အာဖဂန်တွင် တာလီဘန်နှင့် IS ပေါင်းကာ အရပ်သားများကို သတ်ဖြတ်မှု ဖြစ်လာ

သြဂုတ် ၂၁၊ ၂၀၁၇
M-Media

– သြဂုတ်လအစာပိုင်းက အာဖဂန်မြောက်ပိုင်း ဆာရီပူလ်ပြည်နယ်တွင် ဖြစ်ပွားခဲ့သည့် အရပ်သားများအား တိုက်ခိုက်မှုများကို IS နှင့် တာလီဘန်တို့က ပူးပေါင်းဆောင်ရွက်ခြင်းဖြစ်သည်ဟု ကုလက ပြောကြားလိုက်သည်။

ဆယဒ်ခရိုင်ရှိ မီရ်ဇာဝါလန် ရှီအာရွာတွင် အနည်းဆုံး လူ ၃၆ ဦး သတ်ဖြတ်ခံရမှုကို အာဖဂန်ရှိ ကုလအဖွဲ့ UNAMA က စုံစမ်းရာတွင် တာလီဘန်နှင့် IS အဖွဲ့ဟု မိမိတို့ကိုယ်ကို ကြေငြာထားသည့် အဖွဲ့တို့က ပူးပေါင်းပြုလုပ်ခဲ့ခြင်းဖြစ်သည်ဟု ယမန်နေ့က ကုလမှ ထုတ်ပြန်ခဲ့သည်။

သေဆုံးသူထက်ဝက်ကျော်မှာ အစိုးရကျောထောက်နောက်ခံပြုထားသည့် ပြည်သူ့စစ်အဖွဲ့နှင့် ထိုဒေသကို သိမ်းပိုက်ရန် ကြိုးစားသည့် တာလီဘန်တို့အကြား တိုက်ခိုက်မှုနောက်ပိုင်း သြဂုတ်လ ၅ ရက်နေ့က ထွက်ပြေးရာတွင် အသတ်ခံရခြင်း ဖြစ်သည်။

အာဖဂန်တာဝန်ရှိသူများက IS နှင့် တာလီဘန်အဖွဲ့များ ပူးပေါင်းပြုလုပ်သည့် တိုက်ခိုက်မှုအတွင်း ခေါင်းဖြတ်ခြင်းအပါအ၀င် ရွာသား ၅၀ ကျော်ကို သတ်ဖြတ်ခဲ့သည်ဟု ပြောကြားခဲ့သည်။

ကုလ၏ စုံစမ်းစစ်ဆေးမှုအရ အမျိုးသမီးတစ်ဦး၊ ဆယ်ကျော်သက် ယောက်ျားလေး ၄ ဦးနှင့် အသက် ၆၀ ကျော် အမျိုးသား ၁၃ ဦးအပါဝအင် အရပ်သား ၂၇ ဦးထက်မနည်း အသတ်ခံရသည်ဟု သိရသည်။ သေဆုံးသူများတွင် အစိုးရလိုလားသည့် ပြည်သူ့စစ်အဖွဲ့ဝင် အနည်းဆုံး ၇ ဦး၊ ဒေသတွင်း ရဲတပ်ဖွဲ့ဝင် ၁ ဦးနှင့် အာဖဂန်စစ်သားတစ်ဦးတို့လည်း ပါဝင်သည်။

ခေါင်းဖြတ်သတ်ဖြတ်ခဲ့သည်ဆိုသည့် သတင်းများကို UNAMA အဖွဲ့က အတည်ပြုနိုင်ခြင်းမရှိပေ။

Ref: Aljazeera