အာဆီယံမွတ်စလင်များ မာရာဝီတွင်ပူးပေါင်းရေး IS အဖွဲ့၏ ဆော်သြမှုကို အင်ဒိုအစ္စလာမ့်အဖွဲ့အစည်း ရှုတ်ချ

သြဂုတ် ၂၃၊ ၂၀၁၇
M-Media

– မာရာဝီမြို့မှာ သူတို့နဲ့ လာရောက်ပူးပေါင်းဖို့ အရှေ့တောင်အာရှက မွတ်စလင်တွေကို ဖိတ်ခေါ်ထားတဲ့ IS ရဲ့ ဗီဒီယိုကို အင်ဒိုနီးရှားနိုင်ငံရဲ့ အကြီးဆုံး အစ္စလာမ့်ရေးရာအဖွဲ့အစည်းက ရှုတ်ချလိုက်ပြီး မာရာဝီမြို့ရဲ့ ငြိမ်းချမ်းတဲ့ သရုပ်သကန်ကို ကာကွယ်သွားဖို့ အားလုံးမှာ တာဝန်ရှိတယ်လို့ ပြောကြားခဲ့ပါတယ်။

ဖိလစ်ပိုင်တောင်ပိုင်း မင်ဒါနာအိုကျွန်းက မာရာဝီမြို့ကို IS အကြမ်းဖက်အဖွဲ့ကို သစ္စာခံသူတွေက သိမ်းပိုက်ထားတာ ၄ လထဲ ရောက်လာပြီဖြစ်ပြီး ဖိလစ်ပိုင်အစိုးရက မြို့ကို ပြန်လည်သိမ်းပိုက်နိုင်ရေး ထိုးစစ်ဆင်နေပါတယ်။

အခု IS က ထုတ်ပြန်လိုက်တဲ့ ဗီဒီယိုမှာ သူတို့အဖွဲ့ဝင်တွေက ခရစ်ယာန်ဘုရားကျောင်း၊ လက်ဝါးကပ်တိုင်တွေ၊ မယ်တော်မေရီရဲ့ ရုပ်တုတွေကို မီးရှို့ဖျက်ဆီးနေတာကို ဖော်ပြထားပြီး၊ ပုပ်ရဟန်းမင်းကြီး ဖရန်စစ်ရဲ့ ဓာတ်ပုံတွေ ဆုတ်ဖြဲတာကိုလည်း ဒီဗီဒီယိုမှာ တွေ့ရပါတယ်။

အဘူလ်-ယာမန်လို့ဆိုတဲ့ တိုက်ခိုက်ရေးသမားတစ်ဦးက အင်ဒိုနီးရှား၊ မလေးရှား၊ ဘရူးနိုင်၊ ထိုင်းနဲ့ စင်ကာပူတို့လို နိုင်ငံတွေက မွတ်စလင်တွေအနေနဲ့ သူတို့နဲ့ လာရောက်ပူးပေါင်းကြဖို့ ဗီဒီယိုမှာ တိုက်တွန်းထားပါတယ်။

အင်ဒိုနီးရှားရဲ့ အကြီးဆုံး မွတ်စလင်အဖွဲ့အစည်းတစ်ခုဖြစ်တဲ့ နဒ်လာသွလ် အိုလမာ (NU) ရဲ့ အစ္စလာမ်ဓမ္မပညာရှင်တစ်ဦးက ဒီဗီဒိုကို ရှုတ်ချပြောဆိုခဲ့ပါတယ်။

“အရှေ့တောင်အာရှနဲ့ အရှေ့အာရှတွေဟာ ငြိမ်းချမ်းတဲ့ နယ်ပယ်တွေပါ။ အဲဒီ ငြိမ်းချမ်းမှုကို ကာကွယ်သွားရပါမယ်။ ဒီဒေသတွေမှာ ဂျေဟားဒ်အစစ်အမှန်ဟာ ငြိမ်းချမ်းရေးကို ထိန်းသိမ်းဖို့ဖြစ်ပြီး ရန်ညှိုးဖွဲ့ဖို့၊ စစ်ဖြစ်ဖို့ မဟုတ်ပါဘူး” လို့ အဟ်မဒ် ဆွေဒီက ပြောကြားခဲ့ပါတယ်။

သူဟာ The Wahid Institute ရဲ့ အမှုဆောင်ဒါရိုက်တာလည်းဖြစ်ပါတယ်။

“အစ္စလာမ်သာသနာကို ကျင့်သုံးတဲ့ မာရာဝီဟာ ငြိမ်းချမ်းတဲ့ဒေသ ဖြစ်ပါတယ်။ မာရာဝီကို ငြိမ်းချမ်းတဲ့ အစ္စလာမ်သာသနာထွန်ကားရာ နေရာမျိုး ပြန်ဖြစ်အောင် လုပ်ကြပါ”

မလေးရှား အကြမ်းဖက်တိုက်ဖျက်ရေးအဖွဲ့ အကြီးကဲ အယွဘ် ခန်း မိုင်ဒင်း ပီချေးက IS က အခု ထုတ်ပြန်လိုက်တဲ့ ဗီဒီယိုဟာ အန္တရာယ်ရှိပြီး မာရာဝီမှာ ပြဿနာတွေ စဖြစ်တဲ့အချိန်ကစလို့ မလေးရှားက IS အဖွဲ့ငယ်လေးတွေဟာ ဖိလစ်ပိုင်တောင်ပိုင်းကို သွားရောက်ဖို့ ကြိုးစားနေကြောင်း သတိပေးခဲ့ပါတယ်။

Ref: CNA