မြောက်ကိုရီးယားကိစ္စ အမေရိကန်၏ အစီအစဉ်တွင် စစ်ရေးတုန့်ပြန်မှု ပါဝင်နေဆဲ

သြဂုတ် ၁၇၊ ၂၀၁၇
M-Media

– မြောက်ကိုရီးယားအား စစ်ရေးဖြင့် တုန့်ပြန်မှုမှာ ကြောက်စရကောင်းမည်ဖြစ်သော်လည်း ရွေးချယ်မှုတစ်ခုအဖြစ် ရှိနေဆဲဟု အမေရိကန်သမ္မတ ဒေါ်နယ်ထရမ့်၏ စစ်ဖက် ထိပ်တန်းအကြံပေး ဂျိုးဆက်ပ် ဒွန်ဖော့ဒ်က ပြောကြားခဲ့သည်။

တရုတ်သို့ ရောက်ရှိနေစဉ် ဒွန်ဖော့ဒ်က ထိုကဲ့သို့ ပြောကြားလိုက်ခြင်းဖြစ်ပြီး မြောက်ကိုရီးယား၏ နျူကလီးယားအစီအစဉ်အတွက် အမေရိကန်က စစ်ရေးအရ အရေးယူမည်မဟုတ်ဟု ထရမ့်၏ အခြားအကြံပေးတစ်ဦးဖြစ်သူ စတီဗ် ဘန်နွန်၏ပြောကြားမှုကို တုန့်ပြန်လိုက်ခြင်းဖြစ်သည်။

ဒုံးကျည်စမ်းသပ်မှုများ ဆက်တိုက်ပြုလုပ်နေသည့် မြောက်ကိုရီးယားကို မည်သည်အခါကမှ မရှိခဲ့ဖူးသည့် စစ်ရေးတုန့်ပြန်မှုမျိုး ပြုလုပ်သွားမည်ဟု ထရမ့်က သတိပေးခဲ့ပြီးနောက် မြောက်ကိုရီးယားကလည်း ပစိဖိတ်ရှိ အမေရိကန်ပိုင် ဂူအမ်ကျွန်းကို တိုက်ခိုက်မည်ဟု ပြန်လည်ခြိမ်းခြောက်ခဲ့သည်။

သို့သော်လည်း ကင်ဂျုံအန်က ထိုအစီအစဉ်ကို ဆိုင်းငံ့ထားသည်ဟု ပြီးခဲ့သည့်တစ်ပတ်တွင် ပြောကြားခဲ့ပြီးနောက် နှစ်နိုင်ငံ တင်းမာမှုများမှာ လျော့ပါးသွားခဲ့သည်။

အိမ်ဖြူတော်၏ မဟာဗျူဟာအကြီးအကဲ စတီဗ် ဘန်နွန်က မြောက်ကိုရီးယားပြဿနာအတွက် စစ်ရေးအရ ဖြေရှင်းမည်မဟုတ်ဟု ယမန်နေ့က ပြောကြားခဲ့သည်။

သို့သော်လည်း ဗိုလ်ချုပ် ဂျိုးဆပ်စ် ဒွန်ဖော့ဒ်က စစ်ရေးအရ တုန့်ပြန်မှုမှာ ကြောက်စရာကောင်းမည် ဖြစ်သော်လည်း စစ်ရေးဖြင့် အရေးမယူဆိုသည်မှာ မဟုတ်ဟုဆိုသည်။

“အမေရိကန်နဲ့ ဒေသတွင်းကို ဆက်လက်ခြိမ်းခြောက်နေမယ့် နျူထိပ်ဖူးတပ်ဒုံးကျည် ထုတ်လုပ်ဖို့ (ကင်ဂျုံအန်) ကို ခွင့်ပြုဖို့ဆိုတာ စဉ်းစားလို့ကိုမရတဲ့ ကိစ္စပါ”

ထို့ပြင် သမ္မတထရမ့်က စိတ်ချရပြီး အလုပ်ဖြစ်သည့် စစ်ရေးနည်းလမ်းကို စီစဉ်ထားရန် ပြောကြားခဲ့ပြီး မိမိတို့အနေဖြင့် ထိုကဲ့သို့ လုပ်ဆောင်နေကြောင်းလည်း ဒွန်ဖော့ဒ်က ထည့်သွင်းပြောဆိုခဲ့သည်။

Ref: BBC