ထိုင်ဝမ်သမ္မတရုံးရှေ့တွင် လူတစ်ဦးက ဆာမူရိုင်းဓားဖြင့် တိုက်ခိုက်မှု ဖြစ်ပွား

သြဂုတ် ၁၈၊ ၂၀၁၇
M-Media

– ထိုင်ဝမ်နိုင်ငံ မြို့တော် ထိုင်ပေရှိ သမ္မတရုံးအပြင်ဘက်တွင် ရဲတပ်ဖွဲ့အစောင့်များကို တရုတ်နိုင်ငံအလံ သယ်ဆောင်လာသူတစ်ဦးက ဆာမူရိုင်းဓားဖြင့် တိုက်ခိုက်မှု ဖြစ်ပွားခဲ့သည်ဟု သိရသည်။

ယနေ့မနက်ပိုင်းတွင် ဖြစ်ပွားခဲ့ခြင်းဖြစ်ပြီး ၎င်း၏ နိုင်ငံရေးရပ်တည်ချက်ကို ဟစ်အော်ကာ တိုက်ခိုက်ခဲ့ခြင်းဖြစ်သည်ဟု ရဲတပ်ဖွဲ့က ပြောကြားခဲ့သည်။ ဆာမူရိုင်းဓားကိုမူ အနီးရှိ ပြတိုက်မှ ပုဆိန်ဖြင့် မှန်ခွဲ၍ ခိုးယူလာခြင်းဖြစ်သည်။

သမ္မတရုံးမှာ တရုတ်မလိုလားသော ထိုင်ဝမ်သမ္မတ Tsai Ing-wen ရုံးထိုင်ရာနေရာဖြစ်သည်။ ပြီးခဲ့သည့်နှစ် သူမ သမ္မတဖြစ်လာပြီးနောက်တွင် ထိုင်ဝမ်မှာ မိမိတို့၏ အစိတ်အပိုင်းဖြစ်သည်ဆိုသည့် တရုတ်နိုင်ငံ၏ ရပ်တည်ချက်ကို လက်မခံသောကြောင့် ထိုင်ဝမ်နှင့် တရုတ်တို့အကြား ဆက်ဆံရေး ဆိုးရွားလာခဲ့သည်။

ထိုဝမ်ကျွန်းမှာ ကိုယ်ပိုင်အုပ်ချုပ်ခွင့်ရ ဒီမိုကရေစီနိုင်ငံဖြစ်သော်လည်း တရုတ်က ၎င်းတို့နှင့် ပြန်လည်ပေါင်းစည်းရမည့် အစိတ်အပိုင်းတစ်ခုအဖြစ် မှတ်ယူထားသည်။

လူဟုသာ ထုတ်ပြန်ထားသည့် အဆိုပါအမျိုးသားမှာ သမ္မတရုံးထဲသို့ ၀င်ရောက်ရန် ကြိုးစားစဉ် ဂိတ်ပေါက်ဝ၌ တားမြစ်သော ရဲတပ်ဖွဲ့ဝင်တစ်ဦးကို ဆာမူရိုင်းဓားဖြင့် ခုတ်ခဲ့ပြီး၊ ဒဏ်ရာရရှိထားသည့် ရဲတပ်ဖွဲ့မှာ စိုးရိမ်ရသော အခြေအနေတွင်မရှိဟု သမ္မတရုံးမှ ပြောရေးဆိုခွင့်ရှိသူ Alex Huang က ပြောကြားခဲ့သည်။

တိုက်ခိုက်မှုဖြစ်ပွားချိန်တွင် သမ္မတရုံး၌ ၀န်ထမ်းများစုမှာ အခမ်းအနာတစ်ခုကို ကျင်းပနေချိန်ဖြစ်ပြီး လက်ရှိတွင် တိုက်ခိုက်သူကို ရဲတပ်ဖွဲ့က ဖမ်းဆီးထားသည်။

Ref: CNA