လူမျိုးရေးအစွန်းရောက်များကို နှိမ်နှင်းရန် အမေရိကန်ကို ကုလ တိုက်တွန်း

သြဂုတ် ၂၄၊ ၂၀၁၇
M-Media

လူဖြူအစွန်းရောက်များ၏ ချီတက် ဆန္ဒပြမှု မြင်ကွင်း

– အမေရိကန်နိုင်ငံမှာ မြင့်တက်လာတဲ့ လူမျိုးရေးခွဲခြားတဲ့ လှုံ့ဆော်မှုတွေ၊ ရာဇ၀တ်မှုတွေကို တစ်ညီတစ်ညွတ်တည်း၊ ခြွင်းချက်မရှိ ရှုတ်ချဖို့အတွက် ကုလက တိုက်တွန်းချက် ထုတ်ပြန်ခဲ့ပြီး ဒီလိုသာ မလုပ်ဘူးဆိုရင် အကြမ်းဖက်မှုတွေ ပိုဖြစ်လာနိုင်တယ်လို့ သတိပေးလိုက်ပါတယ်။

ကုလရဲ့ လူမျိုးရေးခွဲခြားမှု ပပျောက်ရေးကောင်စီ (CERD) က ‘ကနဦးသတိပေးခြင်းနှင့် အလျင်အမြန် ဆောင်ရွက်ရန် တိုက်တွန်းခြင်း’ ဆိုတဲ့ ခေါင်းစဉ်နဲ့ ကြေငြာချက်ထုတ်ပြန်ခဲ့တာဖြစ်ပြီး ဒီခေါင်းစဉ်ဟာ ဆိုးရွားတဲ့ အခြေအနေမျိုးကို တွေ့ရမှ ထုတ်ပြန်တဲ့ ရှားရှားပါးပါး ကြေငြာချက်မျိုး ဖြစ်ပါတယ်။

အခုလစောပိုင်းက ဗာဂျီးနီးယားပြည်နယ် ချားလော့စ်ဗီလီမြို့မှာ လူဖြူအစွန်းရောက်တွေရဲ့ ဆန္ဒပြမှုအတွင်း ရုန်းရင်းဆန်ခတ်မှုတွေ ဖြစ်ပွားခဲ့ပြီး၊ အစွန်းရောက်တွေဘက်က ကားနဲ့ တိုက်သတ်ခဲ့တာကြောင့် အသက် ၃၂ နှစ်အရွယ် အမျိုးသမီးတစ်ဦး သေဆုံးခဲ့ပါတယ်။

ထရမ့်က ဒီဖြစ်ရပ်နဲ့ပတ်သက်ပြီး အစွန်းရောက်တွေနဲ့ သူတို့ကို ဆန့်ကျင်တဲ့အုပ်စု နှစ်ဖက်စလုံးကို အပြစ်တင်ခဲ့တာကြောင့် သူ့ရဲ့ အစွန်းရောက်တွေကို ကာကွယ်ပေးတဲ့ ဒီမှတ်ချက်အတွက် ဝေဖန်မှုတွေကိုလည်း ခံခဲ့ရပါတယ်။

CERD ရဲ့ မနေ့ကထုတ်ပြန်တဲ့ ကြေငြာချက်မှာ ထရမ့်ရဲ့ ဒီလုပ်ရပ်ကို ရှုတ်ချထားပြီး လူမျိုးရေးလှုံ့ဆော်မှုတွေကို အမေရိကန်ရဲ့ ထိပ်ပိုင်း နိုင်ငံရေးအသိုင်းအ၀ိုင်းက ကန့်ကွက်ဖို့ ပျက်ကွက်တာဟာ စိတ်ပျက်စရာကောင်းတယ်လို့လည်း ဖော်ပြထားပါတယ်။

ဒီလို ပျက်ကွက်ဟာဟာ အမေရိကန်နိုင်ငံအတွင်း လူမျိုးရေးခွဲခြားမှုသဘောထားတွေ၊ လုပ်ရပ်တွေကို ပြန့်နှံ့အောင် မီးထိုးပေးသလို ဖြစ်နေတယ်လို့လည်း ကြေငြာချက်က သတိပေးခဲ့ပါတယ်။

“လူဖြူအစွန်းရောက်တွေ၊ နာဇီလက်သစ်တွေ၊ KKK ဂိုဏ်းတွေရဲ့ သိသိသာသာ လှုံ့ဆော်လာမှု၊ ကျွေးကျော်မှု၊ အလေးပြုမှုတွေနဲ့အတူ လူမျိုးရေးခွဲခြားမှု အဖြစ်အပျက်တွေကြောင့် ကျွန်တော်တို့ စိုးရိမ်မိပြီး ဒါဟာဟာ လူဖြူအစွန်းရောက်ဝါဒကို အားကောင်းစေကာ၊ လူမျိုးရေးမုန်းတီးမှု၊ ခွဲခြားမှုတွေကို လှုံ့ဆော်ပေးနေပါတယ်” လို့ CERD ဥက္ကဌ အန်နက်စ်တာစီယာ ခရစ်ကလေးက ပြောကြားခဲ့ပါတယ်။

လူမျိုးရေးအကြမ်းဖက်မှုဖြစ်အောင် လှုံ့ဆော်သူတွေကို တရားစွဲဆိုသင့်ပြီး အပြစ်ရှိကြောင်း တွေ့ရှိရတဲ့အခါမှာ သူတို့ရဲ့ ရာဇ၀တ်မှု အတိမ်အနက်ကိုလိုက်ကာ ထိရောက်တဲ့ အရေးယူ အပြစ်ပေးမှုတွေ လုပ်ဖို့လည်း ကုလ ကျွမ်းကျင်သူတွေက တိုက်တွန်းခဲ့ပါတယ်။

“အမေရိကန်အာဏာပိုင်တွေအနေနဲ့ ဒီလို လူမျိုးရေးခွဲခြားမှု သဘောထားတွေ ပြန့်နှံ့ခြင်းရဲ့ အခြေခံအကြောင်းအရင်းကို ဖြေရှင်းသင့်ပြီး၊ လူမျိုးရေးခွဲခြားမှု အဖြစ်အပျက်တွေကို စေစေငှငှ စုံစမ်းစစ်ဆေးဖို့ လိုပါတယ်” လို့ ကြေငြာချက်မှာ တိုက်တွန်းခဲ့ပါတယ်။

လွတ်လပ်စွာ ဖော်ထုတ်မှု၊ အသင်းအဖွဲ့ဖွဲ့စည်းမှုနဲ့ ငြိမ်းချမ်းစွာ စုဝေးမှုတွေဟာ အခြားသူတွေရဲ့ အခွင့်အရေးနဲ့ လွတ်လပ်ခွင့်တွေကို မထိခိုက်စေဖို့အတွက် အာဏာပိုင်တွေအနေနဲ့ သေချာအောင် ဆောင်ရွက်သွားဖို့လည်း ကုလက တိုက်တွန်းခဲ့ပါတယ်။

လူမျိုးရေးခွဲခြားမှု ဆန့်ကျင်တိုက်ဖျက်ရေး ကုလရဲ့ သဘောတူညီချက်ကို လက်မှတ်ရေးထိုးထားတဲ့ ၁၇၇ နိုင်ငံမှာ အမေရိကန်လည်း ပါဝင်ပါတယ်။ CERD ဟာ အဖွဲ့ဝင်နိုင်ငံတွေရဲ့ မှတ်တမ်းတွေကို ပုံမှန် သုံးသပ်နေတဲ့အဖွဲ့ ဖြစ်ပါတယ်။

Ref: Aljzeera