ကာတာဟဂ်ျခရီးသည်များအတွက် ဆော်ဒီက နယ်စပ်ဂိတ်ဖွင့်ပေးမည်

သြဂုတ် ၁၇၊ ၂၀၁၇
M-Media

– ကာတာနိုင်ငံမှ ဟဂ်ျပြုရန် လာမည့်သူများအတွက် နယ်စပ်ဂိတ်ကို ဖွင့်ပေးသွားမည်ဟု ဆော်ဒီအစိုးရက ကြေငြာခဲ့သည်။

ဆော်ဒီ ပြန်ကြားရေးဌာနမှ ထုတ်ပြန်သော ကြေငြာချက်တွင် နိုင်ငံအတွင်းသို့ လာရောက်၍ ဟဂ်ျပြုလိုကြသည့် ကာတာနိုင်ငံသားများအတွက် ဆလ်ဝါ နယ်စပ်ဂိတ်ကို ဖွင့်ပေးသွားမည်ဖြစ်ပြီး၊ အွန်လိုင်းမှ ခွင့်ပြုချက် လျှောက်ထားရန် မလိုဟု ဖော်ပြထားသည်။

ထို့ပြင် ဆော်ဒီဘုရင် ဆလ်မန် ဘင် အဘ်ဒူလ်အဇစ် အလ် ဆာအွဒ်က ကာတာမှ ဟဂ်ျပြုလိုသူများကို ၎င်းကိုယ်တိုင် ကုန်ကျစားရိတ် အကုန်ခံကာ ခေါ်ယူသွားမည်ဖြစ်ပြီး၊ လေယာဉ်ဖြင့် လာနိုင်ရန်အတွက် ဆော်ဒီလေကြောင်းလိုင်းပိုင် ပုဂ္ဂလိကလေယာဉ်များကို ဒိုဟာသို့ လွှတ်ပေးရန် အမိန့်ပေးထားသည်။

ပြီးခဲ့သည့် ဇွန်လက ဆော်ဒီ၊ အီဂျစ်၊ ဘာရိန်းနှင့် ယူအေအီးတို့က ကာတာနိုင်ငံအပေါ် သံတမန်အပါအ၀င် အဆက်အသွယ်အားလုံး ဖြတ်တောက်ခဲ့မှုအတွင်း ဆလ်ဝါနယ်ခြားကိုပါ ဆော်ဒီက ပိတ်ပစ်ခဲ့သည်။

မက္ကာနှင့် မဒီနာတို့တွင် ဟဂ်ျပြုမည့် ကမ္ဘာတစ်ဝှမ်းမှ ဘုရားဖူးခရီးသည်များအတွက် ဂျစ်ဒါလေဆိပ်မှာ ၀င်ပေါက်ဖြစ်သော်လည်း ဆော်ဒီဘုရင်၏ ညွှန်ကြားချက်အရ ကာတာနိုင်ငံသားများကို နိုင်ငံအရှေ့ပိုင်းရှိ ဘုရင်ဖာဟဒ် လေဆိပ်နှင့် အစ်ဟ်ဆာ လေဆိပ်တို့မှတစ်ဆင့် မက္ကာသို့ ပို့ဆောင်မည်ဖြစ်သည်။

ဆော်ဒီ၏ ယခုကြေငြာချက်အတွက် ကာတာဘက်က မည်သည့်ထုတ်ပြန်မှုမှ မလုပ်သေးပေ။

ကာတာနိုင်ငံများသား ဆော်ဒီသို့ ဟဂ်ျပြုရန် သွားရောက်သည့်အခါ ကန့်သတ်မှုများ ကြုံတွေ့ရသည်ဟု စောစောပိုင်းက သတင်းထွက်ပေါ်ခဲ့သော်လည်း ဆော်ဒီက ထိုသတင်းများကို ငြင်းဆိုခဲ့သည်။

Ref: Aljazeera