ဘရူးနိုင်းကို ဂိုးပြတ်နိုင်ယူနိုင်ခဲ့သည့် မြန်မာအသင်း ဆီမီးတက်ပြီ

သြဂုတ် ၁၈၊ ၂၀၁၇
M-Media

Photo credit DVB

– မလေးရှားဆီးဂိမ်း အမျိုးသား ဘောလုံးပြိုင်ပွဲ အုပ်စု A ရဲ့ တတိယမြောက်ပွဲကို ဒီနေ့နေ့လည်မှာ ယှဉ်ပြိုင်ကစားခဲ့ပြီး မြန်မာ ယူ ၂၂ အသင်းက ဘရူးနိုင်း ယူ ၂၂ အသင်းကို ၆ ဂိုးပြတ်နဲ့ အနိုင်ရခဲ့ပါတယ်။

ဒီပွဲအနိုင်အတွက် မြန်မာအသင်းဟာ အခက်အခဲမရှိခဲ့ပါဘူး။ တစ်ပွဲလုံးမှာ ကစားကွက်အသာ ခြေအသာနဲ့ ကစားသွားနိုင်ပြီး အနိုင်ဂိုးတွေကိုတော့ အောင်သူ၊ စည်သူအောင်၊ မောင်မောင်လွင်နဲ့ သန်းပိုင်တို့က တစ်ဂိုးစီ၊ အောင်ကောင်းမာန်က ၂ ဂိုး သွင်းယူခဲ့တာဖြစ်ပါတယ်။

မြန်မာအသင်းဟာ အုပ်စု ၃ ပွဲစလုံးမှာ အနိုင်ရရှိထားတာကြောင့် ဆီမီးဖိုင်နယ်ကို တက်ရောက်ဖို့ သေချာသွားခဲ့ပါပြီ။ အုပ်စုနောက်ဆုံးပွဲစဉ်အဖြစ် သြဂုတ်လ ၂၁ ရက် တနင်္လာနေ့ည ၇ နာရီ ၁၅ မှာ အိမ်ရှင်မလေးရှားနဲ့ ကစားရမှာဖြစ်ပါတယ်။