်မှုကို တော်လှန်နေတဲ့ ပါလက်စတိုင်း မိခင်တစ်ယောက်ရဲ့ ရင်ဖွင့်သံ

သြဂုတ် ၂၇၊ ၂၀၁၇
M-Media

– သမိုင်းဝင် ပါလက်စတိုင်းဒေသကို သိမ်းပိုက်ထားတဲ့ ဗြိတိန်ဟာ ဒုတိကမ္ဘာစစ်အတွင်းမှာ အရှေ့ဥရောပက ဂျူးတွေကို ပါလက်စတိုင်းဒေသထဲ သွင်းခဲ့ပြီး နောက်ပိုင်းမှာတော့ ဂျူးတွေက နိုင်ငံတစ်ခုအဖြစ် တည်ထောင်ဖို့ တောင်းဆိုခဲ့ကြပါတယ်။

ဒါ့ကြောင့် ကုလသမဂ္ဂက ပါလက်စတိုင်းဒေသရဲ့ ၅၅ ရာခိုင်နှုန်းကို ဂျူးတွေအတွက် နိုင်ငံအဖြစ် သတ်မှတ်ပေးခဲ့ပြီး ၄၅ ရာခိုင်နှုန်းကိုတော့ ပါလက်စတိုင်း နိုင်ငံအဖြစ် သတ်မှတ်ပေးခဲ့ပါတယ်။

၁၉၄၇ ခုနှစ်မှာ ဂျူးတွေက အစ္စရေးနိုင်ငံ ထူထောင်ခဲ့ပေမယ့် လွတ်လပ်တဲ့ ပါလက်စတိုင်းနိုင်ငံ တည်ထောင်ဖို့အတွက် အစ္စရေးဟာ အမျိုးမျိုး အနှောက်အယှက်ပေးခဲ့ပါတယ်။

ဒါတင်မကသေးပဲ ကုလက သတ်မှတ်ပေးထားတဲ့ ပါလက်စတိုင်းပိုင်နက်ကို အမေရိကန်ကျောထောက်နောက်ခံနဲ့ အစ္စရေးက တစ်စထက်တစ်စ သိမ်းပိုက်လာခဲ့တာကြောင့် ဒီနေ့မှာတော့ ပါလက်စတိုင်းတွေရဲ့ ဒေသအားလုံးနီးပါးဟာ အစ္စရေးရဲ့ ထိန်းချုပ်မှုလက်အောက်မှာ ရှိနေပါတယ်။

ဇာတိမြေကို ဆုံးရှုံးခဲ့ရတဲ့ ပါလက်စတိုင်းတွေဟာ ခေတ်အဆက်ဆက် တော်လှန်ခဲ့ကြတာ ယနေ့အထိပါပဲ။ အဲဒီအထဲမှာ မာနာလ် တမီမီဆိုတဲ့ ပါလက်စတိုင်းမိခင်တစ်ဦးလည်း ပါဝင်ပါတယ်။

ပါလက်စတိုင်းမိခင်တစ်ယောက်ဖြစ်ရတဲ့ အခြေအနေဟာ ဘယ်လိုလဲ၊ သားသမီးတွေကို စိတ်ဓာတ်ရေးရာ ဘယ်လိုကြံ့ခိုင်စေလဲ၊ မိန်းမသားတစ်ယောက် ဖြစ်ပေမယ့် အစ္စရေးရဲ့ ကျူးကျော်မှုကို ဘယ်လိုတုန့်ပြန်နေလဲ စတာတွေကို မာနာလ်က ဒီဗီဒီယိုထဲမှာ ပြောပြထားပါတယ်။

ပါလက်စတိုင်းပိုင်နက်တွေမှာ အစ္စရေးတပ်ဖွဲ့တွေရဲ့ ရမ်းကားမှုကိုလည်း ဒီဗီဒီယိုမှာ တွေ့မြင်ရမှာပါ။

“လူမသိသူမသိ အသတ်ခံရမယ့်အစား၊ ကျွန်မတို့ရဲ့ သေခြင်းတရားကို လူတိုင်းကြားနိုင်တဲ့အနေအထားမျိုး၊ ကျွန်မတို့ ဘာ့ကြောင့် တော်လှန်ရေးလုပ်နေရသလဲဆိုတာ လူတွေ သိသွားစေတဲ့ အနေအထားမျိုးနဲ့ ကျွန်မတို့ သေသွားချင်တာပါ” ဆိုတဲ့ မာနာလ်ရဲ့ တော်လှန်ရေးခံယူချက်က ရင်ကို ထိမှန်စေပါတယ်။

Aljazeera သတင်းဌာနရဲ့ ဗီဒီယိုကို M-Media က စာတမ်းထိုး တင်ဆက်တာ ဖြစ်ပါတယ်။